Yeremi 26:19 - BII BILA

¹⁹ Vɛ̀ɛ̀ diyɔɔ masaa Esekia a vannda Yuda a dii Misee le sɔɛi ken ni? A dii ndu le, kɛ má ke Mɛlɛka bɛɛlen taw, má kindin le ndu hɛnanndo. O kon mí Mɛlɛka mangala yiyan va ndu-o, o tuisi lɛ nda dɛnɛ palaa ndóò kɔngɔlan le nda tuisio coo-o coo le. Kɛ te naa naa n dii pɛ langbanɔɔ ho, mɛɛ n co dɛnɛ palaa bɛndoo tuisin coo.»

Yeremi 26:19 Referans Kwoze

2Samiɛl 24:16

Mɛlɛkanɔ Hala-o siɛndio baa a kpengii Yerusalɛm-nde le Yerusalɛm kon tɛɛmbuuo, mí ɲííye bii Mɛlɛka, mó mangala yiyanndo. Mó dimul mɛlɛkanɔ tɛɛmbua kon aa: «O va nihau nuaa, tuisi baa.» Tuma kon kpafii, mɛlɛkanɔ Hala-o va o kpele lɔaa n'mal Haarawna Yebusiinɔ-o ikɛi.

Fulaa 32:14

O kon, mí Mɛlɛka ɲulul kɔl a yungu ndɔɔ, mó mal yiyan va ndu le nda kpundɔɔ tuisio coo-o.

Dɛnnda kiilaa 5:39

Kɛ te Hala o ba la co yɛ fulaa ni, la nɔlanin ndan tɛɛmbuu le. Lelan la caa dɛ, yɔŋii niaa pila simul Hala!» O kon mí vanaa kialaa n'yamaa lelɛŋnda cɛl yiyan Kamaleɛl cɔm kon-ndo,

Esai 37:4

Bɔɔle Mɛlɛka Hala nɔmndo tuei sɔɔn fula bolle vanaa yɔngù masaa mɔiyan-nda-o o sondo-on, o vana ndɔ bɛndoo, o co masaa Asiri-o vem le hunɔɔ Hala yoomaa yeowlan-ndo pɛɛn, bɔɔle Mɛlɛka Hala nɔmndo soaŋnin ndu le sɔɔn o tuei mun-ndon. Lelan, piɛi Hala le vanaa tɔ̀a lo vɔ haa yoomu-a, yandi!

Esai 37:1

Mɛɛ masaa Esekia tuei sɔɔn mun, mó sɛɛsiaa volɔɔla va ndu lekɔɔ lan, mó vownun volɔɔla yuululan, mó kɔa o Cɛi-Mɛlɛka-o nin.

Dɛnnda cɔɔmuanndan 16:6

Kani vannda cuiŋi kooma vanaa diandaa a kooma vanaa-tɛɛngaa-diom Hala-a, mí nɔm ke nda koovan le kolɔɔ, ken bɛnda a nda ni.»

Matie 23:35

haliko mi dɛnɛ piɔ́m vanaa tɛɛmbuu isɔɔ le-a del niaa o lebol, vanaa nda diw o lɛŋnden coo-a pɛɛn. Kandɔɔ a piɔ́m Abɛl vana sandaa-o, kɔ bii háá a piɔ́m Sakari, po Berekia-o-o, ò niaa dii Cɛi-Diandaa a fonda-loamaa-lasálàá tɛɛn-ndo.

Habakuk 2:10

Tuula niaalan kpede la co niaa pila mingulɔn, mì siɛmbulan la bii vanaa niaa. La va yiyanndo maa la diw pɛ vannda taw, la sɔla baŋaa, kɛ nduyɛ, ken co niaa dɛnɛ palaa yɔngoo ni.

Yeremi 44:7

Lelan diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: «Le yɛɛ niaa pila co yɛ dɛnɛ vɔɔn bɛndu vaa nuaa tosalanndo? La yeema mi vanpiaandua, vanlaandua, felengia a cɛlɛkpɛa o tàndá Yuda-o nin kpow cuu vu o lepilɔɔ? Vɛ̀ɛ̀ la yeema mi vana pilɛ bɛɛ lo yoomu o niaa tɛɛn te?

Yeremi 26:15

Kɛ nduyɛ, te la dii ya pɛ vana tɛɛmbuu isɔɔ loo, niaa, kobio ho a vanaa co lenin-nda kpow sɔɛi ken co va o lebol ni. Kani lekɛ́ndɛi, Mɛlɛka vem ya o niaa lo ni, le niaa sɔɔn mun dimullo mì la tuei mun.»

Yeremi 26:3

Bɔɔle mà tuei nɔm diom, mì vana-vana mal kela ndɔ vɔɔndo. O kon, ya bɛɛ i malnin dɛnnda palaala yáà tuu le nda tuisio coo le kela nda vɔɔndo lan.

Esai 26:21

Kani la tofa vɔ, Mɛlɛka co fulaa o calta ndɔlan nin le vanaa co o lɛŋnden coo-a soŋɔ̀ɔ́, le dɛnnda vɔɔnnda ndalan. Lɛŋnden le solinin kooma deli lecoo-an ceen vakpa, le vin ndɛnin vanaa nda diw lecoo-a le.

2Dɛnnda lemasalan 34:21

«La kɔ mì la ɲuna Mɛlɛka isɔɔ o sɔɔn sɛbɛ tɔŋ nda ce hoo-o coo le ya, le vanaa tɔ̀a lo icali Israɛl a Yuda-a. Kani kɔltuw Mɛlɛka co hunɔɔ naa tolɔɔ coo-o vanin o bɔɔ! Bau fuɲaa naa mamaa bii sɔɛi ndɔɛi le, a kela mɛɛ sɔɔn sɛvan o sɛbɔɔ ho nin-ndon kpow n dimi yɛ le.»

2Dɛnnda lemasalan 32:20

O kon mí masaa Esekia nda Esai vana-tɛɛngaa-diom Hala-o, po Amɔt-o a piɛi Hala le sɔɛi ken.

Amɔs 7:3

O kon mí ɲííye bii Mɛlɛka, mó mangala yiyanndo, mó dimi aa: «Ken tosannin te!»

Sakari 7:2

Nduyɛ, vannda Betɛl ndáà vem Sarɛsɛr nda Rekɛm-Melɛk a vanaa ndɔa le kɔlan Mɛlɛka tɛɛlɔnndo,