Yeremi 25:12 - BII BILA

¹² Telen vɔsila belaŋɔmmɛwla lan la cuunin-ndo, i mululunnin masaa Babilɔn a vanaa ndɔa le dɛnnda ndala vɔɔnndan, Mɛlɛka dimi lende ni, i co mɔnɛ soli a lɛŋnde ndalen, mì vannda piow len le lɔ́ɔ́-lɔ́ɔ̀.

Yeremi 25:12 Referans Kwoze

Daniɛl 9:2

ya Daniɛl, mí nuwviaa o sɛbɛla diandaalan nin, mí sina sɔɛi vɔsila peelunnin le tambii Yerusalɛm-nde lan. Vɔsila belaŋɔmmɛwla Mɛlɛka dimul Yeremi vana-tɛɛngaa-diom Hala-o sɔɛi ndɔɛi lan pɛɛn.

Esai 13:19

O kon, kobio Babilɔn, o cɔm salamayɛi masɛi-yo, kobi kɛndɛ Kaldea co kon sangalanndo-o siŋnunnin maa Sodɔm a Komɔr, kobila Hala tɛɛmbuu lan-ndan pɛɛn.

Yeremi 29:10

O Mɛlɛka dimi-o co hoo ni aa: «La cii dɔ́ɔ́ pɛ vɔsila belaŋɔmmɛwlan Babilɔn o ba bɛngu, i cannin mì soo le niaa, o kon mì peelu kpema yáà yiilu niaa le niaa mingio Yerusalɛm-ndo.»

Esai 14:23

I co fonda kon siinguu bɛ̀mɛ́lta saiya, i siinguunin ndu fonda ɲulu bɔɔdɔɔ-o. I basunin ndu a bɛsu tɛɛmbuu ɲɛ-ɲɛ-o. Mɛlɛka-Nɔ-Kpaayaa-Kpow-vo dimi lende ni.

Esekiɛl 35:9

I siinguunin nɔm lɛŋnde piɔlɛilen le fɛɛn a fɛɛn, vanaciee cel-lɛnin o kobila nɔmndan nin te, o kon la sinanin maa ya co Mɛlɛka ni.

Yeremi 25:14

Mì Babilɔnnda bɛɛ luɛi o ba masaa kpaayaa bɛngu a o ba vanaa-mangalaa-isɔɔa kpaayaa bɛngu. Mì sala nda mɛɛ dɛnnda ndalan la yɔŋnun yɛ, mɛɛ dɛnnda nda tosa a bala ndalan-ndan la co yɛ.»

Yeremi 23:2

Lelan sɔɛi fula Mɛlɛka Hala Israɛlla o sondo le simlacia kan-nde co hee ni aa: «La mal cɔlua nia ma laasian ba-ba fee, la hendu nda hɔlten coo le. Ya bɛɛ, i co niaa mululɔn le dɛnnda niaala vɔɔnndan.

Esai 46:1

Piɔmndo Baal del mó pimbul, piɔmndo Nebo komba vúlù-vùlù! Piɔmaa kan siŋnun le visia a le cɔlua bɛndua. Piɔmaa niaa pila va kan siilɔnndo-a, la tofa vɔ mɛɛ nda co cɔlua sanga-a kindilaa a lusul ndaa yɛ!

Esai 20:1

Vɔsi Sarkɔn, masaa Asiri vem Taatan, mí Taatan hun tiila vannda Asdɔd, mó bii kobio-o,

Esai 15:6

Mɛnndan Nimrim ma tambu mi ma vela sɛ́ɛ́n. Billo vesan, bil pɔmbɔ tala lɛŋ-ndo tambu, bil puiyaa bɛɛ co lɛ hali ɲɛ-pɔmbɔ le.

2Masaa 24:1

Tuma Yehoyakim va masaa Yuda-o Nebukanɛsar masaa Babilɔn hun luɛi a cɔwvo o tàndá Yuda-o nin ni. Mí Yehoyakim luɛi ndu o ba bɛngu le vɔsilan tan yáá, kɛ mó can vɛlɛ mó simul Nebukanɛsar.

2Dɛnnda lemasalan 36:22

O vɔsi tasoo nin o masale Siris masa Pɛrsea len bɛngu, mí Mɛlɛka luei ndu Siris yiyanndo nin le sɔɛi Mɛlɛka ndóò dimi a sondo Yeremi vana-tɛɛngaa-diom Hala-o-e peeloo. O kon, mí Siris sɛva sɛbɔɔ, má yonda sɔɛi ken o masale ndɔlen nin kpow aa:

Condii lisai 137:8

Nɔm Babilɔn yɛ, a co hunɔɔ itambu sunsun! Màá vanaa kan a sɔla dɛnɛ kɛndɔɔ, a mingulnin nɔm dɛnɛ palaa n tuisi hoo naa coo-o-a pɛɛn! Màá a pala nɔm mɛɛ n tosa a naa yɛ!

Esai 33:1

Dɛnɛ palaa co le nɔm co caanda tɛɛmbuuo-o, vana tɛɛmbuu vɔ nɔm too. Dɛnɛ palaa co le nɔm co caanda huiyo, vana hui-yɔ nɔm too. Lɔ́ɔ́ n ciinin caanda tɛɛmbuu-o, nɔm bɛɛ vana tɛɛmbuunin nɔm! Tuma n ciinin caanda hui-yo, nɔm bɛɛ vana huinin nɔm!

Yeremi 27:7

Vanaa-mangalaa-isɔɔa kpow a tosalnin ndu baalaa. O ndu kɔɔli, mà tosal po ndɔɔ a po ndɔ imamaa baalaa, háá mì telen vanaa-mangalaa-isɔɔa mayoomua a masaa bɛndua cannin, mà lueinun lɛŋnde ndɔlen o ba bɛngu-o tiiya.

Yeremi 27:22

‹A kɔanin a mun Babilɔn, mì n lo lon háá telen ya cuanin sɔɛi ndɔɛi-yo, mì cua mun, mì mingi mun o fondaa ho.› » Sɔɛi fula Mɛlɛka o sondo-e co ken ni.

Habakuk 1:17

Vɛ̀ɛ̀ a hiaw lɛnin pá laci a vanaa celen diwvo a hɔlta vesɛilan?