Yeremi 26:21 - BII BILA

²¹ Mí masaa Yehoyakim, vanaa ndɔa cumulaa a simlacua ndɔa kpow a tuɛi sɔɔn mun, mí masaa va nɛilan nuwviaa le ndu diyɔɔ. Uria tueyɔɔ sɔɛi ken, mí siòònde bii ndu, mó ɲaanun, mó kɔannun Esipte.

Yeremi 26:21 Referans Kwoze

Matie 10:23

Te vannda tol pɛ niaa yɛlen o kobio pum nin, la ɲaanun mì la kɔɛnnun o kobi celen nin. Mì dimul niaa toɲaa, la ciinin kobila co o lɛŋnde Israɛl-ten nin-ndan balɔɔ le, mì Po vanacieo hin.»

Matie 14:5

Ndóò yeema le Nsaŋ diyɔɔ, kɛ siòònde va ndu a vannda, kani nda kpow a va cɔu maa vana-tɛɛngaa-diom Hala-o Nsaŋ va ni.

Yeremi 36:26

Kɛ mí masaa dimul Yerameɛl po ndɔ, Seraya po Asriɛl-lo, a Selemia po Abdeɛl-lo maa a bii Baruk vana sɛvaa nda Yeremi vana-tɛɛngaa-diom Hala-o. Kɛ mí Mɛlɛka vian nda kpíŋ.

2Dɛnnda lemasalan 16:10

Mí Asa tambu kɔl taw a vana-tɛɛngaa-diom Hala-o le sɔɔn o dimi mun-ndon. Mó bii ndu, mó mal ndu o kaasoo. Mó saangiaa vannda pum taw o telen kon bɛngu.

Marke 6:19

Herodiade va nɛyɔnndo a Nsaŋ, ndóò yeema le ndu diyɔɔ. Kɛ ndóò nɔla le,

Matie 10:39

Vana-vana kindin pɛ le yoomu ndɔɔ mandaa, o hɛlun ndu. Kɛ vana-vana yoomu ndɔɔ hɛlun pɛ le ya, ndu sɔlanin yoomu kpeekpeiyo.»

Matie 10:28

La vò vanaa dii diallon kɛ a nɔla kɔllo diyɔɔ le-a le. Kɛ o niaa vo-o co Vana tosà mì kɔllo a diallon kɔɛ o ɲánndávàà-o ni.

Talelan 29:25

Vana yɔŋ pɛ siòònde a vanndacieea mɛɛ yaŋɔɔlen le co ndu laci. Kɛ vana tiindan pɛ Mɛlɛka, ndu sɔla kandaa.

Condii lisai 119:109

Yoomu nuu va bɛɛ o malnanndo lɔ́ɔ́-lɔ́ɔ̀, i pɔɛɛnunnin tɔŋ nɔmndo le.

2Dɛnnda lemasalan 24:21

O kon mí vannda yii Sakari dúmbú, mí masaa dimul nda le ndu viiyo a powtan o bɛ́ɛ̀ Cɛi-Hala-o nin.

Yeremi 26:10

Simlacia tueyɔɔ sɔɛi ken, má mal o cɛi lemasaa, má hel o Cɛi-Hala-o, má kɔ cal o dio sɛnɛi Cɛi-Hala-o.

Yeremi 38:4

O kon mí simlacia dimul masaa aa: «Langbanɔɔ ho bɛnda mò sɔla piɔ́mndo! Kani sɔɔn o co dimio-on co vanaa cɔwva a vanaa lo o kobio nin-nda yoomuan solio. O yeema dɛnɛ kɛndɛ vannda ha le, fɔ dɛnɛ nda vɔɔndo daama.»

1Masaa 18:10

Nduyɛ, le Mɛlɛka Hala nɔm co hoo yoomu-o ya co nɔm toɲaa dimullo nuaa ni: Nɛɛ-nɛɛ masaa Akab ndóò vem pɛ vannda nɔm kɔɔli o vanaa-mangalaa-isɔɔa tɛɛn a o masaa lo, mì vanaa kan ndáà dimi maa nɔm co nda tɛɛn ndon te, mɛɛ mì ndáà mɛnan po maa a ci nɔm te few-few.