Yeremi 24:8 - BII BILA

⁸ Kɛ ɲɛ ya Mɛlɛka co dimi le Sedekia masaa Yuda, le simlacia ndɔa, le vanaa kɛ́-kɛ́ lo yoomu Yerusalɛm, a faŋan o lɛŋnde len nin te-a a vanaa kɔɛ Esipte-a-o co hoo ni: mɛɛ vana tosa a voosun hiw ba tambei, n nɔla lɛ dionnɔn te-on yɛ ya co tosa a nda ni.

Yeremi 24:8 Referans Kwoze

Yeremi 43:1

Telen Yeremi cii vannda kpow sɔɔn Mɛlɛka Hala ndaa dimul ndu-on tɛɛngul-lo, sɔɔn Mɛlɛka Hala ndaa ndóò dimul ndu mun le nda kpow-von pɛɛn,

Yeremi 37:17

Paale pilɛ, mí masaa Sedekia viam vannda Yeremi veelu, mó kɔ ɲuna ndu o vionnɔnndo nin o cɛi ndɔ lemasaa nin aa: «Vɛ̀ɛ̀ Mɛlɛka dimul-lɔ nɔm isɔɔ le ya tɛɛngul te?» Mí Yeremi muli aa: «O dimul-la isɔɔ le nɔm, aa nɔm delnin masaa Babilɔn o ba.»

Yeremi 24:2

Voosun va o kambɛi tasoo nin-ndon va n kɛndɛ-kɛndɛ maa voosun tasen keleŋa divɔɔ-on. Voosun va o kambɛi diinndɔɔ nin-ndon mun niŋ te, vanáà nɔla mun dio le, kani tambei pila mun óò tambu ni.

Yeremi 37:10

Hali o va bɛɛ maa la nɔla vanaa cɔvaa Babilɔŋaa co niaa haa kɔɔli a cɔwvo-a kpede, mò lo vanaa niaa yɔŋul-la daama, a pilɛn-pilɛŋaa kan cannin o cɛila-kolala-toandaala ndalan nin, mà hin kpow, mà mal kobio Yerusalɛm yin.»

Yeremi 24:5

«Sɔɛi ya Mɛlɛka Hala Israɛlla dimi-e co hee ni: Mɛɛ voosun kɛndɔn n naŋ o tofaa yɛ, lende koni ya co vanaa nda bii haa Yuda, mí toaw nda nanu, má kɔa a nda háá Babilɔn-nda co ni.

Yeremi 21:10

Kani i co kobio ho mululɔn, mì tosal ndu dɛnɛ vɔɔndo, o venin dɛnɛ kɛndɛ le. I malnin ndu masaa Babilɔn o ba mò mal ndu yin.›»

Yeremi 44:1

Mí Mɛlɛka soaa o Yeremi lo le Yuifia co icali Esipte o kobilan Mikdɔl, Tapanɛs, Nɔf a o tàndàá Patrɔs nin-nda tɛɛngullo. Mí Yeremi dimul nda aa:

1Dɛnnda lemasalan 3:15

Poaa Yosia-a yɔŋnun haa ni: Yohanan va po ndɔ tasoo ni. Po diinndɔɔ yɔŋnun Yehoyakim ni, o yàándɔɔ Sedekia, o hiɔɔlundɔɔ Salum.

Yeremi 13:7

Mí muungu Efrate, mí mɛɛndian le yáwle yáà ven-nden, mí cua len nɛɛ yáà kɛsi len-nda. Kɛ mí ca maa le sɛ, léè nɛŋi lɛ mako kɛ́-kɛ̀ le.