Yeremi 24:7 - BII BILA

⁷ I kenin nda sinapɛngoo, mà bii bila maa ya co Mɛlɛka ni. A muungunin ya o ibuŋ a kɔlta ndalan kpow. O kon a vanin vanaa nia, mì ya i va Hala ndaa.

Yeremi 24:7 Referans Kwoze

Hebreea 8:10

Kani kpema va naa tɛɛn naa cuavaa Israɛlla-o va hoo ni aa: ‹Palɛi ken hiow pɛ, i vownin tɔŋnda nilan nda nin, mì sɛva vɛlɛ lan nda o lakɔl. I vanin Hala ndaa, mì nda va vanaa nia.

Yeremi 30:22

O kon la muungunin vanaa nia mì va Hala niaa.

Esekiɛl 37:23

A nɔɔlian ndɛnin a piɔmaa ndaa le, a lɔngɔlian ndɛnin a dɛnnda ndala nɔɔlɛilan a á yɔŋnda vɔɔnnda ndalan kpow le. I ciindiaanin nda o fondala nda vanin icali nin, má tosa hakio lan kpow nin, mì dindi nda ma va vanaa nia, mì ya i va Hala ndaa.

Sakari 8:8

I co nda faŋa lon mì mingi nda nanu, mà hun cal Yerusalɛm ciee. A vanin vanaa nia, mì ya i va Hala ndaa o toɲaa a o sandei nin.

Rɔmnda 6:17

Kɛ kɛɛmasɔlan Hala le, la va cɛa hakia, kɛ mí la bii sɔɛi a kɔlta niaalan kpow, sɔɛi pɛɛku niaa sɔla-o pɛɛn.

1Samiɛl 7:3

Mí Samiɛl dimul nda aa: «Te o va pɛ a kɔlta niaalan kpede niaa yeema le muungoo Mɛlɛka o ibuŋ ni, mɛɛ la mal piɔmaa Astarteea sooloo few-few, mì la tiindan Mɛlɛka, mì la biilu ndu ndu pilɛ kpé. O baŋanin niaa Filistia o ba.»

Esekiɛl 37:27

Calta nilan la vanin nda tɛɛn, i vanin Hala ndaa mì nda va vanaa nia.

Sakari 13:9

I lueinin kunda yàándɔ lonin kon-ndo o yinnden nin, mì dindi ndu mɛɛ vana dindi volii humbuei yɛ. I dindinin ndu mɛɛ vana dindi sianiei yɛ. Vanaa kan a pialnin diola nilan o piɛilen nin, mì mulul nda. I diminin aa: ‹Vanaa nia co haa ni.› O kon nda bɛɛ diminin aa: ‹Mɛlɛka co Hala naa ni.›»

Yeremi 3:10

O kon kpow nin, puapilɛ ndɔɔ Yuda lo o lediom coo loo muungu ya o ibuŋ a kɔl ndɔɔ kpow le, huiyo koni o va ya ni.» Ya Mɛlɛka soo nuaa ni.

Esai 51:16

I vow sɔɔn nun nɔm o sondo, mí kuumbuu nɔm a vunduma ba nuu, telen ya va halataalaa tondɔɔ-o, telen ya va lɛŋnden kilaa-o a telen ya va Siɔn dimullo aa: «Vanaa niaa niaa co ni-o.»

2Dɛnnda lemasalan 6:38

taa muungu pɛ nɔm o labɛngunin a kɔlta ndalan a á yoomu ndaa kpow nɛɛ nda vanin o biyɔɔ nin-nda, taa lo pɛ o lɛŋnde nda vanin o biyɔɔ nin-nden nin, mà muli hɔlla a kpengii lɛŋnde ndalen, lɛŋnde n ke fuɲaa ndaa mamaa len, a kpengii kobi n hɛli hoo-o a á kpengii Cɛi nɔm ya tangul hoo-o, mà piɛi nɔm,

Hebreea 11:16

Kɛ o kpeekpeiyo nin, a lɛŋnde hiow lɛŋnde len naŋɔɔ len o kɔɔ nda va sɔɛi ni, halataala pɛɛn. Lelan siɛmbula bii Hala le ndu veeloo aa Hala ndaa le, kani mó toosial nda kobio.

Condii lisai 119:2

Duaa co le vanaa co silala Mɛlɛka lan biyɔɔ mà va ndu nuwviaa a kɔlta ndalan kpow-va.

Yeremi 7:23

Kɛ ɲɛ yáà dimul nda-o co hoo ni aa: «La tueí ya diom, haliko mi va Hala niaa, mì niaa va vanaa nia. La kela o nɛila ya co niaa cɔmndo lan coo kpow, le mɛɛ niaa sɔla dɛnɛ kɛndɔɔ yɛ.

Yeremi 11:4

o ya sɛval fuɲaa niaa mamaa, o paale ya soli nda Esipte, o tóndó teengiaa n'cilinndo nin-ndo.› Mí dimul nda aa: ‹La yaŋ nilan o diom nuu, mì la kela o sɔɔn ya dimul nia-on kpow coo, o kon la vanin vanaa nia, mì ya i va Hala niaa.

Yeremi 29:10

O Mɛlɛka dimi-o co hoo ni aa: «La cii dɔ́ɔ́ pɛ vɔsila belaŋɔmmɛwlan Babilɔn o ba bɛngu, i cannin mì soo le niaa, o kon mì peelu kpema yáà yiilu niaa le niaa mingio Yerusalɛm-ndo.»

Esekiɛl 14:11

I tosanin lende haliko cuavaa Israɛlla a kɔa lɛ ya levil te, yɔŋii nda nɔɔlian a dɛnnda vɔɔnnda lan kpede. O kon, a vanin vanaa nia, mì ya i va Hala ndaa. Ya Maalii, ya co Mɛlɛka-o soo nuaa ni.»

Esekiɛl 16:62

Ya yɛ, i minginin kpema nuu toosiaa naa nɔm tɛɛn ma sina maa ya co Mɛlɛka ni.

Esekiɛl 39:22

Cuavaa Israɛlla sinanin o kon maa ya co Mɛlɛka ni, Hala ndaa pɛɛn. Kandɔɔ paale len háá le lɔ́ɔ́-lɔ́ɔ̀.

Esekiɛl 11:17

Le hee, dimul nda aa nuaa Maalii Hala dimi ni aa: ‹I faŋanin niaa nɛɛ nia co vanaa súúla celen nda tɛɛn-nda, mì cuungiaa niaa. I solinin niaa o lɛŋii niaa co a saŋnannda nin-nde nin, mì mɔɔsiaa niaa, mì yɔngu niaa lɛŋnde Israɛl-ten.

Osee 2:22

I sɔlanin nɔm o nɔ̀u nin a lou o lediom coo. O kon, a sinanin maa ya co Mɛlɛka ni.»