Yeremi 23:22 - BII BILA

²² Te ndáà va pɛ nɛɛ ya va sɔɛi-ya, a va vanaa nia sɔɔn ya dimi-on tɛɛngul, mì ndáà faŋa nda o nɛi nda vɔɔndo coo, mì ndáà mal dɛnnda vɔɔnnda nda co tosaa lan.»

Yeremi 23:22 Referans Kwoze

Sakari 1:4

La vial fuɲaa niaa mamaa a káà, mì la tosa maa nda le. Kani nda nda, vanaa-tɛɛngaa-diom Hala-a va sindɛ yondaa nda o lani, má va nda dimullo aa Mɛlɛka-Nɔ-Kpaayaa-Kpow-vo dimi aa: La mal kelala niaala vɔɔnndan a dɛnnda niaala vɔɔnndan. Kɛ a yeŋ nilan te, a bii sɔɛi ken te. Sɔɛi fula Mɛlɛka o sondo-e co hee ni.

Yeremi 25:5

Mó dimul niaa aa: «Vana-vana o niaa tɛɛn mal kela ndɔ vɔɔndo, dɛnɛ vɔɔn o co tosaa-o! O kon la tiwnin ba mi la cal o lɛŋnde ya ke kabi sindɛ fuɲaa niaa mamaa a niaa pila len nin.

Yeremi 23:18

Kɛ ɔ́ɔ̀ vana va lon telen ya va kon sɔɛi yo? Nɛ̀ɛ́-nɛ̀ ce yɛ ya o sɔɛi, mó tuɛi ɲɛ ya dimi-o? Nɛ̀ɛ́-nɛ̀ yaŋ yɛ nilan o sɔɔn nun, mó bii mun bila?»

Dɛnnda kiilaa 20:27

Kani i cɔm niaa tuula Hala lan kpow, i vin niaa ɲɛ-ɲɛ le.

Esekiɛl 13:22

Kani la co vana sandaa yoomuan solio a còòlan, nduyɛ, ya pila, i tɛɛmbuu nda kɔl te. La co vana kɔlvesɛiyo yoomuan lueiyo yɔŋii o mal kɔlvesɛi kon, mò ciindiaa yoomu ndɔɔ.

Yeremi 35:15

O co lɛhau le ya co niaa vanaa nia baalaa, vanaa-tɛɛngaa-diom Hala-a vim-ndo, le niaa kɔlan dimullo aa: ‹Vana-vana mangala kela ndɔ vɔɔndo, mò tosa dɛnɛ kɛndɔɔ. La del halaa celennda kɔɔli le nda sooloo le. O kon la tiwba mi la cal o lɛŋnde ya yɔngu niaa a fuɲaa niaa mamaa len nin.› Kɛ la tui ya diom te.

1Tesalonikea 5:6

Lelan, n lɔlnùn maa vanaa tɔ̀a le. Kɛ n vannùn lahɔl yékén mì n vannùn vanaa bii kɔlta ndalan-nda.

Esekiɛl 3:17

«Po vanacieo sei, i siinguu nɔm kpalilnɔɔ cuavaa Israɛlla coo. Nɔm, a yaŋ pɛ nilan o sɔɔn vanin fulaa ya o sondo-on, a kɔ hiw mun nda o lani o vomɔɔ nuu bɛngu.

Esekiɛl 2:7

Mɛɛ ma dimul nda sɔɔn nun, a yaŋ lani, a yaŋ lani le, kani vanaa nila kalua nda co ni.

Esekiɛl 18:30

Lelan i kialunin yamɛi niɛi mɛɛ dɛnnda vana-vana la co yɛ, niaa cuavaa Israɛlla pɛɛn. Sɔɛi fula Maalii, o co Mɛlɛka-o o sondo-e co ken ni. Lelan la mangalan, mì la mulul dɛnnda niaala vɔɔnndan kpow kɔɔ, yɔŋii biondɔnnda niaalan la siŋnun pow boŋaa le niaa.

Yeremi 36:3

Bɔɔle lɔ́ɔ́ vannda Yuda sinanin yiyan ya nɔ le nda dɛnɛ palaa tuisio coo-o, nda kpow a kindikindinnin le kela nda vɔɔndo malɔɔ, o kon i melnunnin nda le kela nda vɔɔndo, mì mal nda haki.

Yeremi 9:12

Mí Mɛlɛka dimi aa: «Le tùú nda kɛɛ tɔŋ ni yáà yɔngu nda-o biyɔɔ-o, le tùú nda kɛɛ ya nilan yaŋɔɔ, má kɛɛ le diom nuu biyɔɔ-o.

Yeremi 23:14

Kɛ vanaa-tɛɛngaa-diom Hala-a Yerusalɛm nda, mí ca maa dɛnnda lamààlan nda cal coo ni: a co suundaa, a co còòlan dimio, a co vanaa tosaa dɛnnda vɔɔnda simndan kɔɔli. Vana-vana co kɛɔ le dɛnɛ vɔɔndo malɔɔ. Nda kpow a muungu ya o hɔl maa vannda Sodɔm, hiyan kɛ́-kɛ̀ co vannda Yerusalɛm a haa Komɔr tɛɛn te.

Esekiɛl 13:5

Niaa vanaa tɛɛngaa-diom Hala-a, la hel le tɛɛngon kiindiaa le, la tengul kpaki le cuavaa Israɛlla kandaa haliko ma nɔla simndan le cɔwvo o paale Mɛlɛka len coo le.

Amɔs 3:7

Lende koni i co ni, Maalii Hala tosa ɲɛ-ɲɛ mò kɛɛ vanaa ndɔa baalaa, vanaa-tɛɛngaa-diom Hala-a bulun dɛnɛ kon cɔm te.

Malasi 2:6

A toɲaa leviia va tɔŋndo pɛɛkoo ni. Còòla fula nda o lasondo lɔ́ɔ́-lɔ́ɔ̀ le. Bɛnda kɛndɛ-kɛndɔɔ va naa tɛɛn naa ndaa. Má faŋa vanaa bɔɔ-bɔɔ o nɛi vɔɔndo coo a sandii ndɛi.