Yeremi 23:17 - BII BILA

¹⁷ Vanaa co ya mamɔɔ-a co dimio aa: ‹Mɛlɛka dimi aa kɔlɲuloo vanin le niaa ni.› Vanaa co kan yiyannda nda pila lan kínɛí tolɔɔ kɔɔli-a co dimio aa: ‹Dɛnɛ palaa komalnin niaa le.›

Yeremi 23:17 Referans Kwoze

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›

Yeremi 13:10

Nduyɛ vanaa vɔɔŋaa co kɛɔ nilan yaŋɔɔ o sɔɛi nii, mà va yiyannda nda pila lan tosaa le yiinɔnndo a halaa celennda nda co ni, a co nda vɛlɛ vulan baŋɔɔ o labɛngunin le nda sooloo. Màá vanaa kalaa muungu maa yáwlen nden, le nɛŋi lɛ len ɲɛ-ɲɛ le len!

Amɔs 9:10

Vanaa lahakia o vanaa nia tɛɛn kpow a vunin o mɔɛi cɔwve bɛngu. Vanaa kan kpeekpei, a co kan dimio-a aa: ‹Dɛnɛ palaa sɔɔnguunin naa macɛlu le, o tulnin naa coo le.›»

Misee 3:5

«Ɲɛ Mɛlɛka dimi le vanaa-tɛɛngaa-diom halaa lacòòvaa co vanaa ndɔa laasiaa-a-o co hoo ni: ‹Te vana ke nda dɔ́ɔ́ pɛ ɲɛ nda miaanun-ndo, à dimi yoongu kɔlɲuloo. Kɛ te vana ke nda mel nda ɲɛdiaa o sondo le, à ciŋilan vana kon a sɛɛngianndo.›

Yeremi 9:14

diom ya Mɛlɛka-Nɔ-Kpaayaa-Kpow-vo, ya Hala Israɛlla dimi-o co hoo ni aa: «I co vannda ha bil loloo ke mà de, mì koesi nda bɔ̀tàá.

Yeremi 8:11

A co pavii cua nuu pulɔɔ sɔvɛ le, vanaa nia pɛɛn. A co dimio aa: «Kɔlɲuloo, kɔlɲuloo», kɛ kɔlɲulu co le.

Yeremi 5:12

A soo sɔɔn lacòòvan a Mɛlɛka o kɔɔ, a co dimio aa: «Mɛlɛka co le! Dɛnɛ palaa kɛ́-kɛ̀ komalnin naa le, cɔw hinulnin naa le, yima biinin naa le.

Tɔŋ miingua 29:19

Mɛlɛka cɛlnin le ndu hakio malɔɔ le. Kɛ kɔltuw Mɛlɛka-o a paŋala ndɔɔ toalnin vana kon coo. Dangala sɛvan o sɛbɔɔ ho nin-ndan la toalnin ndu coo, mì Mɛlɛka ɲumi diola ndɔlan o ceendo coo.

Sakari 10:2

Kani piɔmaa tongoniŋaa niaa co piɛiyo-a co niaa mulullo a sɔɔn lacòòvan. Mandea co vannda vunduma lacòòvan dimullo, à co lɔma sɔlaama lacòòvan dimio, à co vannda ɲɔɔloo a kpaavɛi. Lelan vannda ha kɔɛnnun a laasianndo ni maa n'cɔlu, a co o mɔnɛi nin maa saa nɔ vana mandaa le-a.

Esekiɛl 13:22

Kani la co vana sandaa yoomuan solio a còòlan, nduyɛ, ya pila, i tɛɛmbuu nda kɔl te. La co vana kɔlvesɛiyo yoomuan lueiyo yɔŋii o mal kɔlvesɛi kon, mò ciindiaa yoomu ndɔɔ.

Esekiɛl 13:10

Kani a co vanaa nia laasiaa, hali telen kɔlɲulu co loo, a co vanaa nia dimullo aa kɔlɲuloo co. A co a kɔlkɛndɔɔ o kpaki vanaa nia cɔwvo nin. Tofa vɔ, a co ndu yikpaa.

Yeremi 18:18

O kon mí vannda pum a dimi aa: «La hun mì n yiinun Yeremi dúmbú! Kani vanaa-solia-lasálàá venin naa lepɛŋ le naa pɛɛkoo le, kaasoŋaa kɔlkalua venin naa lepɛŋ le naa silala kɛndɛlan yɔngoo le, vanaa-tɛɛngaa-diom Hala-a bɛɛ venin naa lepɛŋ le naa sɔɛi Hala-e tɛɛngullo le. N kɔnnun mì n kɔ hɛɛndun ndu sɔɔn coo. N yaŋnun nilan o sɔɔn o vanin dimio-on te!»

Yeremi 6:14

A co boolɔnnda vanaa nia cɛw mɛɛ o bɛnda yɛ le, a co dimio aa: «Kɔlɲuloo! Kɔlɲuloo! Kɛ kɔlɲulu co le.

Yeremi 3:17

O telen kon, vannda vanin Yerusalɛm veeloo aa: ‹Kpɛŋɛ lemasa Mɛlɛka-o›. Vanaa-mangalaa-isɔɔa kpow cuungiannin ndon o diola ya Mɛlɛka lan. O kon a tosa lɛnin yiyannda vɔɔn kɔlta ndalan te.

Kundalan 11:20

Kɛ la co va mun dioo háá paangei ipilɛ. La lonin mun dioo háá mì n fula niaa o lamilin, mì kuisio bii niaa. Kani la ci Mɛlɛka co niaa tɛɛn-ndo ɲɛ-ɲɛ le, la cɛɛŋun ndu o lani mí la dimi aa: Le yɛɛ naa n faŋan yɛ Esipte?›»

1Tesalonikea 4:8

Lelan, vana-vana kɛɛ pɛ pɛɛkoo ho, o co vanaciee le o kɛɛ le, kɛ Hala, o co niaa Kɔl-Diandaa ndɔɔ keo-vo o kɛɛ lende ni.

Luke 10:16

Mí Yeesu dimul vɛlɛ kaandeŋaa ndɔa aa: «Vana-vana tuei pɛ niaa diom, mɛɛ ya o tuei diom ni, vana kɛɛ pɛ niaa, mɛɛ ya o kɛɛ ni. Nduyɛ, vana-vana kɛɛ ya pɛ, mɛɛ vana vem ya-o o kɛɛ lende ni.»

Cɛɛŋɔnnda Yeremi lan 2:14

Vunduma fondoan a còòlan daama vanaa-tɛɛngaa-diom Hala-a nɔmnda tɛɛngul nɔm ni. A cɔm nɔm haki nɔmndo vakpa haliko ma faŋa nɔm cɛlen kuee le. Còòlan sii nda pila toosiaa le nɔm huiyo ni.

Yeremi 7:24

Kɛ a tui ya diom te, a yeŋ nilan te, má del yiyanndan a tuula vɔɔnnda va o kɔlta ndalan nin-ndan kɔɔli, má muungu kɔɔli, a hiw laci le pɛ.

Yeremi 4:10

Mí yonda aa: «Éé! Maalii Hala, a kei vannda ha a Yerusalɛmnda baa o mundu, má dimul nda aa la sɔlanin kɔlɲuloo, nduyɛ, cɛɛluuo tuŋ mɔɛi cɔwve co nda ni.»

Esai 57:21

Hala nuu dimi aa: «Kɔlɲulu co le vanaa kɔlvesɛiya le».

2Samiɛl 12:10

Lelan, kandɔɔ sisa, mɔɛi cɔwve feŋan ndɛnin lɔ́ɔ́-lɔ́ɔ̀ o nɔm ndo cɛinin te, kani a pɛɛsa ya, má mulin vɛlɛ má cua lanɔɔ Uri Hitiinɔ, má siinguu ndu laa nɔm.

1Samiɛl 2:30

Lelan, Mɛlɛka Hala Israɛlla dimi aa: ‹A toɲa, mí yáà tuu le yungu fuɲa nɔm-ndo a polale nɔmnden siinguuo vanaa-solia-lasálàá le lɔ́ɔ́-lɔ́ɔ̀. Kɛ sisa, a cii dimi kpendekele maa o ve lɛnin lende le. Kani vanaa ke ya bɛɛlen-nda ya bɛɛ ke bɛɛlen ni, kɛ i tuisinin vanaa co ya yii luɛyɔɔ le-a siɛmbulan.

Malasi 1:6

Mɛlɛka-Nɔ-Kpaayaa-Kpow-vo dimi aa: «Poo bɛnda mò ke fuɲa ndɔ bɛɛlen, cɛɔ bɛɛ bɛnda mò ke vana ndɔ bɛndoo bɛɛlen. Vɛ̀ɛ̀ o co ya le co fuɲa niaa a vana niaa bɛndoo le? Kɛ le yɛɛ niko la co ya lebɛɛ ke le? La nɔ́ vɛlɛ siòòŋii ni le. La co ya ɲunaa aa: ‹Vɛ̀ɛ̀ naa n kɛɛ yɛ nɔm bɛɛlen ke?›

Sofoni 1:12

Paale len, i balunin Yerusalɛm mɛɛndianndo a tɛngɛla leyinndan. I co vanaa kɛɛ le kpeŋanndo ma vannun yili, mɛɛ kììyo cal o mɔiyan bɛngu nuaa yɛ-a soŋɔ̀ɔ̀ soŋɔ̀ɔ́ pila. Kani a co dimio aa: Mɛlɛka nɔla ɲɛ-ɲɛ tosa le, o va dɛnɛ kɛndɛ, o va o vɔɔn.

Esai 30:10

A co vanaa ca siɔdii lacio-a dimullo aa: «La tofa ɲɛ-ɲɛ le dɛ!» A co vanaa-tɛɛngaa-diom Hala-a dimullo aa: «La dimul naa toɲaa o diom Hala-o tɛɛnguuo nin te, la dimul naa sɔɔn lisa naa-on, la tɛɛngul naa vunduma lacòòvan!

Yeremi 18:12

Kɛ yiyannda ndala vɔɔnndan tuŋ nda co kɔɔli ni, a co vɛlɛ mulio aa: «Ken vil naa le, i naa n nɔ o kɔl-le naa n tosanin ni.»

Esekiɛl 13:19

La co ya bɛ̀ɛ̀lan ciiyo vanaa nia o hɔl le ɔrse baa ca a le bulula bingilan, mì la va yoomula vanaa bɛnda le piɔ́m sɔla le-a ciiyo, mì la va vanaa bɛnda le piɔ́mndo sɔlaa-a mɛiyo yoomu. La co vanaa nia còòlan dimullo, mì nda va còòla lan biyɔɔ.

Misee 2:11

Vanaa caa còòlan bɛɛndiaa, má va lan keiyo saŋɔɔ o hoeiye nin-nda cɛn pɛ a dimul nda aa: ‹La co hunɔɔ mɔiyan sɔla, mɔima nɛyaa-nɛyan pɛɛn.› Vanaa-tɛɛngaa-diom Hala-a vaa lende a bɛnda le vannda ha ni.»

Tɔŋ miingua 29:18

O niaa tɛɛn, te vanndo pum tuei pɛ sɔɔn kpeman yiinun mun a mɛnanndo-on, mò kuundian o kɔl ndɔɔ nin, mò dimi aa: ‹Kɔlɲuloo vanin le ya, hali i vanin bɛɛ kelaa mɛɛ kɔl nuu yeema yɛ›, mò luei vana celen o suunda soolaa n'piɔmndo nin,