Yeremi 24:9 - BII BILA

⁹ O kon siòònde biinin masɛi co o ceendo coo-e kpow a dɛnɛ palaa ya tuisinin nda coo-o. O lɛŋii ya sɛŋinin nda nin-nde kpede, vannda vanin tɔɔmaseloo cuaa a nda, le vanndo siɛmbulan tuisio, le ndu mamɔɔ, le ndu yeowlan a le ndu dangaa dɔvɔɔ.

Yeremi 24:9 Referans Kwoze

Yeremi 29:18

I toalnin nda kɔɔli a cɔwvo, yima fofolan, mì tol nda vɛlɛ kɔɔli a nàà n'kɔnyaa. I co mɔnɛ soli a nda, mì siòòŋii bɛnduei bii masɛi co o ceendo coo-e kpow. O lɛŋii kɛ́-kɛ̀ ya toawnin nda nin, nda vanin tɔɔmasele vannda vanin cuaa le mɛnaa a le sɔɛi vɔɔn-vɔɔnde, te kon te sɔɛi lasiɛmbuei pum tuuvo ni.

Yeremi 15:4

Lende ya tosanin ni mì siòònde bii masɛi o lɛŋnden coo kpow. Le dɛnnda vɔɔnnda Manase po Esekia va masaa Yuda-o tosa Yerusalɛm-ndan ken kpow tosan ni.»

Tɔŋ miingua 28:37

Vanaa-mangalaa-isɔaa Mɛlɛka yaanin niaa tɛɛn-nda kpow a dɔawnunnin kɔndɔfili a dɛnnda vanin niaa yɔŋnɔnndo lan. A mamnin niaa ma cii niaa labɛɛ kpede.

Yeremi 34:17

Lelan diom Mɛlɛka dimi-o co hoo ni aa: O niaa tɛɛn, vana-vana ndóò bɛnda mì ndóò solin o sondo maa puapilɛ ndɔɔ co ndu o ba o cɛlen nin-ndo co o ba ndɔɔ coo. Kɛ la bii sɔɛi nii le, lelan sɔɛi fula ya Mɛlɛka o sondo-e co hee ni: Ya, i co niaa mɔɛi cɔwve tuisi coo, yima fofolan a nàà n'kɔnyaa. O kon masɛi co o lɛŋnden coo kpow-ve canin niaa, mà ɲiiya a siòònde.

1Masaa 9:7

i toawnin Israɛlla mì faŋa nda o lɛŋnde ya yɔngu nda le calle nin-nden nin, mì faŋa vɛlɛ hɔlla o Cɛi yáà dindi hoo o diola nilan-ndo coo. O kon kɔɔli, i tuisinin Israɛlla siɛmbulan, mì vanaa-mangalaa-isɔɔa kpede a mam nda.

Yeremi 29:22

Vanaa kɛ́-kɛ̀ nda bii Yuda, má kɔa a nda o biyɔɔ nin Babilɔn, a vanin diola vanaa ŋiɔŋaa kan piɔlɔɔ le mɛnanndo aa: «Màá Mɛlɛka tosal nɔm mɛɛ o tosa a Sedekia a á Akab yɛ, vanaa masaa Babilɔn tuɛi o yin-nda pɛɛn!»

Yeremi 26:6

Te la tui le, i tɛɛmbuunin Cɛi-Hala-o ho mɛɛ ya tɛɛmbuu hoo Silo yɛ. Mì siinguu Yerusalɛm tɔɔmasele mɛnaa vanaa-mangalaa-isɔɔa kpow tɛɛn.›»

Yeremi 25:18

Mí kandu a Yerusalɛm a á kobila va o tàndá Yuda-o nin-ndan, masaa ndaa a simlacia ndaa, le lan mingio bémbélan. Mí vannda va kpingaa a mɔnɛi biyɔɔ, o kon má ca dɛnɛ kon, má va mɛnaa a ndi o kɔɔ mɛɛ o co hau tosanndo yɛ.

Esai 65:15

Diola niaalan la lonin vanaa niaa ya hɛli-a o lasondo o mɛɛniaalan nin, mà va dimio aa: «Màá Maalii, o co Mɛlɛka-o cua nɔm mà sɔla piɔ́mndo lende fɔ́!» Kɛ o kenin vanaa ndɔa baalaa diola celen.

2Dɛnnda lemasalan 7:20

i faŋanin niaa o lɛŋnde ya ke niaa len nin, mì kɛɛ Cɛi ya dindi ho le diola nilan biiloo sɔlaa lenin-ndo, o kon mì vannda súúlan kpow a mam Israɛl, mà pɛɛsa ndu.

Tɔŋ miingua 28:25

Mɛlɛka malnin niaa yaamɔaa niaa o ba, mà nɔla niaa. Te la kei pɛ o nɛiyo ndu pilɛ coo le kɔlan nda cɔlɔbaa, la ɲaanunnin nda, mì la sɔɔndian o nɛilan tan ŋɔmmɛw. Dɛnɛ niaa kon lueinin masɛi co o lɛŋnden coo-e kpow siòònde.

Esekiɛl 26:2

«Po vanacieo sei, kobio Tir mam kobio Yerusalɛm, mó dimi aa: ‹O piɔsipiɔsi fɔ́! Dio luɛyaa vanaa-mangalaa-isɔɔa piɔsi vɔ́-vɔ́! O ya lo vannda co nin mulin hunɔɔ ni, ya i pianin cá, kɛ ndu ndu siŋnun ciee pɔmndo.›

Esekiɛl 25:3

Dimul nda aa la yaŋ-ndɔ nilan o sɔɛi Maalii-e, Mɛlɛka pɛɛn. Nuaa Maalii, o co Mɛlɛka-o dimi ni aa: ‹Le tùú niaa mam cɛi-kola-toandaa diandaa nuu lɔ́ɔ́ nda nɔɔliaa ndu-o, le tùú niaa mam lɛŋnde Israɛl-ten telen nda tɛɛmbuu len-ndo o, le tùú niaa mam cuawva Yuda telen nda va kɔlan a nda o biyɔɔ nin-ndo o,

Yeremi 44:22

Mɛlɛka ndóò tiw lɛ ba dɛnnda niaala vɔɔnndan a mààla niaa va tosaa lan biuvɔnndo le. Lelan lɛŋnde niaalen le siŋnun bémbélan ni, mí vannda piaw len. A lɛŋnde len vannda co tɔɔmaseloo cuaa ni le mɛnanndo a le dangaa dɔvɔɔ mɛɛ niaa co hau cɔu nuaa yɛ.

Yeremi 44:12

I biinin vanaa tɔ̀a lonin yoomu Yuda-a, a muli hɔlla le kɔlan vionnɔnndo Esipte-a, mí nda kpede a sɔla piɔ́mndo o lɛŋnde len nin o cɔwvo, te kon te a yima fofolan. Kandɔɔ a cuaambɔa kɔ bii a kaasonnda, a delinin o mɔɛi cɔwve bɛngu te kon te ma cuu a yima fofolan. Vannda cuanin nda tɔɔmaseloo le mɛnanndo, te kon te le sɔɔn lasiɛmboo dimio.

Yeremi 42:18

Kani diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: «Maa mɛɛ yáà tuulu kɔl taw a vannda Yerusalɛm yɛ, lende koni ya tuulunin vɛlɛ kɔl a niaa ni, te la kɔɛ pɛ Esipte. Vannda vanin tɔɔmaseloo cuaa a niaa le mɛnanndo, te kon te le sɔɛi vɔɔŋii bɛnduei pum dimio. Nduyɛ la ci lɛnin lɛŋnden nden lɔ́ɔ́-lɔ́ɔ̀ le.»

Yeremi 19:8

I co mɔnɛ soli a kobio ho, mì vanaa hiavannda kpow a handun balan o lasondo. Vanaa vanin keiyo lon-nda kpow a kpinganin a mɔnɛi telen nda canin ɲɛ ya co tosanin a nda-o.

Condii lisai 69:11

I co caŋndo, i co sumndo biyɔɔ, le ken nda co ya bɛɛlan tɛɛmbuuo ni.

Esai 43:28

Lelan ya cii simlacia co o Cɛi-Diandaa nin-nda labɛɛ ni, mí tɛɛmbuu polale Yakɔb len, mí tosa mí vannda yeow Israɛlla yeowlan pila.

Esekiɛl 5:8

le kɔlɔ kon ya Maalii, ya co Mɛlɛka-o dimi ni maa ya bɛɛ, i co niaa mululɔn. I kialunin yamɛi mì tuisi niaa sangalan coo vanaa-mangalaa-isɔɔa o hɔl.

Esekiɛl 23:46

Kani nuaa Maalii, o co Mɛlɛka-o dimi ni aa: «A veelu sɛ́lɛ́ bɛndoo le nda kɔlan cɔlɔbaa, i minginin nda yulan-yulan a siòònde, mà poondiaa nda ɲɔɔn o laba.

Yeremi 44:13

I simulnin vanaa kila caltan Esipte-a, mí tosa a nda mɛɛ ya tosa a vannda Yerusalɛm yɛ, mì cii nda a mɔɛi cɔwve, yima fofolan, te kon te a nàà n'kɔnyaa.