25 Ya Mɛlɛka, i tuei ɲɛ vanaa-tɛɛngaa-diom Hala-a co dimio-o. A co dimio maa o diola nilan nda co sɔɛi ni, kɛ còòlan fúú. A co dimio aa: ‹I sɔl lɔan, i ce vundulen.›
I co vanaa co kan vunduma fondoan cɔu-va ciŋilan.» Sɔɛi fula Mɛlɛka o sondo-e co hee ni. O còòla lan tombolaa nda luei vanaa nia o pɔwlan nin ni. Nduyɛ, i vim nda lekiila kɛ́-kɛ̀ le. I dimul nda ɲɛ-ɲɛ le. A co vanaa nia mako kɛ́-kɛ̀ soli le.» Mɛlɛka soo lende ni.
O Mɛlɛka-Nɔ-Kpaayaa-Kpow-vo, Hala Israɛl-lo dimi-o co hoo ni aa: «La cɛl mì vanaa-tɛɛngaa-diom Hala-a co niaa tɛɛn-nda, vanaa dimi siɔdii lacio-a hiŋ niaa hɔlla le. La lúɛì lɔma niaa co sɔllo-an yii le.
Vana-tɛɛngaa-diom Hala sɔl pɛ lɔma ndɔ, ndu cɔm vannda lɔma o sɔl-lan! Kɛ te i yɔngu ndu pɛ yoongoo pum, o bɛnda mò tɛɛnguu ndu lende kpafii!» Vana tuu billo a kullon te. Mɛlɛka dimi lende ni.
Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.
I co nilan yaŋɔɔ yékén o sɔɔn ndan: a co isɔɔ mɛɛ nda bɛnda le sɔɛi yɛ le. Vana-vana co dɛnɛ vɔɔn ndɔɔ malɔɔ le, a co ɲunaa aa: ‹Yɛɛ ya tosa yɛ hoo?› Mɛɛ nda co kpede, vana-vana muungu kiltan a yeemɛi maa so co ɲaanɔnndo a yeemɛi le kɔlan o cɔwvo-o.
Mó dimul nda aa: «La yaŋ-ndɔ nilan o sɔɛi ya co niaa dimul-le. Te vana-tɛɛngaa-diom Hala-o va pɛ niaa tɛɛn, o vundulen nin ya cɔmnun ndu ni, o lɔma sɔlaan nin ya soaa o ndu lo ni.
I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.
Ɲɛ-ɲɛ co o viannan Hala o hɔl te. Ɲɛm o toosiaa-on kpow n co ndu o hɔl vakpa. O kei dɔ́ɔ́ pɛ hɔlten, o ce kpede. Nduyɛ, o ndu lo naa n dɔawnun kona ni.
Telen o va yiyanndo a dɛnnda lan o kɔɔ-o, mí mɛlɛkanɔ Hala-o cɔmnun ndu o lɔma sɔlaan nin, mó dimul ndu aa: «Yosɛf po imama David-o, siòòŋii bii nɔm le Mari cuaa o nɔ̀u nin te, kani a kpaaya Hala Kɔl-Diandaa o cua foli hɔ́ɔ́ co ndu hoo o dembe-o ni.
Mààla nda co tosaa o lɛŋnde Israɛl-ten nin-ndan la co lan ni: a co suundaa a laandaa caanda, mà va còòlan dimio a ya o sondo. Nduyɛ, i vim nda le. I sina ken kpow, i co lesei.» Sɔɛi fula Mɛlɛka o sondo-e co ken ni.
Mí Mɛlɛka mulul-la aa: «Vanaa-tɛɛngaa-diom Hala-a kan co dimio aa o diola nilan nda co sɔɛi ni. Còòlan fúú. O co ya le vem nda le, i dimul nda ɲɛ-ɲɛ le, sɔɔn fondon fúú nda co dimio a siɔdii lacio o kɔɔ ni, sɔɔn nda pila toosiaa le vannda palaa-on daama ni.
I saalun nɔm a tiɔmɔɔ nɔmndo, kuŋnda iyeemala nɔmndan, a suunda nɔm leyulaa o pembun co yondolan nin-ndon coo. Mí ca dɛnnda nɔmnda nɔɔlɛilan. Nɔm Yerusalɛm pɛɛn! Taanin! Lɔ́ɔ́ kuɛɛ kpeekpei n diandu yɛnin?
Paale pum, mó sɔl vɛlɛ lɔma celen, mó cɔm bɛndaa ndɔa man, mó dimul nda aa: «Mí la ce mɛɛ ya sɔl vɛlɛ lɔma celen yɛ. Mí ca paalen, paangei o loeon tɔ́ a ipilɛ tundɔnndo ya o labɛngunin.»
Kɛ còòlan fúú nda co niaa dimullo lende ni, te la yaŋ pɛ nda nilan, la sɔlanin tovɔɔ, mì la kɔɛ lɛŋnde niaalen levil. A toɲa, i toawnin niaa ba-ba fee, mì la cuu.
Mɛlɛka dimi aa: ‹I vim nda le. A co dimio aa o diola nilan nda co sɔɛi ni, kɛ còòlan fúú nda co dimio ni. Te la yaŋ pɛ nda nilan, i co niaa tovɔɔ mì la kɔ vu niaa vana-tɛɛngaa-diom Hala-a co niaa kan sɔɔn vaa siɔdii dimullo-a latulu.›»
Vunduma fondoan a còòlan daama vanaa-tɛɛngaa-diom Hala-a nɔmnda tɛɛngul nɔm ni. A cɔm nɔm haki nɔmndo vakpa haliko ma faŋa nɔm cɛlen kuee le. Còòlan sii nda pila toosiaa le nɔm huiyo ni.
Vanaa-tɛɛngaa-diom Hala-a ndɔa co ɲɛ-ɲɛ ka yikpaa a ɲɛ vana yikpa-o, a co vunduma fondoan cɔu, a co còòlan dimio a siɔdii lacio o kɔɔ, a co dimio aa: ‹Nuaa Maalii soo ni, Mɛlɛka pɛɛn!› Nduyɛ, o co ya Mɛlɛka le soo lende le.
Te vanndo hun va nin pɛ diom Hala-o tɛɛnguuo, fuɲa ndɔ a kala ndɔ velu ndu-o dimulnin ndu aa: Piɔ́m nɔmndo tiiya! Kani còòlan n co dimio o diola Mɛlɛka lan nuaa ni. O kon, telen o vanin diom Hala-o tɛɛnguuo-o, fuɲaa nda kala velu ndu-o a cuukuu ndu, a dii ndu.