Yeremi 23:39 - BII BILA

³⁹ «I co niaa siilɔn o congú maa lavolɔɔ, mò kɔ viow niaa polon, niaa a kobi ya yɔngu niaa a fuɲaa niaa-o.

Yeremi 23:39 Referans Kwoze

Yeremi 23:33

Mí Mɛlɛka dimul Yeremi aa: «Vana-vana ɲuna nɔm pɛ, o va vana-tɛɛngaa-diom Hala, o va vana-solia-lasálà aa: ‹Ɔ́ɔ̀ yoongu Mɛlɛka nɔ le naa-o? Ɔ́ɔ̀ volɔɔla o co lɛ naa siilu lan?› A muli aa: ‹Mɛlɛka dimi aa niaa co volɔɔlan le ndu ni. Lelan o co niaa tuisi.› Mɛlɛka soo lende ni.

Esekiɛl 8:18

Lelan ya bɛɛ, i co nda dɛnndan tosal a kɔltuwvo. I tofanin nda mì ɲíí bii ya le, i keinin nda baa coo le. Hali a yondanin bɛɛ coocoo ya o lani, i yeŋnin nda lani le few.

2Tesalonikea 1:9

A sɔlanin sanga fɛɛn-fɛɛndo, a vanin hɔlaa Mɛlɛka-a a kpaaya ndɔ bɛndoo levil

Matie 25:41

O kon kɔɔli, o dimulnin a vanin ndu o ba mɛllo coo-a aa: ‹La faŋan ya, niaa vanaa dangaa. La kɔ o yinnde fɛɛn-fɛɛnnden nin, le toosian le masa ɲinaa vɔɔnda a le mɛlɛkaa ndɔa len pɛɛn!

Osee 5:14

Kani yàlà kana ya co le polale Efraim-nden ni, maa yàlà téndé ya co le cɛi Yuda-o ni. Ya ya, i bii pɛ, i sɛɛsiaa, i kɔɛnnun. Ɲɛ-ɲɛ ya bii pɛ, i kɔɛnnun a ndu, vana-vana nɔla ndu hiɔlɔɔ ya o ba le.»

Osee 4:6

Vanaa nia dɔwnun yɛɛvɛ le sina lepɛŋndo. Le tùú niaa kɛɛ le ya sinaa-o, ya bɛɛ i co niaa ɲindɔɔ ikɛi, la ve lɛnin o vali solia lasálà nuu nin te. Mɛɛ niaa pɔɛɛnun tɔŋ Hala niaa yɛ, ya bɛɛ i co cuavaa niaa pɔɛɛnɔn lende.

Esekiɛl 34:20

Lelan, nuaa Maalii Hala dimul nda ni aa: «Ya pila kialunin yamɛi saa téndé celulaa nda saa téndé ɲavɛiyo tɛɛn ni.

Esekiɛl 34:11

Kani nuaa Maalii, o co Mɛlɛka-o dimi ni aa: «Ya pila co nin va saa nia hɔlla landɔɔ coo ni, ya pila o ba nda co nin va ni.

Esekiɛl 9:6

La diw nda háá mì la cii nda kpede, kandɔɔ a vanaa yuuvɛiya, felengia piaandua, a laandua, cuaambɔa pɔmbɔa, kɔ bii a vanlaandua. Kɛ vana-vana niaa ce pɛ pondalen o itendu, la pilan ndu le. La kandu a cɛi-kola-toandaa diandaa nuu.» O kon, má kɔ kandu a vanaa kɔlkalua va o Cɛi-Hala-o hɔl-ndɔ-a.

Esekiɛl 6:3

Dimul mun aa: «Niaa pembon Israɛl, la yaŋ nilan o sɔɛi Maalii-e, Mɛlɛka pɛɛn. Maalii, o co Mɛlɛka-o dimul vanaa co icali o pembun bɛndon, pembun pɔmbɔn, kpolonndan a o bóltan nin-nda aa: ‹La tofa vɔ ya, i co niaa cɔwvo tuisi coo mì tɛɛmbuu sooluula niaalan.

Esekiɛl 5:8

le kɔlɔ kon ya Maalii, ya co Mɛlɛka-o dimi ni maa ya bɛɛ, i co niaa mululɔn. I kialunin yamɛi mì tuisi niaa sangalan coo vanaa-mangalaa-isɔɔa o hɔl.

Cɛɛŋɔnnda Yeremi lan 5:20

Le yɛɛ pɔɛɛnun yɛnin naa le lɔ́ɔ́-lɔ́ɔ̀ mà mal naa le fɛɛn a fɛɛn?

Yeremi 52:3

Mí dɛnnda va tosanndo Yerusalɛm a o masale Yuda len nin-ndan la tɛɛmbuu Mɛlɛka kɔllo. O mɛɛlulan, mó toaw vanaa ndɔa polon. Mí Sedekia simul Nebukanɛsar masaa Babilɔn.

Yeremi 36:31

I simulnin ndu nda cuavaa ndɔa imamaa a simlacia ndɔa, mì sala nda le dɛnnda ndala vɔɔnndan, mì tuisi nda Yerusalɛmnda a Yudaa kpow dɛnnda palaala yáà dimi le nda tuisio coo, kɛ a bii sɔɛi nii le lan coo.

Yeremi 35:17

Lelan, diom Mɛlɛka, Hala-Nɔ-Kpaayaa-Kpow-vo, Hala Israɛlla dimi-o co hoo ni aa: «Niaa vannda Yuda a niaa Yerusalɛmnda, i co niaa dɛnnda palaala ya dimul niaa lan kpow tuisi coo. Kani i soo o niaa lo, kɛ la yeŋnun te, mí veelu niaa, kɛ la cɛl te.»

Yeremi 7:15

I toawnin niaa polon, mì la faŋan ya o hɔl mɛɛ ya tow puapilɛa niaa yɛ, polale Efraim-nden pɛɛn.»

Esai 51:12

Ya ni, ya co niaa ɲɔɔloo ni! Nɛ̀ɛ́-nɛ̀ nɔm co yɛ? Le yɛɛ nɛ n co yɛ siòònde yɔŋndo a vanaciee co vuo nɛ? Le yɛɛ n co yɛ siòònde a pulun Adam-ndon? Maa bil daama dɛnɛ vanacieo co ni.

Esai 48:15

Ya ni, ya soo lende ni, ya veelu ndu ni, ya hin a ndu ni, nduyɛ o tiwnin vali ya vem ndu tosaa-o ba.

Talelan 13:13

Vana tui sila loo, bɔnɔla cuu ndu kuee le. Kɛ vana bii pɛ tɔŋndan, ndu sɔla vɔ́ngɔ̀lan ni.

Condii lisai 51:11

Faŋa hɔlla o hakila nilan. Vɔɔsuu yɔŋnda nila vɔɔnndan kpow.

Tɔŋ miingua 32:39

Lelan, la sina maa ya co Hala ni, maa hala celen co o ya kɔɔli le. Ya yɔngù piɔ́mndo ni, ya yɔngù yoomoo ni. Ya boli vana ni, ya koni singi vana ni. Vana-vana nɔla mò hɛlu ɲɛ-ɲɛ ya o ba le.

Tɔŋ lasálàá 26:28

ya bɛɛ, i simulnin niaa a kɔltuwvo, mì cɔɔlu sangala niaalan vangala bɛmbɛ leŋɔmmɛw le hakila niaalan.

O Kandɔɔ 6:17

Kani i co hunɔɔ mɛmma bɛnduan soli o lɛŋnden coo, mì tɛɛmbuu ɲɛ-ɲɛ co yoomu. Ɲɛ-ɲɛ co o lɛŋnden coo co hunɔɔ yɛɛvɛ dɔwnɔn.

O Kandɔɔ 4:16

O kon, mí Kain faŋan Mɛlɛka o hɔl, mó kɔ calnun o lɛŋnde Nɔd len nin, lɛŋnde len le va lɛŋnde Edɛn-nden a ba paalen le can-ndo.

Yeremi 7:14

ɲɛ ya tosa a Silo-o, ndu koni ya co tosa a cɛiyo ho ni, cɛi diola nilan la co hoo veelɔnndo nin-ndo, o niaa kɛsi kɔllo coo-o, fonda ya ke kon fuɲaa niaa mamaa a niaa-o pɛɛn.

Yeremi 12:7

«I mal cɛi nuu, i faŋa balan o kɛ́ nuu. I mal vanaa yáà kaola haa taw-va yaamɔaa ndaa o ba.

Yeremi 23:38

A kuuna Mɛlɛka kuuna niaa kon-ndo kpede, te la va pɛ hiovɔɔ laci a dimio aa volɔɔlan Mɛlɛka siiluu niaa ni, mɛɛ sɔɛi ndu Mɛlɛka dimi-e co hee ni aa:

2Masaa 23:27

Mí Mɛlɛka dimi aa: «I co vanaa co Yuda-a kɔɔ mulul maa mɛɛ yáà tosa paandu a vanaa va Israɛl-la yɛ, mí yáà kɛɛ kobi yáà hɛli kon-ndo, Yerusalɛm pɛɛn, o kon kɔɔli mí yáà kɛɛ vɛlɛ cɛi yáà dimi aa lenin diola nilan la vanin piɔlnɔnndo ni-o.»