Yeremi 23:14 - BII BILA

¹⁴ Kɛ vanaa-tɛɛngaa-diom Hala-a Yerusalɛm nda, mí ca maa dɛnnda lamààlan nda cal coo ni: a co suundaa, a co còòlan dimio, a co vanaa tosaa dɛnnda vɔɔnda simndan kɔɔli. Vana-vana co kɛɔ le dɛnɛ vɔɔndo malɔɔ. Nda kpow a muungu ya o hɔl maa vannda Sodɔm, hiyan kɛ́-kɛ̀ co vannda Yerusalɛm a haa Komɔr tɛɛn te.

Yeremi 23:14 Referans Kwoze

Yeremi 29:23

Mààla nda co tosaa o lɛŋnde Israɛl-ten nin-ndan la co lan ni: a co suundaa a laandaa caanda, mà va còòlan dimio a ya o sondo. Nduyɛ, i vim nda le. I sina ken kpow, i co lesei.» Sɔɛi fula Mɛlɛka o sondo-e co ken ni.

Esekiɛl 22:25

Vanaa-tɛɛngaa-diom Hala-a ndɔa co dúmbóó yiiyo o ndu nin maa yàlá co pɛɛliaa o ɲɛ o bii-o sɛɛsiaa-o, a o yoomula (vanndacieea) tɛɛmbuuo, o co ɲɛm sɔlan pilan a ɲɛm sɔvɛɔn poondiaa. O co vanlaandua taw-taw mɛiyo o vii piaandua nin o kobi kon nin.

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›

Yeremi 23:32

I co vanaa co kan vunduma fondoan cɔu-va ciŋilan.» Sɔɛi fula Mɛlɛka o sondo-e co hee ni. O còòla lan tombolaa nda luei vanaa nia o pɔwlan nin ni. Nduyɛ, i vim nda lekiila kɛ́-kɛ̀ le. I dimul nda ɲɛ-ɲɛ le. A co vanaa nia mako kɛ́-kɛ̀ soli le.» Mɛlɛka soo lende ni.

Yeremi 14:14

Mí Mɛlɛka mulul-la aa: «Vanaa-tɛɛngaa-diom Hala-a kan co dimio aa o diola nilan nda co sɔɛi ni. Còòlan fúú. O co ya le vem nda le, i dimul nda ɲɛ-ɲɛ le, sɔɔn fondon fúú nda co dimio a siɔdii lacio o kɔɔ ni, sɔɔn nda pila toosiaa le vannda palaa-on daama ni.

Tɔŋ miingua 32:32

Rɛsɛŋun ndan maa rɛsɛnndon Sodɔm n co ni, lɛŋnde rɛsɛŋun ndan tɔlnun coo len maa Komɔr le co ni. Bɔ̀tàá co o rɛsɛŋun ndan mun nin, kpɔ̀nyɔ̀la ndɔlan lollo kélélé.

O Kandɔɔ 18:20

O kon, mí Mɛlɛka dimul Abraham aa: «Caŋnda vannda co a kɔlvesɛi yungoo Sodɔm a yungoo Komɔr o sondo lan la co labɔɔ. A hiw bɔɔ laasianndo a yɔŋ vɔɔndo.

Matie 11:24

Lelan mì dimul niaa, paale kialaa iyamalen, sɔɛi niɛi hiawnin ikalu a sɔɛi Sodɔm-nde.»

Sofoni 3:4

Vanaa kuundiannda a vanaa yiyaa ladúmbúa vanaa tɛɛngaa-diom-Hala-a ndɔa co ni. Vanaa-solia-lasálàà ndɔa co ɲɛ siŋnun teengen le Hala-o lebɛɛ ke le, a co tɔŋndo tɛɛmbuuo.

Yeremi 20:16

Màá vana kon siŋnun maa kobila Mɛlɛka tɛɛmbuu ɲíí bii ndu le lan! Màá o tuei caŋnda imɔnɔlan idiiyo, mò tuei yondala cɔwlan a paalen o pol!

O Kandɔɔ 13:13

Nduyɛ, vanaa laasiannda yungoo Sodɔm va ni. Yɔŋ vɔɔndo pila nda va tosaa a Mɛlɛka ni.

Dɛnnda cɔɔmuanndan 22:15

Kɛ nduyɛ vanaa tosaa dɛnnda vɔɔnda, vanaa mangalaa, vanaa tosaa dɛnnda nɔɔlɛiya, vanaa diuvaa n'vannda, vanaa soolaa n'piɔmnda a vana-vana kaola còòlan mo co lan dimio, nda lueinin te few.

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

Dɛnnda cɔɔmuanndan 11:8

Mà lo a vílɛ́iya o falii kobi bɛndoo, o nda veelu o letale nin aa Sodɔm a Esipte-o, lon kpeekpei nda baŋ vana nda bɛndoo o yɔm singafilaa coo ni.

Yude 1:7

Lende koni, vannda Sodɔm, haa Komɔr a vanaa va o kobilaa balu lan-ndan nin-nda tosa ni, má vow balan o dɛnnda nɔɔlɛilan nin, a o kelala suundɛila vɔɔn-vɔɔnndan nin. Mí Mɛlɛka tɛɛmbuu vanaa kan kpow o yinnde fɛɛn-fɛɛn nden nin, mí ken va maa sila le vana-vana.

2Piɛr 2:6

Hala yaala kobilan Sodɔm a Komɔr le lan tɛɛmbuuo, mó mingi lan pultan, mí ken va silaa le vanaa hun sinanin Hala le-a,

1Timote 4:2

A delnin vanaa muuluannda a vanaa lacòòvaa kɔɔli, mà laasian. Vanaa kan yɛ, yiyannda ndalan la co maa mɛɛ ciliŋii tuwve i tɛɛmbuu ɲɔɔ nuaa yɛ.

Malasi 1:1

Sɔɛi lusulɛi Mɛlɛka soo o Israɛlla lo a sondo Malasi-o-e.

Esekiɛl 13:16

Vanaa-tɛɛngaa-diom Hala-a Israɛlla, a va diom Hala-o tɛɛnguuo a Yerusalɛm o kɔɔ-a, a va vunduan cɔu o ndu coo, mà va ndu dimullo aa kɔlɲuloo co, hali mi kɔlɲulu ve bɛɛ le-a, o pilɛ bɛɛ co lɛ le!› Sɔɛi fula Maalii Hala o sondo-e co ken ni.

Yeremi 23:17

Vanaa co ya mamɔɔ-a co dimio aa: ‹Mɛlɛka dimi aa kɔlɲuloo vanin le niaa ni.› Vanaa co kan yiyannda nda pila lan kínɛí tolɔɔ kɔɔli-a co dimio aa: ‹Dɛnɛ palaa komalnin niaa le.›

Yeremi 18:13

Lelan o Mɛlɛka dimi-o co hoo ni aa: «La ɲuuniaa lɛŋnde kɔɔli-kɔɔli. Kabi vana tui dɛnnda vaa nuaa le! Dɛnɛ Israɛl tosa-o, dɛnɛ lamàà kpeekpei o co ni.

Esai 9:15

Vanaa co vanaa Hala-a simndan laci-a co nda lueiyo o pɔwlan nin, vanaa co yɛ cɛlɔɔ mi vannda va nda simndan laci-a co nda pila laasianndo.

Yeremi 23:22

Te ndáà va pɛ nɛɛ ya va sɔɛi-ya, a va vanaa nia sɔɔn ya dimi-on tɛɛngul, mì ndáà faŋa nda o nɛi nda vɔɔndo coo, mì ndáà mal dɛnnda vɔɔnnda nda co tosaa lan.»

Yeremi 36:2

«Cɔnɔnndo o paale Yosia len háá hau, sɔɔn kɛ́-kɛ̀ ya cɔm nɔm a Israɛl, a Yuda a á vanaa-mangalaa-isɔɔa kpede o kɔɔ, cua sɛbɛ simbulaa mà sɛva mun lecoo.

Yeremi 49:18

Ɲɔɔ yɔŋnunnin mɛɛ kpundɛ tɛɛmbuu Sodɔm a Komɔr a kobilaa balu ndu sɔ́ lan yɛ. Vanndo pilɛ bɛɛ kue lɛnin calle lon te, vanaciee yoomaa bɛɛ kue lɛnin ndon te.

Esekiɛl 13:19

La co ya bɛ̀ɛ̀lan ciiyo vanaa nia o hɔl le ɔrse baa ca a le bulula bingilan, mì la va yoomula vanaa bɛnda le piɔ́m sɔla le-a ciiyo, mì la va vanaa bɛnda le piɔ́mndo sɔlaa-a mɛiyo yoomu. La co vanaa nia còòlan dimullo, mì nda va còòla lan biyɔɔ.

Osee 6:10

I ce dɛnnda vɔɔn-vɔɔnndan Israɛlla tɛɛn: cuavaa-imamaa Efraim-nda co pɛngi suundaa le. Israɛlla co nɔɔlianndo pila.

Amɔs 4:11

Mí hiiluu niaa vooku-vooku mɛɛ ya hiiluu kobio Sodɔm a kobio Komɔr mí tɛɛmbuu lan yɛ. Niaa, mí la yɔŋnun vɔngɔɲɔn maa kili nda soli o yin-ndo. Kɛ a kon kpow, la mùùngú ya o ibuŋ te. Ya Mɛlɛka soo nuaa ni.

Sakari 13:2

«Mɛlɛka-Nɔ-Kpaayaa-Kpow-vo soo aa: ‹O palɛi ken nin, i ɲuminin diola piɔmnda kpow o lɛŋnden nden nin. O kon vana loonun ndɛnin a nda o kɔɔ le. I faŋanin vɛlɛ vanaa siingun nda pila vanaa-tɛɛngaa-diom Hala-a a kɔl dɛnɛ nɔɔlɛiyo o lɛŋnden nden nin.

O Kandɔɔ 19:24

O kon mí Mɛlɛka tuisi fungoo a yinnde bɛndu-bɛndulen o kobio Sodɔm a o kobio Komɔr coo, mí yinnde len le va fulaa o Mɛlɛka lo, o halataala, mí le va siaa nda coo maa piɔɔ.

O Kandɔɔ 19:25

Mó tɛɛmbuu kobila lan a cieon va o tàndà kon nin-ndon kpow. Mí vanndacieea a yondo puiyaa va o tàndà kon nin-ndo cuu ŋɔ selemenden.

Yeremi 29:21

O Mɛlɛka-Nɔ-Kpaayaa-Kpow-vo, Hala Israɛl-lo dimi a Akab po Kolaya-o, a Sedekia po Maaseya-o, a co kan niaa còòlan tɛɛngullo o diola nilan-nda-o co hoo ni: «I mal nda Nebukanɛsar masaa Babilɔn o ba, o lɔanin nda mà vi niaa o hɔl.»

Cɛɛŋɔnnda Yeremi lan 4:6

Tɛɛmbuula vanaa nia la hiow levɔw a dɛnnda vɔɔnnda vannda Sodɔm tosa lan. Vana-vana hol nda ba le, má tambu o biɔŋɔɔ lepilɔɔ.

Misee 1:5

Mun kpow n yɔŋnun le yɔŋnda vɔɔnnda cuavaa Yakɔb-a, a le hakila yungu Israɛl-lo. Nɛ̀ɛ́ vem yɛ Yakɔb Mɛlɛka simullo? Vɛ̀ɛ̀ o co Samari le? Nɛ̀ɛ́ vem yɛ Yuda balan lueiyo o piɔmnda sooloo? Vɛ̀ɛ̀ o co Yerusalɛm te?