Lelan, i co yinnden malɔɔ o kpakila kobio Raba, mì le lom cɛila lemasala co lon-ndan o vóólun-vóólunn cɔwvo bɛngu, o paale cɔwlen len pilɛ nin. La cuunin ŋɔ o felenfelen leyinndo nin o paale hoeyii fùkù-fùkùlen nin.
Sɔɛi dimin o lɛŋnde veselɛile co o mɛmma ihɛllan kɔngɔ len coo-e co hee ni: «Maa mɛɛ hoeyii bɛndui fùkù-fùkùei fula a ba too yɛ, lende yaamɔɔ co cɔnɔnndo o lɛŋnde veselɛilen nin ni. O co cɔnɔnndo o lɛŋnde kpúlúnkùmale luei vana siòònde len nin.»
«Mɛlɛka fulanin nda coo fɛlɛmɛndɛn, mì kɔɛi ndɔɛi kɔɛ a kiltan maa piɔɔ-volia, Maalii, o co Mɛlɛka-o hɔŋnin buloo, mò hinul nda o hoeyii fùkù-fùkùi fula a ba too-e nin.
Paale len, Mɛlɛka dimulnin vanaa kan a Yerusalɛmnda aa: «Hoeyii tuwve co hɔŋndo o pembun co o lɛŋnde veselɛilen nin-ndon coo, i bii nɛiyo hunɔɔ o vanaa nia lo, o co hoeyii hɛyaa n'kul le mun dindi le.
Hali ma tolnun bɛɛ le, hali ma seŋnun bɛɛ le, hali mi cii ndɛi luei bɛɛ puundon lɛŋ te, Mɛlɛka hul nda dɔ́ɔ́ pɛ, mì hoeyii ndɔɛi kei nda coo, a vesa kékélé, hoeyii ken kɔndu nda mɛɛ hoeyii felenfelennde kɔandu foeende nuaa yɛ.
I va tofaa, mí ca hoeyii fùkù-fùkùei cɔnɔnndo a ba luaŋ-ndo, mí yumbuyumbu bɛndu-bɛndoo a yinnden le va hunɔɔ ndi laci, mí ɲɛ-tengaa balu tengaa pindo. Ɲɔɔ va piɔndio lenin o siaŋa mɛɛ tɛ́ngɛtɛ́ngɛla leyinndan la piɔndi nuaa yɛ, o va piɔndio o yinnden tɛɛn.
Mí saŋ nda vanaa-mangalaa-isɔaa ndáà sina paandu le-a tɛɛn, mí lɛŋnden le koma tambuu nda kɔɔli. Vana ve lɛ cɔnɔn o lɛŋnde len nin le lakɔ inɛɛ le, vana ve lɛ vɛlɛ cɔnɔn inɛɛ le hunɔɔ o lɛŋnde len nin te. Lende nda tɛɛmbuu lɛŋnde kɛndɛle len ni, má siinguu len lɛŋnde imɔnɔle siɔŋɛilen.›»
Vana lo lɛŋnde mɛɛlu mà tuei ndu diom. Mɛlɛka co kɔɔsɔɔ nda vanaa-mangalaa-isɔɔa. O veelu vanndacieea kpow o cɛi ndɔ kɔɔsɔɔ nin, o tosanin mì vanaa vɔɔnda kpede a vi o mɔɛi cɔwve bɛngu.› Sɔɛi fula Mɛlɛka o sondo-e co ken ni.»
Ɲɛ Maalii Hala dimi-o co hoo ni aa: «I tuisinin hoeyii fùkù-fùkùei o kɔl ni tuwvo nin. O kɔl ni fulaa nin, i tuisinin piɔɔ bɛndu-bɛndoo, mì loeon deli a kɔltuwvo le ɲɛ-ɲɛ yoomaa ciiyo diwvo kpede.