Yeremi 24:10 - BII BILA

¹⁰ I tuisinin nda cɔwvo coo, yima fofolan a nàà n'kɔnyaa háá mà cuu o lɛŋnde ya yɔngu nda len nin, le ya yɔngu fuɲaa ndaa mamaa a nda pila len pɛɛn.»

Yeremi 24:10 Referans Kwoze

Esai 51:19

Sɔɔn miunndon mun tol nɔm coo: «Dɛnɛ tambɛiyo a piɔllo, yima fofolan a cɔwvo, kɛ nɛ̀ɛ́-nɛ̀ tuinun yɛnin nɔm iɲíí? Nɛ̀ɛ́-nɛ̀ ya co yɛ le nɔm ɲɔɔloo.

Esekiɛl 33:27

Lelan dimul nda maa nuaa Maalii Hala dimi ni aa: «Le yoomu nuu, vanaa tɔ̀a lo icali o cieon piɔlɛi mun nin-nda a delinin mà vi o mɔɔn cɔwvon bɛngu, visia biyaa sɔamnin vanaa co yondoo nin-nda, mì nàà n'kɔnyaa diw vanaa vanin o powta kpovalan bɛngu-a a vanaa viannunnin o buululan nin-nda.

Esekiɛl 7:15

Cɔwvo vanin o nɛilan coo, nàà n'kɔnyaa a yima fofolan ma vanin o kobio nin! Vana vanin yondoo nin-ndo ndu vunin o mɔɛi cɔwve bɛngu, mì vana vanin o kobio nin-ndo ndu vi a yiaan a á nàà n'kɔnyaa.

Yeremi 34:17

Lelan diom Mɛlɛka dimi-o co hoo ni aa: O niaa tɛɛn, vana-vana ndóò bɛnda mì ndóò solin o sondo maa puapilɛ ndɔɔ co ndu o ba o cɛlen nin-ndo co o ba ndɔɔ coo. Kɛ la bii sɔɛi nii le, lelan sɔɛi fula ya Mɛlɛka o sondo-e co hee ni: Ya, i co niaa mɔɛi cɔwve tuisi coo, yima fofolan a nàà n'kɔnyaa. O kon masɛi co o lɛŋnden coo kpow-ve canin niaa, mà ɲiiya a siòònde.

Yeremi 27:8

Mɛlɛka dimi aa: «Vanaa-mangalaa-isɔɔa te kon te masale kɛɛ pɛ le tuisinndo Nebukanɛsar masaa Babilɔn o labɛngunin, mà kɛɛ le sanga masaa Babilɔn tuisinin nda coo-o siilɔnndo, i kuelnin vanaa kan a mɔɛi cɔwve, a yima fofolan, mì kuel nda a nàà n'kɔnyaa. I viamnin masaa Babilɔn le nda ciiyo kpede.

Yeremi 19:7

O fonda kon ya tɛɛmbuunin tuula Yerusalɛm ndan a tuula Yuda lan ni. Mì tosa mì yaamɔaa ndaa diw nda o cɔwvo, mì yɔngu duàá a tivolla dialun ndan, mà de mun.

Yeremi 16:4

Nàà piɔ́mndo biinin nda mà vi, vana venin le nda caŋ te, a sɔlanin kumbɔɔ le. Lende nda lonin ni mà siŋnun kɔmbɔɔsio lɛŋ. Cɔwvo a yima fofolan ma diwnin nda ni, mì duàá a tivolla de dialun ndan.»

Yeremi 15:2

Taa ɲuna nɔm pɛ aa: ‹Kuɛɛ naa n kɔ yɛ?› A mulul nda aa: ‹O Mɛlɛka dimi-o co hoo ni aa: Le piɔ́mndo, vana-vana kɔanin teengen. Nàá n'kɔnyaa kɔanin a vannda pum, a tiŋ vunin o cɔwvo nin, mì a pum vi a yima fofolan, mà kɔɛ vɛlɛ a à pum o biyɔɔ nin.

Yeremi 9:16

O Mɛlɛka-Nɔ-Kpaayaa-Kpow-vo dimi-o co hoo ni aa: «La keela kɔllo mì la veelu vanlaandua caa caŋndo-a, mì la dimul nda mà hin. La yɔɔ kiilaa vanaa hiow caŋndo caa-a kɔɔli, mà hin.

Yeremi 5:12

A soo sɔɔn lacòòvan a Mɛlɛka o kɔɔ, a co dimio aa: «Mɛlɛka co le! Dɛnɛ palaa kɛ́-kɛ̀ komalnin naa le, cɔw hinulnin naa le, yima biinin naa le.

Dɛnnda cɔɔmuanndan 6:8

Mí mɛɛndan, mí ca so pupulaao. Vana va lecoo-o diolan aa Piɔ́mndo, ciee-piɔ́m va ndu kɔlan kɔɔli. Mí dio kennun nda le masalen tosaa o bungɛi pilɛ, o bungan hiɔɔlun lelɛŋndon coo le vannda diwvo a mɔɛi cɔwve, a yima fofolan, a nàà halimaa a á visia biyaa co o lɛŋnden coo-a.

Tɔŋ miingua 28:21

Mɛlɛka tuisinin niaa nàà halima vɔɔndo coo, mì la cuu vu kpede o lɛŋnde niaa co kɔlan luɛyɔɔ nin le len hiɔlɔɔ len nin.

Yeremi 21:9

Vana-vana lo pɛ o kobio ho nin nanu, ndu vunin o cɔwvo nin, te kon te a yima fofolan, te kon te vɛlɛ a nàà n'kɔnyaa. Kɛ vana-vana fula pɛ mò kɔ yɔngun Babilɔŋaa co niaa haa hinullo a cɔwvo-a, ndu lonin yoomu.

Yeremi 42:17

Vanaa kɛ́-kɛ̀ kialunin o kɔlta ndalan nin le kɔlan vionnɔnndo Esipte kpow a sɔlanin piɔ́mndo o mɔɛi cɔwve bɛngu, a yima fofolan te kon te a nàà n'kɔnyaa. Vana-vana helunnin dɛnɛ palaa ya tuisinin nda coo-o le.»

1Masaa 14:15

Le piɔmaa nda cownun má tɛɛmbuu Mɛlɛka kɔllo-a, Mɛlɛka lɔaanin Israɛlla, má ɲiiya mɛɛ kpɛ̀ndɛ̀le co o mɛnndan nin-nden le ɲiiya nuaa yɛ. O solinin nda o lɛŋnde kɛndɛ-kɛndɛle ndóò yɔngu fuɲaa ndaa mamaa len nin, mò saŋ nda o pee bɛndoo leeloo.

Yeremi 9:15

I co nda sɛŋi vanaa-mangalaa-isɔɔa nda sina le-a tɛɛn, vanaa nda a fuɲaa ndaa sina le-a pɛɛn, o kon mì tol nda kɔɔli a mɔɛi cɔwve háá mi cii nda kpede.»

Yeremi 14:12

A biinin bɛɛ sumndo, i yeŋnin nda lani o ya ɲɔɔloo le. Hali a soli sálàla loamaalan a ɲɛm-kéan, i cɛlnin ndan te. Kɛ mɛɛ mì cii nda kpede a cɔwvo, a yima fofolan a á nàà n'kɔnyaa.»

Yeremi 29:17

O Mɛlɛka-Nɔ-Kpaayaa-Kpow-vo dimi-o co hoo ni aa: ‹I co nda kuel a cɔwvo a á yima fofolan, mì kuel nda vɛlɛ a nàà n'kɔnyaa. Mì mingi nda maa voosun siovɛi, n vana nɔla dioo loon, le tambii bɛndui n tambu-e.

Yeremi 29:18

I toalnin nda kɔɔli a cɔwvo, yima fofolan, mì tol nda vɛlɛ kɔɔli a nàà n'kɔnyaa. I co mɔnɛ soli a nda, mì siòòŋii bɛnduei bii masɛi co o ceendo coo-e kpow. O lɛŋii kɛ́-kɛ̀ ya toawnin nda nin, nda vanin tɔɔmasele vannda vanin cuaa le mɛnaa a le sɔɛi vɔɔn-vɔɔnde, te kon te sɔɛi lasiɛmbuei pum tuuvo ni.

Yeremi 32:24

Sunsun, Babilɔnnda co kpaakio tangullo le nambaa mà bii kobio. Kobio delnin Babilɔŋaa tiila ndu a cɔwvo-a o ba, mà cuu o mɔɛi cɔwve bɛngu, yima fofolan a nàà n'kɔnyaa. Kámáá a ce le! Ɲɛ n dimi-o peelun.

Yeremi 32:25

Kobio hoo co delɔɔ Babilɔnnda o ba, Maalii Hala, le yɛɛ nɛ n co yɛ ya niko dimullo aa ya piondu lɛŋnden a volion mì cua seiya?»

Yeremi 42:22

Mɛɛ la sina niko maa la co cuu o mɔɛi cɔwve bɛngu, a yima fofolan te kon te a nàà n'kɔnyaa o lɛŋnde niaa kɔanin nden calle len nin.»

Esekiɛl 6:11

Nuaa Maalii, o co Mɛlɛka-o soo ni aa: «Lɔɔ balan, kundu pelon, mà dimi aa: ‹Kpòkóó dɛnɛ! Le dɛnnda nɔɔlɛila cuavaa Israɛlla tosa lan kpow, a cɛɛlunnin o mɔɛi cɔwve bɛngu, mà vi a yima fofolan a á nàà halimaa.