Yeremi 23:36 - BII BILA

³⁶ Kɛ la dimi lɛ aa volɔɔlan te sɔɛi Mɛlɛka-e co le dɛ! Sɔɔn niaan niaa pila-on co volɔɔla niaalan ni, kani la co sɔɔn Hala nɔ yoomoo o ba-on tundɔɔ, Mɛlɛka-Nɔ-Kpaayaa-Kpow-vo, Hala naa pɛɛn.

Yeremi 23:36 Referans Kwoze

2Piɛr 3:16

Lende o soo o sɛbɛla o sɛva le sɔɛi he cɔmndo nin-ndan kpow ni. Sɔɔn celen kendu bila biyɔɔ taw-von co lenin, n vanaa sina, mí laalan ndaa simul te-a co kɔlɔlan tundɔɔ, maa mɛɛ nda co tosaa a fondala celen o Sɛbɛ Hala-o nin yɛ. Nda pila co tɛɛmbɔnndo lende ni.

Esai 3:8

Yerusalɛm siɛla, Yuda komba mó pimbulu, kani sɔɔn ndan sondon a dɛnnda ndalan la co Mɛlɛka cɔlɔbaa. A co biilu ndɔɔ simullo.

Yeremi 10:10

Kɛ Mɛlɛka, Hala kpeekpeiyo o co ni, Hala nɔ yoomoo o ba-o, masa co le lɔ́ɔ́-lɔ́ɔ̀-o. Te o tambu pɛ kɔllo, lɛŋnden le ɲiiya, vanndacieea nɔla kɔl ndɔ tuwvo simullo le.

Condii lisai 120:3

Sanga yɛɛ Hala tuisi yɛnin niaa coo, niaa vanaa co haa vannda huiyo-a?

Condii lisai 64:8

Kɛ Hala vuu nda a bállo, mó lɔaa nda o lepilɔɔ.

2Masaa 19:4

Bɔɔle Mɛlɛka Hala nɔmndo tuɛinin sɔɔn bolle vanaa yɔngù masaa Asiri mɔiyan-nda dimi-on kpow, o ndu masaa Asiri vem hoo le hunɔɔ Hala yoomaa yeowlan-ndo pɛɛn. Bɔɔle mi Mɛlɛka Hala nɔmndo tuisi ndu dɛnɛ palaa coo le yeowla o tuei lan. Lelan piɛi Mɛlɛka le vanaa tɔ̀a lo yoomu-a.»

1Tesalonikea 1:9

Kani vannda kpow a co cɔmndo mɛɛ niaa bii naa o niaa lo lon yɛ. A co vɛlɛ cɔmndo mɛɛ niaa mulul piɔmnda kɔɔlan, mì la mulul Hala hɔlla le ndu baalaa tosallo yɛ, ndu Hala kiyɛiyo, Hala kpeekpeiyo.

Kalatea 6:5

Kani vana-vana cuanin volɔɔ ndɔ.

Dɛnnda kiilaa 14:15

«Le yɛɛ nɛ niaa co yɛ ho tosaa? Naa bɛɛ, vanndacieea daama naa n co maa niaa ni. Yoongu Kɛndɔɔ naa hin niaa tiiyallo ni, haliko mi la mal piɔmaa fondoa sooloo, mì la mulul Hala nɔ yoomoo o ba-o hɔlla, o cɔw halataalaa, lɛŋnden, mɛmma ihɛllan a ɲɛm co lenin-ndon kpow-vo.

Luke 19:22

Mí vana ndɔ bɛndoo dimul ndu aa: ‹Nɔm vana baala vɔɔndo ho, i co nɔm iyama kiolɔɔ a sɔɔn fula nɔm pila o sondo-on. A va sinaa maa vana ya co-o, dɛnɛ nuu kendu bɔɔ, maa ɲɛ ya kɛsi loo ndu ya cua ni, ɲɛ ya seŋ too ndu ya koaw ni.

Matie 12:36

I co niaa dimul, paale kialaa iyamalen, vanndacieea dɔawnunnin kona a sɔɔn fondon nda va keiyo tombolaa-on o kɔɔ.

Esai 28:22

Lelan sunsun, la pɛngi vannda mamɔɔ, yɔŋii yɔlɔn nda yii niaa-on ŋɔwnun peŋ, kani i cuu kiolɔn le lɛŋnden kpow tambei. Maalii, Mɛlɛka-Nɔ-Kpaayaa-Kpow-vo o sondo ya tuei ndi ni.

Talelan 17:20

Vana dindu kɔl too sɔla dɛnɛ kɛndɔɔ le. Vana dimi pɛ diomnda vɔɔnndan a caanda, ndu del o dɛnɛ palaa nin.

Condii lisai 149:9

A tosanin a nda mɛɛ yaman Hala-an kelun le nda-on n co n'sɛvaa yɛ. Bɛɛle co le vanaa lo o lediom coo-a kpow len le co len ni. La lisa Mɛlɛka!

Condii lisai 12:3

Còngùlan kínɛí la co nin vannda tɛɛn ni, sɔɔn sondo yeelɛiyon a sɔɔn muluanndon nda co nin dimulanndo ni.

1Samiɛl 17:36

Nuaa buɛi nɔmndo ndóò diw yàlàá a kɔ́lɔ́vúlua ni. Lende koni ya tosanin a Filistinɔ dii hoo toma loo ni, le yei o yei vanaa cɔvaa Hala yoomaa-o.»

1Samiɛl 17:26

Mí David ɲuna vanaa cɔvaa va ndu ikɛi-ya aa: «Vɔngɔ yɛɛ nɛ nda dɔaw yɛnin vana diinin Filistinɔɔ ho, mò soli Israɛlla mɔnɛi-yo? Yɛɛ nɛ Filistinɔ dii ho tooma loo co yɛ, mó hun sim vanaa cɔvaa Hala yoomaa yeowlan?»

Tɔŋ miingua 5:26

Kani o ceendo coo, vana-vana co, o tuɛi diom Hala yoomaa sɔɛi o yinnden tɛɛn, mò lo yoomu maa naa Israɛlla-o le.

Yeremi 23:37

Nuaa n ɲunanin vana-tɛɛngaa-diom Hala-o ni aa: ‹Vɛɛ Mɛlɛka mulul-lɛ nɔm, vɛ̀ɛ̀ o dimul-lɛ nɔm?›

Cɛɛŋɔnnda Yeremi lan 2:14

Vunduma fondoan a còòlan daama vanaa-tɛɛngaa-diom Hala-a nɔmnda tɛɛngul nɔm ni. A cɔm nɔm haki nɔmndo vakpa haliko ma faŋa nɔm cɛlen kuee le. Còòlan sii nda pila toosiaa le nɔm huiyo ni.