Yeremi 23:4 - BII BILA

⁴ I handunin nda vanaa mandaa n'cɔlua kpeekpeiya coo. A vueinunnin nda le, a lueinin nda isiòòn te. O kɛ́-kɛ̀ laasian ndɛnin mò lo le.» Sɔɛi fula Mɛlɛka o sondo-e co ken ni.

Yeremi 23:4 Referans Kwoze

1Piɛr 1:5

le niaa co a mandaa o kpaaya Hala-o nin a laalanndo-a, le cinda co nin le cɔmnɔnndo ceen o telennda mɛɛlaalan-ndo.

Nsaŋ 18:9

Hee yɔŋnun haliko mi sɔɛi ndóò dimi-e peelun aa: «Vanaa n ke ya va kpow, o pilɛ bɛɛ i mel te.»

Nsaŋ 17:12

Telen ya va latulu a nda-o, i va vanaa n ke ya-a mandaa o diola nɔmndan. Mí handu nda hɔlten coo, o pilɛ bɛɛ laasian te, fɔ o sɔɛi ndɔɛi ndíì sɛvan maa o co laasian-ndo, haliko mi sɔɛi ndíì sɛvan ken-nde ndíì peelun.

Misee 5:2

Lelan Mɛlɛka malnin vanaa ndɔa háá mì vanalanɔ bɛnda kon le violɔɔ-o velu. O kon mì puapilɛa ndɔa tɔ̀a vanin o biyɔɔ nin-nda muungu cuavaa Israɛlla tɔ̀a ikɛi.

Yeremi 33:26

La ca ko aa mì kɛɛ poaa Yakɔb-a a poaa David vana ni baala-a? Vɛ̀ɛ̀ i kɛɛnin le simlacia simnin cuavaa Abraham-nda, a Isaak-a a cuavaa Yakɔb-a laci-a hɛlio o poaa ndaa tɛɛn? Kɛì-kɛì bɛɛ! Kani ɲííye co ya a nda, i minginin vanaa ndaa nda kɔɛ o biyɔɔ nin-nda o nda lo.»

Yeremi 31:10

Niaa vanaa-mangalaa-isɔɔa, lá yaŋnún sɔɛi Mɛlɛka-e, mì la dimi ndi o lɛŋii ibungai co leville nin aa: ‹Mɛlɛka ndóò sɛŋi Israɛlla ba-ba fee, kɛ o co nda mingi mɔɔsiaa, mò handu nda hɔlten coo mɛɛ vana mandaa n'cɔloo handu cɔlua ndɔa hɔlten coo yɛ.

Yeremi 30:10

Nɔm Israɛl vana ni baalaa yɛ, siòòŋii bii nɔm te, ya Mɛlɛka dimi lende ni, vu n'dial te, kani i co nɔm ciindiaa vanaa co levil-la o ba, mì baŋa cuavaa nɔmnda, mì soli nda o lɛŋnde nda co o biyɔɔ nin-nden nin. Yakɔb muungunin, o vanin o pɛngio nin nila ɲulu fɛɛ, vana-vana venin le ndu kpeeŋiaa le.»

Esai 11:11

O palɛi ken nin, Maalii siɛndinin vɛlɛ ba ndɔɔ o diinndɔɔ le vanaa ndɔa tɔ̀a lonin-nda baŋaa, a co a saŋnannda Asiri, Esipte, Patrɔs, Etiopii, Elam, Sinear, Hamat a o tiŋnda co o mɛmma ihɛllan tɛɛn-ndan nin-nda.

Kundalan 31:49

má dimul ndu aa: «Naa buɛyaa nɔmnda, n cɔm vanaa cɔvaa naa n kɔɛ o cɔwvo-a kpow, o pilɛ bɛɛ feŋan lecoo le.

Misee 7:14

Sim vanaa nɔmnda laci a tinda vana mandaa n'saa o ba, vanaa co kɛ́ nɔmndo-a pɛɛn. À co nda pilɛ kpé yondoo nin, o tɔlɔɔla iyɔmndan tɛɛn. Mɛɛ n tosa lɔ́ɔ́ kon a nda yɛ, kɔ a nda o yondola puiyaalan Basan nin a o lan o tàndá Kalaad-o nin.

Tɔŋ lasálàá 26:9

I mululnin niaa hɔlla, mì nɛŋi niaa ipulu, mì kui niaa, mì simi kpema nuu yili a niaa.

Esekiɛl 36:11

I vangalanin vanndacieea a cɔlua niaa coo. A naŋnin ipulu taw mà kui kuiyo pila. I peinin niaa mɛɛ niáà pɛ paandu yɛ. I tosalnin niaa dɛnɛ kɛndɔɔ o laan mò hiow mɛɛ yáà tosal niaa ndu paandu yɛ. O kon, la sinanin maa ya co Mɛlɛka ni.

Misee 4:4

Vana-vana vanin icali o rɛsɛŋun ndɔn a o voosun ndɔn bɛngu, vana venin le nda kpeeŋiaa le, kani Mɛlɛka-Nɔ-Kpaayaa-Kpow-vo cii dimi.

Sofoni 3:13

O Israɛlla tɛɛn yɛ, vanaa lonin yoomu-a tosa lɛnin dɛnɛ sandaa lepɛŋ te. A dimi lɛnin lacòò le. Vana tui lɛnin sɔɛi huiyaa vana fula nda o lasondo le. Kɛ a vanin cɔlua ndaa yɔɔ diólan, mì nda pila hinin pɛngio a kɔlɲuloo. Ɲɛ-ɲɛ hiiluu lɛnin nda kɔltan te.»