Yeremi 26:2 - BII BILA

² «Sɔɛi ya Mɛlɛka dimi-e co hee ni aa: kɔ sim o bɛ́ɛ̀ Cɛi-Hala-o nin, mà dimul vanaa-vanaa fula o kobila Yuda lan nin, mà hin le kaannden. Kɔ miinguu sɔɔn ya co nɔm dimul le nda tɛɛngullo-on, diomndo pilɛ bɛɛ faŋa lecoo le.

Yeremi 26:2 Referans Kwoze

Tɔŋ miingua 4:2

La handu ɲɛ-ɲɛ o ɲɛ ya pɛɛku niaa-o coo le, la faŋa ɲɛ-ɲɛ lecoo le. La bii tɔŋnda Mɛlɛka Hala niaa, la ya co niaa tɛɛngullo lan.

Dɛnnda kiilaa 20:27

Kani i cɔm niaa tuula Hala lan kpow, i vin niaa ɲɛ-ɲɛ le.

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Yeremi 19:14

Mɛɛ Yeremi fula Tofɛt nɛɛ Mɛlɛka ndóò vem ndu sɔɛi ndɔɛi tɛɛnguuo-a, mó kɔa o bɛ́ɛ̀ Cɛi-Hala-o nin, mó dimul vannda kpow aa:

Yeremi 1:17

Lelan nɔm Yeremi, yiinun yáwlen kpeekpei, mà tɛɛngul nda ɲɛ-ɲɛ ya dimulnin nɔm. Ɲiiya nda o hɔl te, yɔŋii ya tosa mà ɲiiya niko nda o hɔl kpeekpei.

Dɛnnda kiilaa 20:20

La sinà maa i vin niaa ɲɛ-ɲɛ le, o bɛnda le niaa-o pɛɛn. I pɛɛku niaa ndu vannda kpow o hɔl, mí kei vɛlɛ niaa ndu cɔm cɛilan nin.

Dɛnnda kiilaa 5:42

Lepalaa-lepala, a ve pɛngi hiovɔɔ laci a vannda pɛɛkoo o Cɛi-Hala-o nin a o la nda lo cɛilan nin te. A va nda vɛlɛ Yoongu Kɛndɛ Yeesu Krista-o tiiyallo.

Nsaŋ 18:20

Mí Yeesu mulul ndu aa: «Kpendekele ya va sɔɛi o vannda kpow lo ni. Lɔ́ɔ́-lɔ́ɔ̀, i va vannda pɛɛkoo o cɛila lekaanndan a o Cɛi-Hala-o nin nɛɛ Yuifia kpow bɔɔŋian-nda. I dímí ɲɛ-ɲɛ o vionnɔn nin te.

Esekiɛl 3:10

Mó dimul-la vɛlɛ aa: «Po vanacieo sei, yaŋ nilan ɲɛkɛndɛi o sɔɔn ya dimulnin nɔm-ndon kpow, mà mandan mun o kɔl kpáŋ!

Yeremi 36:10

Mí Baruk dimi sɔɔn Yeremi dimi mó sɛva o sɛbɛ simbulaa nin-ndon vannda kpow o hɔl, o cɛi lenin Kemaria, po Safan vana sɛvaa-o nin, o falii bɛndui Cɛi-Hala-o nin o dio sɛnɛi luɛyaa Cɛi-Hala-o.

Yeremi 23:28

Vana-tɛɛngaa-diom Hala sɔl pɛ lɔma ndɔ, ndu cɔm vannda lɔma o sɔl-lan! Kɛ te i yɔngu ndu pɛ yoongoo pum, o bɛnda mò tɛɛnguu ndu lende kpafii!» Vana tuu billo a kullon te. Mɛlɛka dimi lende ni.

Yeremi 7:2

«Sim o dio cɛi nuu sondoo, mà yonda sɔɛi he, mà dimi aa: «Niaa Yudaa kpow, niaa co keiyo o diolan ndan le luɛyɔɔ, le vulan baŋɔɔ Mɛlɛka o labɛngunin-nda, la yaŋ nilan o diom Mɛlɛka dimi-o.

Dɛnnda cɔɔmuanndan 22:19

Te vanndo faŋa yɛ pɛ ɲɛ-ɲɛ o sɔɔn Hala dimi mun mì n va n sɛvaa o sɛbɔɔ ho nin-ndon coo, Hala faŋanin kulun yɔm yoomaa vana kon a tɔnɔ o nɔ o kobi diandaa nin-ndo lecoo, yɔm yoomaa a kobi diandaa sɔɛi ndɔɛi sɛvan o sɛbɔɔ ho nin-ndo pɛɛn.

Dɛnnda kiilaa 5:25

O kon kɔɔli, mí vanndo hun, mó dimul nda aa: «La tofa vɔ, vanaa niaa kinda o kaasoo-a co nihau o Cɛi-Hala-o nin, a co vannda pɛɛkoo.»

Nsaŋ 8:2

Kɛ paalen siɔu dɔ́ɔ́, mó muungu o Cɛi-Hala-o nin, mí vannda kpow a hun o ndu lo. Mó cal le nda pɛɛkoo.

Luke 19:47

Yeesu va vannda pɛɛkoo lɔ́ɔ́-lɔ́ɔ̀ o Cɛi-Hala-o nin. Kɛ bolii vanaa-solia-lasálàá, vanaa pɛɛkaa latɔŋnda a simlacia lelɛŋnda va nɛilan nuwviaa le ndu diyɔɔ.

Yeremi 42:4

Mí Yeremi vana-tɛɛngaa-diom Hala-o dimul nda aa: «I tuei, i co Mɛlɛka Hala naa piɛi mɛɛ niaa ɲuna yɛ. Nduyɛ ɲɛ-ɲɛ Mɛlɛka muli pɛ, i tɛɛngulnin niaa lende. I vinnin niaa ɲɛ-ɲɛ le.»

Tɔŋ miingua 12:5

Mɛlɛka hɛlinin fondaa o tàndàla polama niaan ma vanin icali nin-ndan tɛɛn, le diola ndɔlan vaa biilɔnndo lon a le calta ndɔlan kɛsio lon, lon daama niaa vanin kɔlan ndu piɛiyo ni.

Yeremi 7:27

Nɔm Yeremi, taa cɔm pɛ nda sɔɔn mun kpow, mà yeŋ nɔm lani le, mà yondal nda ma cɛl nɔm diom te,

Esekiɛl 33:7

Lelan, nɔm Po vanacieo, nɔm ya siinguu kpalilnɔɔ le cuavaa Israɛlla ni. A bɛnda ma yaŋ nilan o sɔɛi vanin fulaa ya o sondo-e, mà tɛɛngul nda ndi o diola nilan.

Esekiɛl 40:4

Mí langbanɔ kon dimul-la aa: «Po vanacieo sei, tofa mà mɛɛndan ɲɛkɛndɛi, mà yaŋ nilan yékén. Handu hɔlla o dɛnnda ya co nɔm cɔm-ndan kpede coo, mà dɔw lan taasi. Kani le lan tofaa a lan mɛɛndanndo nda hin a nɔm nanu ni. A cii pɛ cɔ, a kɔ downun cuavaa Israɛlla kona, a tɛɛsial nda ɲɛ-ɲɛ n co hunɔɔ cɔ a lehɔl.

Yosue 8:35

Mó dimi sɛbɛ latɔŋ Moise-o kpow, o kɛ́-kɛ̀ o pɔɛɛnun te. Mó dimi lan Israɛlla kpow o hɔl: vanpiaandua, vanlaandua, cuaambɔa a mialaa va icali nda o bɛngu coo-a.

Yeremi 1:7

Kɛ mí Mɛlɛka mulul-la aa: «Dimi le maa cuaambɔɔ n co ni. Kani a kɔanin o vanaa ya co nɔm vomɔɔ o nda lo-a lo, mà tɛɛngul nda ɲɛ-ɲɛ ya dimulnin nɔm.

Yeremi 25:2

Mí Yeremi dimul vannda Yuda a haa Yerusalɛm kpow sɔɛi ken aa:

Yeremi 28:5

Mí Yeremi mulul Hanania vana-tɛɛngaa-diom Hala-o, vanaa-solia-lasálàá a vannda kpow o hɔl aa: