Yeremi 26:10 - BII BILA

¹⁰ Simlacia tueyɔɔ sɔɛi ken, má mal o cɛi lemasaa, má hel o Cɛi-Hala-o, má kɔ cal o dio sɛnɛi Cɛi-Hala-o.

Yeremi 26:10 Referans Kwoze

Yeremi 36:10

Mí Baruk dimi sɔɔn Yeremi dimi mó sɛva o sɛbɛ simbulaa nin-ndon vannda kpow o hɔl, o cɛi lenin Kemaria, po Safan vana sɛvaa-o nin, o falii bɛndui Cɛi-Hala-o nin o dio sɛnɛi luɛyaa Cɛi-Hala-o.

Esekiɛl 22:27

Simlacia nɔmnda co macoaa maa tunaa yondoa co ɲɛ nda bii-o sɔmndo-a, a co vannda diwvo a yoomulan tɛɛmbuuo le bolofaa sɔlaa o ken nin.

Esekiɛl 22:6

Tofa vɔ simlacia Israɛlla, vana-vana co dɛnndan tosaa o nɔm ndo a kpaaya ndɔɔ le vanndacieea diwvo.

Yeremi 36:25

Nduyɛ mí Ɛlnatan, Delaya a Kemaria ndáà tɛɛlun masaa taw, haliko o loam sɛbɛ kon te, kɛ o tui nda diom te.

Yeremi 34:19

I malnin vannda ha yaamɔaa ndaa o ba: simlacia Yuda a haa Yerusalɛm, vanaa bɛndua, vanaa-solia-lasálàá, pilacieea lelɛŋaa kei o bungan miuŋun naw sálà kon tɛɛn-nda kpow a vanaa co o lɛŋnden nin má kei o bungan visin naw téndé kon tɛɛn-nda kpow.

Yeremi 26:24

Kɛ mí Ahikam po Safan-ndo soaa le Yeremi, o cɛl mò del vannda o ba mà dii ndu le.

2Masaa 15:35

Kɛ nduyɛ, tombon mún feŋan o lɛŋnden nin te, vannda va kɔlan sálàla n'cɔlulan solio a ansan lomɔɔ tuŋ o tombon. Yotam cɔw dio bɛndu luɛyaa Cɛi-Mɛlɛka-o ni.

Yeremi 26:21

Mí masaa Yehoyakim, vanaa ndɔa cumulaa a simlacua ndɔa kpow a tuɛi sɔɔn mun, mí masaa va nɛilan nuwviaa le ndu diyɔɔ. Uria tueyɔɔ sɔɛi ken, mí siòònde bii ndu, mó ɲaanun, mó kɔannun Esipte.

Yeremi 34:10

Mí simlacia a vanaa va o cɛlan kon coo-a kpow a yii lediom le cɛa ndaa: a laandua a à piaandua malɔɔ, ndáà bɛnda lɛ mi ndáà tundu nda baala lecɛ tosa le. Mí nda kpow cɛl, má mal nda.

2Dɛnnda lemasalan 27:3

Ndu Yotam tangul dio luɛyaa lecoo Cɛi-Mɛlɛka-o ni, mó tosa tangultan taw o kpakio nin o pembei Ofɛl coo.

Yeremi 20:2

mó lɔaa Yeremi, vana-tɛɛngaa-diom Hala-o, mó dimi, má yii ndu o sungbulen o dio bɛndu Bɛnyamɛn va le luɛyɔɔ o Cɛi-Hala-o nin-ndo.