Yeremi 24:5 - BII BILA

⁵ «Sɔɛi ya Mɛlɛka Hala Israɛlla dimi-e co hee ni: Mɛɛ voosun kɛndɔn n naŋ o tofaa yɛ, lende koni ya co vanaa nda bii haa Yuda, mí toaw nda nanu, má kɔa a nda háá Babilɔn-nda co ni.

Yeremi 24:5 Referans Kwoze

Sakari 13:9

I lueinin kunda yàándɔ lonin kon-ndo o yinnden nin, mì dindi ndu mɛɛ vana dindi volii humbuei yɛ. I dindinin ndu mɛɛ vana dindi sianiei yɛ. Vanaa kan a pialnin diola nilan o piɛilen nin, mì mulul nda. I diminin aa: ‹Vanaa nia co haa ni.› O kon nda bɛɛ diminin aa: ‹Mɛlɛka co Hala naa ni.›»

Nahum 1:7

Mɛlɛka naŋ bɔɔ! Ndu co nɛɛ viannanda o palɛi dɛnɛ palai nin ni. O nɔ hɔlten vanaa viannun ndu o ba bɛngu-a kpede coo,

Dɛnnda cɔɔmuanndan 3:19

Ya ya, sɔɛi ya soaa vanaa ya kaola-a le nda silaa ni. Lelan fula diallon, mà mangalan.

2Timote 2:19

Kɛ nduyɛ, sɔɔn kpeekpeiyun Hala tɔl mì n kɛsi tumndo-on n co mun ni aa: «Mɛlɛka sínà a ndɔ-a», nduyɛ: «Vana-vana dimi pɛ maa o Mɛlɛka-o o co ni, mɛɛ o màl dɛnɛ vɔɔndo.»

Kalatea 4:9

Kɛ sunsun, la sínà Hala, o co yɛ niaa le sínà Hala le, ndu sínà niaa ni. Le yɛɛ niaa co yɛ vɛlɛ sɔɔn fondon nɔ mun tɔnɔ lon hɔlla mulullo? La yeema mì la muungu vɛlɛ mun o ba bɛngu?

1Korɛntea 8:3

Kɛ te vana kaola pɛ Hala, Hala sínà vana kon.

Rɔmnda 8:28

N sinà maa dɛnndan kpow la co tosanndo le dɛnɛ kɛndɛ vanaa kaola Hala-a, vanaa o veelu mɛɛ tuu ndɔɔ co yɛ-a.

Nsaŋ 10:27

Saa nia tuɛi ya diom. Ya, i sina nda, a co ya kɔɔli.

Matie 25:12

Kɛ mó muli aa: ‹I co niaa toɲaa dimul, i sina niaa le.›

Condii lisai 119:71

Sanga ya sanga-o yɔŋnun dɛnɛ kɛndɔɔ le ya, o pɛɛku ya hɛnan nɔmndo.

Condii lisai 119:67

Lɔ́ɔ́ pá mì siɛmbulan la hun bii ya, i va pɔwlan, kɛ sunsun nin, i co sɔɛi nɔmnde biyɔɔ.

Tɔŋ miingua 8:16

O lɛŋnde veselɛile len nin, mó dɔaw niaa balo a manne, o fuɲaa niaa mamaa ndáà sina sindɛ loo. O tosa kon kpow le niaa siɛmbulan tuisio a le niaa tɔɔndanndo, haliko mo tosal niaa dɛnɛ kɛndɔɔ siɔdii laci.

Yeremi 24:4

O kon mí sɔɛi Mɛlɛka-e dimulun ya aa:

Yeremi 29:4

«O Mɛlɛka-Nɔ-Kpaayaa-Kpow-vo, Hala Israɛl-lo dimul vanaa-vanaa nda cɛn Yerusalɛm, má kɔa a nda o biyɔɔ nin Babilɔn-ndo co hoo ni aa:

Yeremi 29:20

Kɛ niaa niaa, la tuei sɔɛi Mɛlɛka-e, niaa kɛ́-kɛ̀ ya fula Yerusalɛm mì la va Babilɔn nanu o biyɔɔ nin.

Esekiɛl 11:17

Le hee, dimul nda aa nuaa Maalii Hala dimi ni aa: ‹I faŋanin niaa nɛɛ nia co vanaa súúla celen nda tɛɛn-nda, mì cuungiaa niaa. I solinin niaa o lɛŋii niaa co a saŋnannda nin-nde nin, mì mɔɔsiaa niaa, mì yɔngu niaa lɛŋnde Israɛl-ten.

Tɔŋ lasálàá 26:44

Ya yɛ, hali tuma nda vanin a saŋnannda o lɛŋii yaamɔaa ndaa nin-ndo, i kɛɛnin nda few-few le, a nɛinunnin ya le, i ciinin nda le, i tɛɛmbuunin kpema nuu a nda le. Kani Mɛlɛka ya co ni, Hala ndaa pɛɛn.

Yeremi 29:11

Sɔɛi fula Mɛlɛka o sondo-e co hee ni aa: «Ya i sina tuula ya nɔ le niaa lan, tuula dɛnɛ kɛndɛ lan, o co tuula dɛnɛ vɔɔn te. Kani i yeema siɔdii niaa kɛndɔɔ, mì la nɔ kɔlkɛsiaa.

Esekiɛl 11:20

haliko mi la kela o silala nilan coo, mì la bii tɔŋnda nilan, mì la kela lecoo. O kon la vanin vanaa nia, mì ya i va Hala niaa.