Yeremi 26:8 - BII BILA

⁸ Telen Yeremi va vanaa kan sɔɔn Mɛlɛka dimul ndu le nda tɛɛngullo-on siowvo dimullo-o, má bii ndu a dimio aa: «A bɛnda ma sɔla piɔ́mndo.

Yeremi 26:8 Referans Kwoze

Dɛnnda kiilaa 7:52

Fuɲaa niaa mamaa lekɛ́ndɛi niaa vel ni! Vana-tɛɛngaa-diom Hala kon co le, o fuɲaa niaa mamaa kɛɛ yɛlen tollo. A cii vanaa va sɔɛi a hunɔɔ vana sandaa ndu pilɛ kpé dimio-a diw. Sunsun yɛ niko, niaa bɛɛ cii ndu baa kei o mundu, mí la dii ndu.

Dɛnnda kiilaa 5:33

Vanaa kialaa n'yamaa tueyɔɔ sɔɔn mun, má tambu kɔltan, o kon má tuu le nda diwvo.

Matie 22:6

Mí vanaa tɔ̀a bii buɛyaa kan, má saangiaa nda, má diw nda.

Yeremi 18:18

O kon mí vannda pum a dimi aa: «La hun mì n yiinun Yeremi dúmbú! Kani vanaa-solia-lasálàá venin naa lepɛŋ le naa pɛɛkoo le, kaasoŋaa kɔlkalua venin naa lepɛŋ le naa silala kɛndɛlan yɔngoo le, vanaa-tɛɛngaa-diom Hala-a bɛɛ venin naa lepɛŋ le naa sɔɛi Hala-e tɛɛngullo le. N kɔnnun mì n kɔ hɛɛndun ndu sɔɔn coo. N yaŋnun nilan o sɔɔn o vanin dimio-on te!»

Yeremi 2:30

I diw poaa niaa, kɛ sangan fondo fúú, kani a bii sila nuu le. Mí la diw vanaa-tɛɛngaa-diom Hala-a niaa maa yàlàá kɔltuw.

2Dɛnnda lemasalan 36:16

Kɛ Israɛlla saalan kiilaa Hala-a kan te, má pɛɛsa sɔɔn Hala-on, má va vanaa-tɛɛngaa-diom Hala-a mamɔɔ, háá mí Mɛlɛka tuulu kɔllo a Israɛlaa kan, a co kan vanaa ndɔa-a pɛɛn. Ɲɛ-ɲɛ nɔ̀lá kɔltuw kon pɔlul te.

Dɛnnda cɔɔmuanndan 18:24

Babilɔn ndon nda saalun kooma vanaa-tɛɛngaa-diom Hala-a ni, ma vanaa diandaa a kooma vanaa-vanaa nda kelu bololan o lɛŋnden coo-a-an.

Matie 27:20

Kɛ mí bolii vanaa-solia-lasálàá a simlacia pei vannda sɔɔn niŋ le Barabas malɔɔ, mà dii Yeesu.

Yeremi 18:23

Nɔm Mɛlɛka, a pɔw ɲɛ-ɲɛ o tuula nda co le ya diyɔɔ lan nin te. Mal nda haki le dɛnɛ vɔɔn nda co tosaa-o le, faŋa hɔlla o hakila ndalan te. Màá a siɛɛlia mà deli nɔm o hɔl telen n co kɔl fula a nda-o!

Yeremi 32:3

Sedekia masaa Yuda ndóò mal ndu o kaasoo ni, kani mó cɛɛŋun a vana-tɛɛngaa-diom Hala-o o kɔɔ aa o dimi o diola Mɛlɛka lan maa o co kobio ho malɔɔ masaa Babilɔn o ba, mò bii ndu.

Yeremi 43:1

Telen Yeremi cii vannda kpow sɔɔn Mɛlɛka Hala ndaa dimul ndu-on tɛɛngul-lo, sɔɔn Mɛlɛka Hala ndaa ndóò dimul ndu mun le nda kpow-von pɛɛn,

Amɔs 7:10

O kon mí Amasia, ó va vana-solia-lasálàá Betɛl-lo yaa congɔnndo o Yeroboam va masa Israɛlla-o lo, le ndu dimullo aa: «Amɔs yii nɔm dúmbú cuavaa Israɛlla tɛɛn. Lɛŋnden le cɛl lɛnin le nilan yaŋɔɔ o sɔɔn o co dimio-on te.

Yeremi 1:19

A cɔlɔbanin nɔm, kɛ a nɔlanin nɔm ɲɛ-ɲɛ tosa le. Kani i co nɔm ikɛi le nɔm baŋaa.» Ya Mɛlɛka soo nuaa ni.