Yeremi 23:16 - BII BILA

¹⁶ O Mɛlɛka-Nɔ-Kpaayaa-Kpow-vo dimi-o co hoo ni aa: «La yaŋnun sɔɔn vanaa-tɛɛngaa-diom Hala-a kalaa le, huiyo fúú nda co niaa ni. Sɔɔn nda co niaa dimullo-on, nda pila co mun yiyanndo ni. O co ya Mɛlɛka o ba le n fula le.

Yeremi 23:16 Referans Kwoze

Yeremi 14:14

Mí Mɛlɛka mulul-la aa: «Vanaa-tɛɛngaa-diom Hala-a kan co dimio aa o diola nilan nda co sɔɛi ni. Còòlan fúú. O co ya le vem nda le, i dimul nda ɲɛ-ɲɛ le, sɔɔn fondon fúú nda co dimio a siɔdii lacio o kɔɔ ni, sɔɔn nda pila toosiaa le vannda palaa-on daama ni.

Esekiɛl 13:6

A co vunduma lacòòvan cɔu a yoongula palaa n'vanndan tɛɛnguuo, nda kpede a co dimio aa: ‹Diom Mɛlɛka soo-o co hoo ni›. Nduyɛ Mɛlɛka vim nda le. A co vannda tiindanndo yɔngoo maa sɔɔn nda dimi-on peelunnin.

Matie 7:15

«La mandan a vanaa-tɛɛngaa-diom Hala-a lacòòvaa. A co hunɔɔ o niaa lo maa n'saa, kɛ lenin ndaa tunaa yondoa vɔɔn-vɔɔnda nda co ni.

Esekiɛl 13:3

Ɲɛ Maalii Hala dimi-o co hoo ni aa: Dɛnɛ palaa co le vanaa-tɛɛngaa-diom Hala-a pe lebol te-a, a co delɔɔ yiyannda ndalan kɔɔli hali mà ci ɲɛ-ɲɛ le-a.

1Nsaŋ 4:1

Caaŋaa nia hɛnan ya-a, la laalan kɔltan kpow le, kɛ la soli lan kɔlɔ mì la sina te Hala o ba la fula ni, kani vanaa-tɛɛngaa-diom Hala-a bɔɔ-bɔɔ a hin o ceendo coo.

Yeremi 23:21

I vim vanaa-tɛɛngaa-diom Hala-a kan te, ma va kɔlan a kiltan. I dimul nda ɲɛ-ɲɛ le, ma va kɔlan sɔɛi a diola nilan o sondo.

2Masaa 17:15

A yondal Mɛlɛka ndóò yondal nda kon-ndo kpede, má kɛɛ silala ndɔlan a kpema ndóò yiilu fuɲaa ndaa mamaa-o. Má mulin halaa fondoa sooloo. Lelan mí nda pila siŋnun vanaa fondoa, má del vanaa-mangalaa-isɔaa va icali nda ikɛi-ya kɔɔli o kelala ndalan nin, vanaa Mɛlɛka ndóò kuuna nda le delɔɔ kɔɔli-a pɛɛn.

Misee 2:11

Vanaa caa còòlan bɛɛndiaa, má va lan keiyo saŋɔɔ o hoeiye nin-nda cɛn pɛ a dimul nda aa: ‹La co hunɔɔ mɔiyan sɔla, mɔima nɛyaa-nɛyan pɛɛn.› Vanaa-tɛɛngaa-diom Hala-a vaa lende a bɛnda le vannda ha ni.»

Yeremi 23:26

Yɛɛ nɛ vanaa-tɛɛngaa-diom Hala-a ha nɔ yɛ o kɔl, ma co vannda còòlan dimullo? Sɔɔn nda pila co toosiaa-on. Háá lɔ́ɔ́ kuɛɛ ɲɔɔ lo yɛnin tosanndo lende?

Esekiɛl 22:28

Vanaa-tɛɛngaa-diom Hala-a ndɔa co ɲɛ-ɲɛ ka yikpaa a ɲɛ vana yikpa-o, a co vunduma fondoan cɔu, a co còòlan dimio a siɔdii lacio o kɔɔ, a co dimio aa: ‹Nuaa Maalii soo ni, Mɛlɛka pɛɛn!› Nduyɛ, o co ya Mɛlɛka le soo lende le.

Esekiɛl 13:23

La ci lɛnin vunduma lacòòvama man te. La dimi lɛnin sɔɔn co hunɔɔ yɔŋnɔn-ndon te, i baŋanin yungu nuu niaa o ba. O kon niaa sinanin ni maa ya co Mɛlɛka ni.

Esekiɛl 13:16

Vanaa-tɛɛngaa-diom Hala-a Israɛlla, a va diom Hala-o tɛɛnguuo a Yerusalɛm o kɔɔ-a, a va vunduan cɔu o ndu coo, mà va ndu dimullo aa kɔlɲuloo co, hali mi kɔlɲulu ve bɛɛ le-a, o pilɛ bɛɛ co lɛ le!› Sɔɛi fula Maalii Hala o sondo-e co ken ni.

Yeremi 29:8

O Mɛlɛka-Nɔ-Kpaayaa-Kpow-vo, Hala Israɛl-lo dimi-o co hoo ni aa: «La cɛl mì vanaa-tɛɛngaa-diom Hala-a co niaa tɛɛn-nda, vanaa dimi siɔdii lacio-a hiŋ niaa hɔlla le. La lúɛì lɔma niaa co sɔllo-an yii le.

Yeremi 9:20

«Kani piɔ́mndo hel o diola naala pɔmbɔlan, mó luɛi o cɛila naala sɔvɛlan nin. O co cuaambɔa biwvo o nɛilan coo, a felengia co o bɛ́ɛ̀lan-nda.»

Yeremi 2:5

Diom Mɛlɛka dimi-o co hoo ni aa: ‹Dɛnɛ vɔɔn yɛɛ fuɲaa niaa mamaa saalun yɛ o ya nin? Le kɔlɔ yɛɛ nɛ nda faŋan yɛ ya kɔɔli má kɔa ɲɛm fondo-fondon kɔɔli, mí nda pila siŋnun vanaa fondoa?›

Talelan 19:27

Po nuu, taa ve lɛ silaa tueyɔɔ le, mɛɛ a sinà lɛnin dɛnɛ le.

Rɔmnda 1:21

Kani ndáà síná Hala tɛ́ɛ́, kɛ a ke ndu biilu bɛnda le ndu Hala-o le, a mel ndu balika le. Mí yiyannda ndalan la luei nda o laasianndo nin, mí kɔlta ndala idiɔmndan la luei nda o ɲumndan nin.

Yeremi 9:12

Mí Mɛlɛka dimi aa: «Le tùú nda kɛɛ tɔŋ ni yáà yɔngu nda-o biyɔɔ-o, le tùú nda kɛɛ ya nilan yaŋɔɔ, má kɛɛ le diom nuu biyɔɔ-o.

Cɛɛŋɔnnda Yeremi lan 2:9

Mí koŋnda kobi kalaa la deli, mí la luɛi lɛŋ. Mí Mɛlɛka tɛɛmbuu sɔkɔma ndan. Masa ndɔɔ a simlacia ndɔa kpow a co a biyaa vanaa-mangalaa-isɔɔa o ba. Vana-vana co lɛ le vannda tɔŋndo pɛɛkoo le. Hali vanaa-tɛɛngaa-diom Hala-a, a co lɛ levundu cɔ fulaa Mɛlɛka o ba le.

1Masaa 22:11

Sedekia po Kenaana-o ndóò toosiaa leela n'cilinndan, mó dimi aa: «Mɛlɛka dimi maa a leelan ndan n kuindikuindinin vanaa cɔvaa Aramiia ni háá ma cii nda diw.»

2Dɛnnda lemasalan 18:5

Mí masa Israɛlla cuungiaa vanaa-tɛɛngaa-diom Hala-a ndɔa, a va le n'van kɛmɛ lehiɔɔlu, mó ɲuna nda aa: «Vɛ̀ɛ̀ i kɔ del Ramɔt co o tàndá Kalaad-o nin-ndo coo a cɔwvo baa i kɔa le?» Má mulul ndu aa: «Kɔ, kani Mɛlɛka malnin kobi kon nɔm o ba.»

Yeremi 29:23

Mààla nda co tosaa o lɛŋnde Israɛl-ten nin-ndan la co lan ni: a co suundaa a laandaa caanda, mà va còòlan dimio a ya o sondo. Nduyɛ, i vim nda le. I sina ken kpow, i co lesei.» Sɔɛi fula Mɛlɛka o sondo-e co ken ni.