Yeremi 26:3 - BII BILA

³ Bɔɔle mà tuei nɔm diom, mì vana-vana mal kela ndɔ vɔɔndo. O kon, ya bɛɛ i malnin dɛnnda palaala yáà tuu le nda tuisio coo le kela nda vɔɔndo lan.

Yeremi 26:3 Referans Kwoze

Yeremi 36:3

Bɔɔle lɔ́ɔ́ vannda Yuda sinanin yiyan ya nɔ le nda dɛnɛ palaa tuisio coo-o, nda kpow a kindikindinnin le kela nda vɔɔndo malɔɔ, o kon i melnunnin nda le kela nda vɔɔndo, mì mal nda haki.

Yonas 4:2

mó dimul Mɛlɛka aa: «Àá Mɛlɛka! Hee ya va dimio lɔ́ɔ́ ya va vɔ o lɛŋnde nilen nin-ndo ni. Lelan yáà cɛn vɛlɛ le ɲaanɔnndo Tarsis ni. Kani yáà sina maa nɔm Hala, vana ikɛndɔɔ n co ni. A hiw ɲííye nɔu, a yala kɔl tuulu le, a faŋan o lediom coo le. A nɛi dɛnɛ palaa nɔm óò kɔngɔlan le vannda tuisio coo-o mangala le.

Yeremi 36:7

Bɔɔle a cannin mà tɛɛlun Mɛlɛka a kpaaya ndaa kpow, o kon mì vana-vana mangala kela ndɔ vɔɔndo, kani taw-taw Mɛlɛka tambu kɔllo a vannda ha ni.»

1Masaa 21:29

«A ce mɛɛ Akab tuisin tootoo ya o hɔl-lɛ? Le tùú o tuisun tootoo ya o hɔl-lo, i tuisinin dɛnɛ palaa ho telen o co yoomu-o le, kɛ telen po ndɔɔ vanin masaa-o ya tuisinin yungu ndɔɔ dɛnɛ palaa kalaa coo ni.»

1Masaa 21:27

Lɔ́ɔ́ Akab tuei sɔɔn Mɛlɛka-n Elii tɛɛngul ndu mun-ndon-ndo, mó sɛɛsian volɔɔlan lekɔɔ, mó vownun bɔlɔla yuululan, mó bii sumndo. Mó va lɔan a bɔlɔla yuulula lan lekɔɔ, mó muungu kɔlan duɛɛn-duɛɛn.

Yeremi 26:13

La bɛɛndiaa niko kela niaa a dɛnnda niaalan, mì la yaŋ Mɛlɛka Hala niaa nilan. O kon o tuisi lɛnin dɛnɛ palaa o tuu le niaa tuisio coo-o le.

Esekiɛl 12:3

Lelan, nɔm po vanacieo, bɛɛndiaa volɔɔlan maa vana nda co kɔlan o biyɔɔ nin-ndo, mà kɔɛ nda o hɔl ipala déŋ mɛɛ vana kɔa o biyɔɔ nin yɛ. Faŋan nda o hɔl o fonda n co icali-o, mà kɔɛ o fonda celen, maa vana nda co kɔlan o biyɔɔ nin-ndo.

Osee 11:9

I tosanin mɛɛ kɔllo tuulu ya taw yɛ le. I muungunin le polale Efraim-nden tɛɛmbuuo le. Kani i co vanaciee le, Hala ya co ni. O-Diandaa ya co niaa tɛɛn ni, I hinnin a kɔltuw le.

Yɔɛl 2:14

Nɛ̀ɛ́-nɛ̀ sina yɛ te Mɛlɛka muungunin mò mangala yiyanndo le? Nɛ̀ɛ́ sina yɛ te o mɛinin duaa ndu kɔɔli mì la nɔla le Mɛlɛka Hala niaa sálàla kpeyanndan a sálàla mamɔilan solullo le?

Yeremi 26:19

Vɛ̀ɛ̀ diyɔɔ masaa Esekia a vannda Yuda a dii Misee le sɔɛi ken ni? A dii ndu le, kɛ má ke Mɛlɛka bɛɛlen taw, má kindin le ndu hɛnanndo. O kon mí Mɛlɛka mangala yiyan va ndu-o, o tuisi lɛ nda dɛnɛ palaa ndóò kɔngɔlan le nda tuisio coo-o coo le. Kɛ te naa naa n dii pɛ langbanɔɔ ho, mɛɛ n co dɛnɛ palaa bɛndoo tuisin coo.»

Esekiɛl 18:21

Te vana kɔlvesɛiyo mulul pɛ hakila o va tosaa lan kpede kɔɔ, mò mal tan. Te o bii pɛ silala nilan kpow, mò tosa sakpoyɛi a dɛnɛ sandaa, lekɛ́ndɛi o vanin yoomu, o vinin te.