Yeremi 23:9 - BII BILA

⁹ Sɔɛi dimin le vanaa-tɛɛngaa-diom Hala-a-e co hee ni. «Kɔl nuu co o sangaa nin, diallon kpede n co ya ɲiiyaa. I muungu maa vana hiw ba mɔiyan kolɔɔ-o, maa vana co o kpaaya mamɔiyo bɛngu-o le Mɛlɛka a le sɔɛi o dimul-la-e aa:

Yeremi 23:9 Referans Kwoze

Habakuk 3:16

Ya, i tuei vooko-vooko kon mí yɔŋnun yoloma-yoloma. Cɔcɔn ɲiiya ya kpà-kpà, mí paalan la sia ya o n'dial, I co ɲiiyaa tuŋ, i co nɔla kpeŋanndo le. I co cumndo háá mì ce paale dɛnɛ palaalen, paale naa n kɔ delnin vanaa co naa delɔɔ coo-a coo len.

Daniɛl 8:27

O kon, ya Daniɛl, mí del a nàá o palɛi taw bɛngu, mí ɲaw sɛ́ɛ́n. O kon kɔɔli, mí siangu, mí muungu baala nuu tosaa o masaa lo. Mí kɔndɔfillo bii ya a vundule len, mí buulan taw, i bii ɲɛ-ɲɛ bila le.»

Cɛɛŋɔnnda Yeremi lan 3:15

O pimi ya ɲɛ loloo, mó koesi ya mɔnɛi, mí bii ya maa mamɔi.

Esai 51:21

Lelan, yaŋ nilan ɲɛkɛndɛi o sɔɛi he nɔm (Yerusalɛm) sangaa co hoo coo-o, hɔlla co nɔm hiŋndo, kɛ o co a mamɔi le!»

Condii lisai 60:3

Éé Hala! A mal naa má puusiaa naa. O co bɛɛ a kɔl tuwvo a naa, kɛ mingi naa simi.

Rɔmnda 7:9

Paandu, i vannun yoomu, i ve o tɔŋ bɛngu le. Kɛ tɔŋndo hunɔɔ, mí hakio muungu yoomu,

Esekiɛl 9:6

La diw nda háá mì la cii nda kpede, kandɔɔ a vanaa yuuvɛiya, felengia piaandua, a laandua, cuaambɔa pɔmbɔa, kɔ bii a vanlaandua. Kɛ vana-vana niaa ce pɛ pondalen o itendu, la pilan ndu le. La kandu a cɛi-kola-toandaa diandaa nuu.» O kon, má kɔ kandu a vanaa kɔlkalua va o Cɛi-Hala-o hɔl-ndɔ-a.

Esekiɛl 9:4

mí Mɛlɛka dimul ndu aa: «Balu kobio Yerusalɛm kpow, mà kei pondalen handɔɔ vanaa sɔɛi co palaa má va cɛɛŋɔnndo le dɛnnda nɔɔlɛila co lan tosanndo lan-nda o itendu.»

Yeremi 9:1

Màá yáà kɔnnun ko o lɛŋnde veselɛilen nin, mì yáà kɔ va o pangala vanaa kelaa pɛngi nin-ndan bɛngu, haliko mi yáà faŋan vanaa nia ikɛi, mì yáà kɔ calnun ndon polon. Kani mɛɛ nda co kpede, vanaa lakafaa nda co ni, vanaa suundaa kposon.

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

Esai 29:9

La voolu mì la dɔwnun kɔndɔfili! La kinda hɔltan mì la suma, la lo a sumɛiya lende! La yɔŋnun yingo-yingo, kɛ o va a mamɔi o hɔl te, la va boŋiboŋio kɛ, o va mɛɛ vana kol man taw yɛ le!

Esai 28:1

Dɛnɛ palaa co le mɔsil lemasa co ɲɛ kuundian vanaa kolaa mamɔiya o tàndá Efraim-ndo nin-ndo. Dɛnɛ palaa co le punga bil kɛndɛ-kɛndɔɔ, o co kon volio ŋɛlɛngi-ŋɛlɛngi o cuɛinɔn ndɔɔ coo-o, punga bil co kon o pembii dɛɛla naŋ tɔlɔɔ-o balu-e coo-o. Dɛnɛ palaa co le niaa vanaa kolaa mamɔiya!

Esai 6:5

O kon, mí dimi aa: «Kpòkóó, i kɔndu dɛnɛ fɔ́! Mbɔ̀ ya i laasian! Kani vanaciee cɔcɔn co n nɔɔlɛiyon-ndo ya co ni, vanaa ya co icali tɛɛn-nda bɛɛ cɔcɔn ndan co n nɔɔlɛiyon. Nduyɛ i ce Masaa a lehɔl cikin, Mɛlɛka-Nɔ-Kpaayaa-Kpow-vo pɛɛn!»

Condii lisai 69:20

Nɔm, a sina mɛɛ vannda co ya yeowlan yɛ, a sina mɛɛ nda co ya siɛmbulan tuisio a ya bɛɛlan tɛɛmbuuo yɛ. Yaamɔaa nia kpow a co nɔm o hɔl.

Yeremi 8:18

I yeema mi faŋan mɔnɛi nii o hɔl, kɔl nuu co o mɔnɛi bɛnduei nin.

Yeremi 20:9

Te i dimi pɛ aa: ‹I pel-lɛnin ndu ladio le, i suu lɛnin o diola ndɔlan te›, ɲɔɔ lom ya o kɔllo nin maa leyin. Mì kindin le biuvɔnndo, kɛ i tiwba le.

Yeremi 36:16

Lɔ́ɔ́ nda cii sɔɔn mun kpow tueyɔɔ-o, mí siòònde bii nda taw, mí nda pila nuwvian hɔlla vellaa-velle. Má dimul Baruk aa: «Fɔ mì n kɔ downun masaa sɔɔn mun kpow kona.»

Esekiɛl 13:3

Ɲɛ Maalii Hala dimi-o co hoo ni aa: Dɛnɛ palaa co le vanaa-tɛɛngaa-diom Hala-a pe lebol te-a, a co delɔɔ yiyannda ndalan kɔɔli hali mà ci ɲɛ-ɲɛ le-a.