Yeremi 23:5 - BII BILA

⁵ Mɛlɛka dimi aa: «Paale co hunɔɔ, mì tosa mì hɔ́ɔ́ velun o polale David len nin, masa kɛndɛ kɔlkaloo o vanin ni. O tosanin masalen o lɛŋnden nin o sakpoyɛi a o sandei nin.

Yeremi 23:5 Referans Kwoze

Esai 4:2

O telen kon nin, yɛyii Mɛlɛka-e naŋnin mì i sɔla biiloo, kɔmnde lɛŋnden nden le vanin volio a naŋɔɔ, hee co va dɛnɛ kɛndɔɔ ni le Israɛlla hialunnin ma lo yoomu-a.

Esai 52:13

Tofa vɔ vana ni baalaa, o diinin dɛnɛ mò pɛ, o sɔlanin heeloo a kuundiaa, o kɛsinnin o fonda bɛndoo.

Esai 9:7

«Maalii yɔngu cuavaa Yakɔb-a yoongoo, mí yoongu kon del Israɛlla coo.

Sakari 3:8

‹Lelan nɔm Yosue co bolle vanaa-solia-lasálàá-o a caaŋaa nɔmaa niaa co baala pilɔɔ tosaa ya o hɔl-la, la yaŋ nilan! Bau vanaa co tɔɔmasele levundoo-a niaa co ni. Kani la tofa vɔ, i co vana baala nuu cuu, vana ni baala nɔ diolan aa Vulɔɔ-o.

Esai 53:2

O hindu Mɛlɛka o hɔl maa tɛyii piɔl o yɔm tumndo-e, maa puundule fula o lɛŋnde kalonkalonnden nin-nden. Ndóò nɔ naŋɔɔ, te kon te naŋɔɔ tosa mi náà n muli hɔlla o ndu lo le, hɔlaa ndɔa ndáà nɔla mi ndáà pilan naa kɔl te.

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

Dɛnnda cɔɔmuanndan 19:11

O kon mí ca halataalaa o kumbianndo, mí so humboo fula. Vana va lecoo-o diolan aa Vana toɲaa a Vana lo o lediom coo-o, o co yamɛi kiolɔɔ o sandei nin, mo va cɔlɔbaa.

Amɔs 9:11

O paale len nin, i minginin cɛi David co o tambɛiyo-o toosiaa, i minginin tɛɛngun buuluu-on baŋul, mì mingi ndu kpɛlɛkia ɲɛkɛndɛi. I minginin ndu tangul mɛɛ o va paandu yɛ,

Yeremi 30:9

Ya Mɛlɛka Hala ndaa, a David masa ya kenin nda-o nda tosalnin baalaa ni.

Yeremi 30:3

Sɔɛi fula Mɛlɛka o sondo-e co hee ni maa paale vanin, mì mingi Israɛlla nda Yudaa lɛŋnde yáà yɔngu fuɲaa ndaa mamaa len o ba, yungu ni co o biyɔɔ nin-ndo pɛɛn. Mɛlɛka dimi lende ni.»

Yeremi 23:6

O paale ndɔlen Yuda sɔlanin baŋaa ni, Israɛlla vanin nila ɲulu fɛɛ. Diola nda kenin ndu lan la vanin ni aa: ‹Mɛlɛka vana naa ciindiaa.›

Hebreea 8:8

Kɛ sɔvun Hala ce o vanaa ndɔa lo-on co mun ni, mó dimi aa: «Mɛlɛka dimi aa: Paale vanin, mì yii kpema sɛnɛiyo a vannda Israɛl a á haa Yuda.

Nsaŋ 1:45

Mí Filipe komal Natanaɛl, mó dimul ndu aa: «N saalun vana sɔɛi ndɔɛi dimin o tɔŋ Moise-o nin a o sɛbɛla vanaa-tɛɛngaa-diom Hala-a nin-ndo, Yeesu Nasarɛt, po Yosɛf-o.»

Osee 3:5

O kon kɔɔli, a muungunin mà nuwviaa Mɛlɛka, o co Hala ndaa-o, mà nuwviaa vɛlɛ David masa ndaa. A sɔɔnguunin Mɛlɛka a dɛnɛ ndɔ kɛndɔɔ ikɛi a ɲiiyaa.»

Daniɛl 9:24

Lɔ́ɔ́lan la kelun belaŋɔmmɛw le yungu nɔmndo a kobi nɔm diandaa, le diondɔɔ a hakilan, le yɔŋ vɔɔndo ciiyo, le hunɔɔ a dɛnɛ sandaa fɛɛn-fɛɛndo, le vunduan a sɔɔn vanaa-tɛɛngaa-diom Hala-a dimi-on peelɔnndo, le Fonda-Dianda-Diandaa mingio sɔɔ Mɛlɛka o ba.

Yeremi 31:27

Mɛlɛka dimi aa: «Nanu a telen bingi, i tosanin mì vanndacieea a cɔlua tiw Israɛl a Yuda mɛɛ vana saŋ yɛiye o ciɛi nin nuaa yɛ.

Yeremi 22:3

Diom Mɛlɛka dimi-o co hoo ni aa: La tosa dɛnɛ sandaa mì la kela o toɲaa coo. La baŋa vana nda co saangiaa-o vana co ndu saangiaa-o o ba. La pala miallo le, la pala vííyo a vanalanɔ pɔnɔ ndɔ vi-o le, la del nda coo mì la tosal nda lakafa le. La pɛngi vanaa tɛɛmbuu isɔɔ le-a diwvo o fondaa ho.

Esai 53:10

Kɛ mí Mɛlɛka cɛl mí sanga bɛndoo toal ndu coo. Ndu pila ciiyo yɔngɔnndo le sálà bɛɛndiaa isɔɔ solio, mó sɔla cuawva taw o polale ndɔlen nin, mó bɛndi yoomu ndɔɔ, o ndu nin Mɛlɛka tosanin hɛnan ndɔɔ ni.

Nsaŋ 1:49

O kon mí Natanaɛl dimi aa: «Kɔɔfa, nɔm, Po Hala-o n co ni, nɔm co masaa Israɛl ni.»

Matie 2:2

má ɲuna aa: «Kuɛɛ masa Yuifia co yɛ, o langa volun-ndo pɛɛn? Kani n lo a ba paalen le can-ndo, mí n ca loei ndɔɛi. Le ndu biiloo naa n hin ni.»

Esekiɛl 34:29

I yɔngunin nda tɔlɔɔ vannda sina taw-vo. Yima fofolan ma luei lɛnin nda coo o lɛŋnde ndalen nin te, vanaa-mangalaa-isɔɔa tɛɛmbuu lɛnin nda bɛ̀ɛ̀lan te.

Condii lisai 80:15

Nɔm Hala-Nɔ-Kpaayaa-Kpow-vo, muungu naa o ibuŋ yandi! Nɛɛ n co o halataala-a, tofa vɔ lɛŋ ma ce. Mulul rɛsɛn tumndo ho hɔlla.

Condii lisai 45:4

Yiinun mɔɛi nɔmii cɔwve o càŋ, nɔm kuubanɔ kpaayaa ho. Mɔɛi ken cɔm biilu nɔmndo a naŋɔɔ nɔmndo ni.

Yeremi 22:30

O Mɛlɛka dimi-o co hoo ni aa: «La sɛva po kon maa o nɔ hɔ́ɔ́ le, vana sangan fúú o ceen ndɔɔ nin-ndo. Vana pilɛ bɛɛ fulanin o yungu ndɔɔ nin, mò koma cal o kpɛŋɛ lemasa David-o nin te, o kɛ́-kɛ̀ tosanin masalen o tàndá Yuda-o coo le.»

Yeremi 22:15

Vɛ̀ɛ̀ a yeema ma cɔm maa masaa n co ni, mà tosa baalaa a yɔm sɛɛdreo haliko ma va teengen? Fuɲa va dioo a kolɔɔ maa caanda. Kɛ o va dɛnɛ sandaa a sakpoyɛi tosaa, ɛɛ nduyɛ, ɲɛ-ɲɛ va kɔlan o kɛndɛ ndu o ba.

1Korɛntea 1:30

Nduyɛ, o Krista nin Hala siinguu niaa vanaa diandaa a vanaa sandaa ni. O ndu nin naa n siŋnun vanaa ndu Hala-a ni mí n sɔla baŋaa a hakio,

Esai 42:6

«Ya Mɛlɛka, i veelu nɔm o dɛnɛ sandaa nin, i saanin nɔm baa mì kanda nɔm. I kɛsinin nɔm le kpema ya yii a vannda ha-o vaa hɔlten, le vaa ɲɛ-tengaa vanaa-mangalaa-isɔɔa,

Yeremi 29:11

Sɔɛi fula Mɛlɛka o sondo-e co hee ni aa: «Ya i sina tuula ya nɔ le niaa lan, tuula dɛnɛ kɛndɛ lan, o co tuula dɛnɛ vɔɔn te. Kani i yeema siɔdii niaa kɛndɔɔ, mì la nɔ kɔlkɛsiaa.

Esekiɛl 21:27

Ɲɛ co o ba kɛndɛ ndɔɔ nin-ndo cɔm maa yavaa bii Yerusalɛm, o baŋnin balamaniei lon, mò yɔngu diomndo le vannda diwvo, mò yonda coocoo kpélén. O baŋnin balamaniei o diola luɛyaalan sondoo, o lueinin ndu o píŋndo nin, o cɔawnin kungala saasalan.

Esekiɛl 45:8

Bungɛi ndɔɛi vanin ken ni, lɛŋnde o sɔlanin Israɛl ten pɛɛn. O kon, simlacia nia a saangiaa lɛnin vanaa nia le, kɛ a malnin cuavaa Israɛlla lɛŋnden o ba mɛɛ polama ndan ma co yɛ.

2Samiɛl 23:3

Hala Israɛlla soo, pow kpova Israɛlla dimul-la aa: ‹Masa co masalen tosaa vanndacieea coo a sandei-yo, masa co masalen tosaa nda coo a siòòŋii Hala-e-o,

Condii lisai 99:4

Nɔm Masa kpaayaa, nɔm vana kaola sandei-yo. Nɔm soli yamɛi ni, má tosal Yakɔb dɛnɛ sandaa a dɛnɛ kɛndɔɔ.

Esai 9:5

Kani cɛlɛkpɔɔ vilun naa, hɔ́ɔ́ piaandoo yɔngun naa, masalen kpow le vanin ndu o congú, o nɔnin diolan aa: ‹Ɲaa-fàngà, vana silaa nɔ velan too. Hala-Kpaayaa, fuɲa fɛɛn-fɛɛndo, masa kɔlɲuloo.

Esai 9:6

Tofa vɔ ɲɛ o tosanin-ndo: masalen pɛngɛlaa mì le kui, vana co o kpɛŋɛ lemasa David-o coo-o a masale ndɔlen kɔlɲulu nɔ lamɛɛlu loo yɔngoo, yoomuan masale ndɔlen lueiyo a len simio yili, a dɛnɛ sandaa a sakpoyɛi, kandɔɔ sisa háá le fɛɛn a fɛɛn. Dɛnndan ndan Mɛlɛka-Nɔ-Kpaayaa-Kpow-vo tosanin a dialun fulaan ni.›»

Esai 33:5

Mɛlɛka connun coocoo pɔɔli, kani o fonda hiow helɔɔ-o nin o co icali ni. O pei Siɔn a sakpoyɛi a á dɛnɛ sandaa.

Esai 45:24

Vannda diminin a ya o kɔɔ aa: «O Mɛlɛka nin ndu pilɛ kpé sandei a yoomuan ma co ni.» Vanaa tuulu kɔl a ndu-a kpow a hunnin háá o ndu lo a siɛmbulan.

Esekiɛl 34:16

I nuwviaanin saa lo-o, mì mingi o luusian-ndo nanu. I cɛwnin o yɔŋnulun-ndo, mì mingi o co a naa-o yoomuan o n'dial. Kɛ i diwnin saa celulaa mayoomua. I vanin saa niaa yɔɔ diólan mɛɛ dɛnɛ sandaa co yɛ.

Misee 5:3

O cannin mò siŋnun simlacinɔ nda a kpaaya Mɛlɛka-o a á biilu diola Mɛlɛka Hala ndɔɔ. Vanaa ndɔa vanin icali nila ɲulu, kani kandɔɔ nihau, o co va biiloo sɔlaa háá o lɛŋnden mɛɛlulan.