Yeremi 23:2 - BII BILA

² Lelan sɔɛi fula Mɛlɛka Hala Israɛlla o sondo le simlacia kan-nde co hee ni aa: «La mal cɔlua nia ma laasian ba-ba fee, la hendu nda hɔlten coo le. Ya bɛɛ, i co niaa mululɔn le dɛnnda niaala vɔɔnndan.

Yeremi 23:2 Referans Kwoze

Misee 7:4

Vana hiow vaa fisa o nda tɛɛn-ndo, maa yɔm n'yɔɔn ndu co ni. Vana hiow nda sandei-yo, maa bɔ̀ɔ̀ n'yɔ ndu co ni. Paale dɛnɛ palaale niaalen le tiiya nuaa ni, paale kpalilaa niaa dimi len, vanaa-tɛɛngaa-diom Hala-a pɛɛn. La co nihau a kɔl isiòòndo.

Yeremi 21:12

Yungu David-o! Diom Mɛlɛka dimi-o co hoo ni aa: ‹La va dɛnɛ sandaa tosaa kandɔɔ idii. La soli vanaa nda co saangiaa-a vanaa co nda saangiaa-a o ba, yɔŋii kɔl ni tuwvo bii maa leyin, vana nɔlanin nden ɲumio le, le dɛnnda vɔɔnnda niaa co tosaa lan.

Fulaa 32:34

Lelan, tol ma kɔɛ a vannda ha o fonda ya dimul nɔm le kɔlan a nda-o. Mɛlɛkanɔ nuu vanin kɔlan nɔm laci. Kɛ paale pum, i kɔɔsanin a nda, mì soŋ nda le haki nda tosa-o.»

Yeremi 23:34

Vana-vana dimi pɛ aa volɔɔlan ya siiluu ndu ni, o va vana-tɛɛngaa-diom Hala, o va vana-solia-lasálà te kon te vana celenndo, i kuelnin ndu a yungu ndɔɔ.

Nsaki 1:27

Dina diandaa, o nɔ sɔŋ Hala Fuɲaa o hɔl too, ndu co le vííya a vanlaandua vii piaandua-a yilɔɔ le sangala ndalan ni, a vana pila mandanndo le dɛnnda nɔɔlɛila ceendo ho.

Matie 25:43

I va miallo, kɛ la yiya ya le. Fɛlio va ya, la cuɛi ya le. I va a nàá a o kaasoo, la kue ya yilɔɔ le.›

Osee 2:13

I tɛɛmbuunin kɔlkɛndɛ ndɔɔ, mì kuuna kafola ndɔlan, kɔlkɛndɛ ndɔ paangun sɛnɛiyo, kafola ndɔla paale pɛngiaalan a cuungiannda ndɔla kɔlkɛndɛlan kpow.

Yeremi 13:21

Yɛɛ n dimi yɛnin telen vanaa niaa dɛli-a cannin mà simul nɔm le nɔm kpaayaa sɔlaa coo-o? A sanganin mɛɛ vanalanɔɔ sanga o violɔɔ nuaa yɛ.

Yeremi 11:22

Ɲɛ Mɛlɛka-Nɔ-Kpaayaa-Kpow-vo dimi le nda-o co hoo ni aa: «I co nda simul, langbaa felengia ndaa vunin o mɔɛi-cɛwve bɛngu, mì poaa ndaa a cuavaa ndaa laandua vi a yima fofolan.

Yeremi 8:12

Siɛmbulan láà bɛnda mì láà bii nda le dɛnnda nɔɔlɛila nda co tosaa lan. Kɛ siɛmbulen bɛɛ le co nda le, a kɛɛ lan pɛ. Lelan a delnin nda vanaa bɛnda le delɔɔ-a latulu, a boŋnin mà del o telen ya lɔanin nda-o». Sɔɛi fula ya Mɛlɛka o sondo-e co ken ni.

Yeremi 5:29

Le hee Mɛlɛka dimi ni aa: ‹Vɛ̀ɛ̀ i bɛnda mì cɛɛlian vannda ha le? Vɛ̀ɛ̀ i mingùl vanaa súú vaa nuaa màá le?

Yeremi 5:9

Vɛ̀ɛ̀ i bɛnda mì kuuna dɛnnda vaa lende le? Vɛ̀ɛ̀ i bɛnda mì fula kɔl a vanaa vaa lende le nɛ? Sɔɛi fula Mɛlɛka o sondo-e co ken ni.

Matie 25:36

I va a fɛ́lio, mí la cuɛi ya. I va a nàá, mí la yil-la. I va o kaasoo, mí la sɔɔnguu ya ikɛi.›

Yeremi 10:21

Diɔmnda simlacia yɔŋnun ni, a ɲuna Mɛlɛka le, lelan nda dema dɛnɛ ni, mí cɔlua ndaa lakundaa sɛŋin kpow.

Yeremi 13:17

Te la yeŋ nilan o kanalanndo ho le, i caŋnin o vionnɔnndo nin le yonga niaa bɛndoo. Hɔlta nilan la tuisinin mɛmɛan taw-taw, kani a co kɔlan a kunda cɔlua Mɛlɛka-a o biyɔɔ nin.

Yeremi 13:20

Yerusalɛm heelu vɔ hɔlla mà tofa, yaamɔaa nɔmnda co hunɔɔ fulaa a ba luaŋ-ndo-a. Ɔ́ɔ̀ cɔlua kundaa ya yɔngu nɔm mandaa-a? Ɔ́ɔ̀ saa n va cɔmnɔnndo-a?

Yeremi 44:22

Mɛlɛka ndóò tiw lɛ ba dɛnnda niaala vɔɔnndan a mààla niaa va tosaa lan biuvɔnndo le. Lelan lɛŋnde niaalen le siŋnun bémbélan ni, mí vannda piaw len. A lɛŋnde len vannda co tɔɔmaseloo cuaa ni le mɛnanndo a le dangaa dɔvɔɔ mɛɛ niaa co hau cɔu nuaa yɛ.

Esekiɛl 34:5

Le vana manda n'saa lepɛŋndo, má saŋnun kpede, má siŋnun balo visia biyaa yondoo nin, má cuu saŋnɔn faw.

Sakari 11:16

Kani tofa vɔ, ya Mɛlɛka, i yɔngunin niaa vana manda n'cɔloo o lɛŋnden nden nin, o nɔnin lehɔl saa vanin yɛɛvɔɔ dɔwnɔnndo-a coo le few. Hali saa pilɛ luusian bɛɛ, o nuwviaanin ndu le, o pilɛ yɔŋulun bɛɛ, o cɛwnin ndu le, o downin a vanin kɛndia-a balo le. Kɛ o sɔamnin visin saa celulaa mò yimi a tɔ̀a buukulan.›

Yeremi 17:10

Mí ya Mɛlɛka dimi aa: Ya co vana ca o kɔllo nin di-o ni, i sina yiyannda viannannda co o kɔltan nin-ndan. Le hee, i tiwba mi bii vana-vana mɛɛ kela ndɔɔ co yɛ, mɛɛ dɛnnda vana-vana la co yɛ.

Sakari 10:3

Lelan, i tuulu kɔl taw a vanaa mandaa n'saa, i co simlacia sangaa tuisi coo. Kani ya Mɛlɛka-Nɔ-Kpaayaa-Kpow-vo, i nɔ yiyanndo saa nia kundaa coo, polale Yuda len pɛɛn. I co nda siinguu maa so ni latɔ́ɔ́-tɔ́ɔ́ le kɔlan cɔwvo tosaa.