Yeremi 23:12 - BII BILA

¹² «Lelan nɛi ndaa culukunin ni. A kuindiannin o ɲumndan nin mà deli. Vɔsi ya mululunnin nda-o, i co nda dɛnɛ palaa tuisi coo.» Sɔɛi fula Mɛlɛka o sondo-e co ken ni.

Yeremi 23:12 Referans Kwoze

Yeremi 13:16

La biilu Mɛlɛka Hala niaa, lɔ́ɔ́ pá o hun tuisi ɲumndan, lɔ́ɔ́ pá niaa kandu boŋio o pembun co o ɲumndan nin-ndon. La va ɲɛ-tengaa kɔl, kɛ mó mangala ndu ɲumma bɛnduan, mó mingi ndu maa piɔɔ helaa.

Yeremi 11:23

Vɔsi ya cannin le vannda Anatɔt dɛnɛ palaa tuisio coo-o, vana-vana helunnin o nda tɛɛn te.»

Talelan 4:19

Kɛ maa maɲum nɛi vanaa kɔlvesɛiya co ni. À sinà ɲɛ nda keinin koondan mà del-lo le.

Condii lisai 35:6

Màá mɛlɛkanɔ Hala-o tow nda mì nɛi ndaa siŋnun nɛi maɲumndo a nɛi vana siɛɛliaa coo-o!

Nsaŋ 12:35

Mí Yeesu dimul nda aa: «Ɲɛ-tengaa co vɔ niaa tɛɛn le telen bingi. La balu pɔɔ telen niaa nɔ ɲɛ-tengaa-o, haliko ɲumndan ma voolu niaa le: kani vana co balɔɔ o ɲumndan nin-ndo sina nɛɛ o co kɔlan-nda le.

Esai 8:22

O kon kɔɔli, a tuisinin hɔlla lɛŋ, kɛ tofa vɔ, mɔnɛi, ɲumndan a sangaa kposon vanin ni. A ɲindunin nda o ɲumma tiŋitiŋian nin.

Condii lisai 73:18

A toɲa, a simi nda o nɛila vana siɛla coo lan coo, má yàà nda o tambei nin.

Fulaa 32:34

Lelan, tol ma kɔɛ a vannda ha o fonda ya dimul nɔm le kɔlan a nda-o. Mɛlɛkanɔ nuu vanin kɔlan nɔm laci. Kɛ paale pum, i kɔɔsanin a nda, mì soŋ nda le haki nda tosa-o.»

Yude 1:13

Maa mɛmma ihɛlma biiŋuanma co hiiyo solio-an nda co ni, lende sɔɔn lasiɛmbun nda co tosaa-on co ni. Maa loeon tɛnda coocoo mi n faŋan o fondala ndalan ndon nda co ni, Hala mandal nda ɲumma bɛnduan le fɛɛn a fɛɛn.

1Nsaŋ 2:11

Kɛ te vanndo nɔ pɛ nɛyɔn puapilɛ ndɔɔ, mɛɛ o ɲumndan nin ndu co ni, o ɲumma man nin o co kelaa ni, o sínà nɛɛ o co kɔlan-nda le, kani ɲumndan ma cii ndu suumiaa.

Misee 7:4

Vana hiow vaa fisa o nda tɛɛn-ndo, maa yɔm n'yɔɔn ndu co ni. Vana hiow nda sandei-yo, maa bɔ̀ɔ̀ n'yɔ ndu co ni. Paale dɛnɛ palaale niaalen le tiiya nuaa ni, paale kpalilaa niaa dimi len, vanaa-tɛɛngaa-diom Hala-a pɛɛn. La co nihau a kɔl isiòòndo.

Yeremi 50:27

La kɔ a vanaa cɔvaa ndaa caa cɔwvo taw-va o fonda nda diw cɔlua-o, mà diw nda kpow. Àá taanin, telen ndaa tiiya fɔ. Mɛlɛka tosanin dɛnɛ a nda.

Yeremi 48:44

«Vana ɲaanunnin a siòònde-o, ndu kɔ delnin o soondo nin. Te o kindin pɛ mò fula, o kɔ hawnin o yaŋɔɔlen. Lende ya tosanin a Moabua o vɔsi ya ɲunanin nda konaa-o ni.» Sɔɛi fula ya Mɛlɛka o sondo-e co ken ni.

SƐBƐ YƆB-O 18:18

A faŋanin ndu o ɲɛ-tengaa, mà ɲindu ndu o ɲumndan nin. À toawnin ndu mà faŋa ndu o ceendo coo.

Tɔŋ miingua 32:35

Ya co vana mingiaa màá ni, ya sala vanndo le ɲɛ o tosa-o ni. Tuma nda boŋnin-ndo, ya saalanin nda ni. Kani paale dɛnɛ palaalen le co nin le tiiyaa nda coo. Dɛnɛ palaa kelun le nda-o tamalanin le tolɔɔ nda coo le.

Condii lisai 82:5

Kɛ la sina ɲɛ-ɲɛ le, la bii vɛlɛ ɲɛ-ɲɛ bila le, la co kelanndo iyuumu-yuumuei o ɲumndan nin. Lelan, lɛŋnden le co ɲiiyaa o tumndo dí.

Cɛɛŋɔnnda Yeremi lan 2:20

Mɛlɛka, tofa vɔ ma ce. Nɛ̀ɛ́-nɛ̀ n tosal-lɛ nin dɛnɛ vaa nuaa? Vɛ̀ɛ̀ ndóò bɛnda pá mì vanlaandua ndáà de cuavaa ndaa nda velu-a? Cuavaa nda kaola haa kaola bɛndoo-a. Vɛ̀ɛ̀ ndóò bɛnda pá mi ndáà diw vanaa-solia-lasálàá a vanaa-tɛɛngaa-diom Hala-a o cɛi-kola-toandaa diandaa Mɛlɛka-o nin?

Yeremi 8:12

Siɛmbulan láà bɛnda mì láà bii nda le dɛnnda nɔɔlɛila nda co tosaa lan. Kɛ siɛmbulen bɛɛ le co nda le, a kɛɛ lan pɛ. Lelan a delnin nda vanaa bɛnda le delɔɔ-a latulu, a boŋnin mà del o telen ya lɔanin nda-o». Sɔɛi fula ya Mɛlɛka o sondo-e co ken ni.