Yeremi 23:3 - BII BILA

³ O kon mì ya pila nuwviaa a tɔ̀a lo-a o lɛŋii yáà sɛŋi nda-e nin kpow, mì mingi nda o hèé ndaa nin. I vangalanin nda lon mà kui taw.

Yeremi 23:3 Referans Kwoze

Yeremi 32:37

I co nda mɔɔsiaa fulaa o lɛŋii yáà puusiaa nda mí toaw nda a kɔltuwvo, a yolɛi a o kɔl ni fulaa nin-nde nin, mì mingi nda o fondaa ho, mì hun kɛsi nda lon nila ɲulu.

Yeremi 29:14

O Mɛlɛka-Nɔ-Kpaayaa-Kpow-vo dimi-o co hoo ni aa: «I tosanin mì la saalun ya, mì mingi niaa o niaa lo. I co niaa nuwviaa o lɛŋii kɛ́-kɛ̀ a o fondala kɛ́-kɛ̀ yaa tow niaa, mì mingi niaa o niaa lo nanu, nɛɛ niaa va paandu mí yaa niaa o biyɔɔ nin-nda.» Sɔɛi fula Mɛlɛka o sondo-e co ken ni.

Yeremi 30:3

Sɔɛi fula Mɛlɛka o sondo-e co hee ni maa paale vanin, mì mingi Israɛlla nda Yudaa lɛŋnde yáà yɔngu fuɲaa ndaa mamaa len o ba, yungu ni co o biyɔɔ nin-ndo pɛɛn. Mɛlɛka dimi lende ni.»

Esekiɛl 11:17

Le hee, dimul nda aa nuaa Maalii Hala dimi ni aa: ‹I faŋanin niaa nɛɛ nia co vanaa súúla celen nda tɛɛn-nda, mì cuungiaa niaa. I solinin niaa o lɛŋii niaa co a saŋnannda nin-nde nin, mì mɔɔsiaa niaa, mì yɔngu niaa lɛŋnde Israɛl-ten.

Yeremi 31:8

I co nda cua o lɛŋnde maluaŋnden mì mingi nda, mì cuungiaa nda fulaa o lɛŋii levil-ville nin. Vana-vana vanin ndon: vanaa sumɛiya a namtaa, komsaa a vanaa lafolia, sɛ́lɛ́ bɛndoo pila nda cuungiannin ndon ni.

Condii lisai 106:47

Éé Mɛlɛka Hala naa, ciindiaa naa, soli naa vanaa-mangalaa-isɔɔa tɛɛn, mà cuungiaa naa nɛɛ pilɛ, haliko mi n sangala diola nɔmnda diandaa lan, mì n biilu nɔm, mì n sangala nɔm.

Esekiɛl 36:24

I faŋanin niaa vanaa-mangalaa-isɔɔa tɛɛn, mì soli niaa o lɛŋnden kpow nin, mì mingi niaa cuungiaa o lɛŋnde niaalen nin.

Esekiɛl 36:37

Nuaa Maalii Hala dimi ni aa: «I cɛlnin vɛlɛ mì cuavaa Israɛlla piɛi ya le nda dɛnɛ kɛndɔɔ tosallo. I vangalanin vanndacieea ndaa maa kunda n'cɔlu.

Misee 7:12

Paale len vannda hunnin o nɔm ndo fulaa Asiri a o kobila co o lɛŋnde Esipte len nin-ndan, cɔnɔnndo o peo Esipte háá o peo Efrate kɔngɔ. À pum hunnin fulaa o mɛmma ihɛllan kɔngɔ, à pum fulaa o tàndála n'pembulan coo.

Yeremi 8:3

Piɔ́mndo vanaa tɔ̀a lonin yoomu o polale vanaa vɔɔŋaa kan kpow tɛɛn-nda hiawnin yeema a yoomoo, nɛɛ ya sɛŋinin nda o fondala yɛ́-yɛ́lan-nda pɛɛn.» Sɔɛi fula Mɛlɛka-Nɔ-Kpaayaa-Kpow-vo o sondo-e co ken ni.

Yeremi 30:10

Nɔm Israɛl vana ni baalaa yɛ, siòòŋii bii nɔm te, ya Mɛlɛka dimi lende ni, vu n'dial te, kani i co nɔm ciindiaa vanaa co levil-la o ba, mì baŋa cuavaa nɔmnda, mì soli nda o lɛŋnde nda co o biyɔɔ nin-nden nin. Yakɔb muungunin, o vanin o pɛngio nin nila ɲulu fɛɛ, vana-vana venin le ndu kpeeŋiaa le.»

Yeremi 31:7

Kani Mɛlɛka dimi aa: ‹La yonda a kɔlkɛndɔɔ le Israɛl, la viow kponyoo a kɔlta niaalan kpow, le lɛŋnde hiow lɛŋii vanaa-mangalaa-isɔɔa len.› La yonda mì la dimi aa: ‹Mɛlɛka, cííndiaa vanaa nɔmnda, Israɛlla lo yoomu-a pɛɛn.›

Yeremi 46:27

Nɔm Yakɔb vana ni baalaa, siòòŋii bii nɔm te, vu n'dial te. I co nɔm baŋa mà fula lɛŋii leville o ba, mì cuavaa nɔmaa imamaa mal o lɛŋnde nda kɔɛ a nda len nin. Yakɔb muungunin mò kɔ cal nila ɲulu, vana ve lɛnin le ndu kpeeŋiaa le.

Tɔŋ lasálàá 26:9

I mululnin niaa hɔlla, mì nɛŋi niaa ipulu, mì kui niaa, mì simi kpema nuu yili a niaa.

Yeremi 16:15

Kɛ aa: ‹Le Mɛlɛka yoomaa, o soli Israɛlla o lɛŋnde co a ba luaŋ-ndo len nin a o lɛŋii tɔ̀ɛi ndóò tow nda nin-nde nin-ndo!› Kani i co nda mingi o lɛŋnde ndale yáà yɔngu fuɲaa ndaa mamaa len nin.»

Yeremi 50:19

I minginin Israɛlla diólan nɛɛ paandua, mà kɔ komal ɲɛ nda diaa o pembei Karmɛl coo, o pembei Basan coo, o tàndá Efraim-ndo nin a o tàndá Kalaad-o nin, mò de mɛɛ o hɛnan ndu yɛ.

Esekiɛl 36:11

I vangalanin vanndacieea a cɔlua niaa coo. A naŋnin ipulu taw mà kui kuiyo pila. I peinin niaa mɛɛ niáà pɛ paandu yɛ. I tosalnin niaa dɛnɛ kɛndɔɔ o laan mò hiow mɛɛ yáà tosal niaa ndu paandu yɛ. O kon, la sinanin maa ya co Mɛlɛka ni.

Misee 2:12

Mí Mɛlɛka dimi aa: «A toɲa, i mɔɔsiaanin niaa kpow, niaa cuavaa Yakɔb-a pɛɛn. I mɔɔsiaanin niaa nɛɛ pilɛ, niaa Israɛlaa tɔ̀a lonin yoomu-a pɛɛn. I mɔɔsiaanin niaa o hèéo nin maa n'saa, maa cɔlua nda mal o bil puiyaa nin-nda, mì la siŋnun vɛlɛ sɛ́lɛ́ bɛndoo sɔkɔ-sɔkɔ.