Yeremi 25:4 - BII BILA

⁴ Mɛlɛka pɛngi a niaa vanaa ndɔa baalaa, vanaa-tɛɛngaa-diom Hala-a vimndo le, kɛ la cɛl le nilan yaŋɔɔ mì la tuei le.

Yeremi 25:4 Referans Kwoze

Yeremi 25:3

«Kabi o vɔsi tɔ́ a o yàándɔɔ o masale Yosia po Amon masaa Yuda len háá hau, vɔsilan bidiin a layàá co kon ni, i co niaa sɔɛi Mɛlɛka dimul-la-e tɛɛngullo, i co sondo mei le, kɛ la co tueyɔɔ le.

Yeremi 26:5

mì la cua sɔɔn vanaa nia baalaa balan tan tiɔn, vanaa-tɛɛngaa-diom Hala-a pɛɛn. O co lɛhau le ya co niaa nda vimndo le, kɛ la yeŋ nda lani le.

Hebreea 12:25

La caa dɛ! La kɛɛ diom vana co sɔɛi o niaa lo-o le. Kani vanaa kɛɛ sɔɛi vana va nda kanalanndo o lɛŋnden coo-o-a helun dɛnɛ palaa ndóò bɛnda le nda delɔɔ coo-o le. Konin te naa, vɛ̀ɛ̀ naa n hialun yɛnin, te n mulul pɛ diom vana fula o halataala le naa kanalanndo-o kɔɔ?

Yeremi 36:31

I simulnin ndu nda cuavaa ndɔa imamaa a simlacia ndɔa, mì sala nda le dɛnnda ndala vɔɔnndan, mì tuisi nda Yerusalɛmnda a Yudaa kpow dɛnnda palaala yáà dimi le nda tuisio coo, kɛ a bii sɔɛi nii le lan coo.

Yeremi 32:33

A mulul-la hɔlla le, má mulul-la kɔɔ. Nduyɛ o co lɛhau le ya co nda pɛɛkoo le, kɛ a yeŋnun te, a bii silaa le.

Yeremi 29:19

Kani a yeŋnun sɔɔn nun te. Nduyɛ, o co lɛhau le ya co nda vanaa nia baalaa, vanaa-tɛɛngaa-diom Hala-a vimndo le, kɛ a yeŋnun te.» Sɔɛi fula Mɛlɛka o sondo-e co ken ni.

Yeremi 22:21

Telen n ve a buulan kɛ́-kɛ̀ loo, mí soaa o nɔm ndo, kɛ má mulul-la aa o co kpeku nɔm te. Lende n co tosaa kabi o cuaambɔyɛi nɔmnde nin ni, a yeŋ ya lani le few.

Yeremi 19:15

«Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹I co dɛnɛ palaa yáà dimi le tuisio kobio ho coo-o tuisi, mò tol ndu a o ceen balu ndu-on coo, kani vanaa co lenin-nda kendu bɔɔ bollen, a kɛɛ le sɔɔn ya co nda dimullo-on biyɔɔ.›»

Yeremi 18:12

Kɛ yiyannda ndala vɔɔnndan tuŋ nda co kɔɔli ni, a co vɛlɛ mulio aa: «Ken vil naa le, i naa n nɔ o kɔl-le naa n tosanin ni.»

Yeremi 17:23

A tui ya diom te, a yeŋ ya lani le, má kindi nilan, a cɛl le nilan yaŋɔɔ ma sɔla pɛɛkoo le.

Yeremi 16:12

Niaa yɛ, la co dɛnnda hiow vɔwlen ndan tosaa, la fuɲaa niaa tosa lan pɛɛn, vana-vana co kɛɔ nilan yaŋɔɔ o sɔɔn nun, le yiyannda niaala vɔɔnndan tolɔɔ kɔɔli.

Yeremi 25:7

Kɛ la yeŋ ya lani le, Mɛlɛka dimi lende ni. Mí la tíŋ ya a sɔngɔɔ kangalan le tùú niaa sɛl piɔmnda le dɛnɛ niaa palaa-o.»

2Dɛnnda lemasalan 33:10

Mí Mɛlɛka soaa o Manase lo a o vanaa ndu Mɛlɛka-a lo, kɛ a tui ndu diom te.

Yeremi 6:17

I kɛsi kpalilla niaa ikɛi, la yaŋ diom buloo nilan. Kɛ mí la muli aa: ‹N yɛŋnin lani le.›

2Dɛnnda lemasalan 24:19

Mó vim nda vanaa-tɛɛngaa-diom Hala-a le nda kanalanndo haliko mi ndáà muungu ndu o ibuŋ. Kɛ a yeŋ nda lani le.

Sakari 1:4

La vial fuɲaa niaa mamaa a káà, mì la tosa maa nda le. Kani nda nda, vanaa-tɛɛngaa-diom Hala-a va sindɛ yondaa nda o lani, má va nda dimullo aa Mɛlɛka-Nɔ-Kpaayaa-Kpow-vo dimi aa: La mal kelala niaala vɔɔnndan a dɛnnda niaala vɔɔnndan. Kɛ a yeŋ nilan te, a bii sɔɛi ken te. Sɔɛi fula Mɛlɛka o sondo-e co hee ni.