Yeremi 23:11 - BII BILA

¹¹ Hali vanaa-tɛɛngaa-diom Hala-a a vanaa-solia-lasálàá a vow balan o laasiaa nin. Háá o cɛi nuu nin, foofola dɛnnda ndala vɔɔnndan la co lon.» Sɔɛi fula Mɛlɛka o sondo-e co ken ni.

Yeremi 23:11 Referans Kwoze

Sofoni 3:4

Vanaa kuundiannda a vanaa yiyaa ladúmbúa vanaa tɛɛngaa-diom-Hala-a ndɔa co ni. Vanaa-solia-lasálàà ndɔa co ɲɛ siŋnun teengen le Hala-o lebɛɛ ke le, a co tɔŋndo tɛɛmbuuo.

Yeremi 6:13

Kani kandɔɔ a cuaambɔ hiow dɔɔnanndo nda tɛɛn-ndo, kɔ bii a kaasonɔ hiow nda faw-vo, nda kpow, vana-vana nɔ hɔlten tɔnɔ ndɔ ndu pila-o kɔɔli. Kandɔɔ a vanaa-tɛɛngaa-diom Hala-a, kɔ bii a vana-solia-lasálàá, nda kpow vanaa lakafaa kposon.

Esekiɛl 23:39

Paale nda va poaa ndaa sálàá solio o piɔmaa ndaa lo len, má kɔ luɛi vɛlɛ o cɛi-kola-toandaa ni diandaa nin le ndu nɔɔliaa. Ken nda tosa o cɛi nuu tɛɛn déŋ ni.

Yeremi 32:34

Má kɛsi ɲɛm lamáánndon o cɛi diola nilan la co veelɔnndo nin-ndo nin le ndu nɔɔliaa.

Esekiɛl 8:16

Mó luɛi a ya o bɛ́ɛ̀ lenin Cɛi-Mɛlɛka-o nin, o Cɛi-Mɛlɛka-o sondoo, o tongo-sɛmtɔɔ a fonda-loamaa-lasálàá tɛɛn. Mí ca langbaa bidiin a à ŋuɛɛnu, a mulul Cɛi-Diandaa kɔɔ, má muli hɔlla a ba paalen le can-ndo, a va vula baŋaa a kpengii paalen le can-ndo le paalen sooloo.

Yeremi 11:15

Yɛɛ vana ni ya kaola taw-vo co yɛ hunɔɔ tosa o cɛi nuu nin? O co hiovɔɔ laci tuŋ a dɛnnda vɔɔnndan kuiyo. O nɔ ko o kɔl aa yoei o co baa o ya lo-e a visin sálàn o co ya keo-von n nɔla ndu dɛnɛ palaa cii kuee. O ca kaa ken solinin ndu o dɛnɛ palaa nin ni?

Yeremi 8:10

Lelan, i co laandaa ndaa malɔɔ vanaa celen o ba, mì mal ciɛɔn ndan vanaa hialunin mun-nda o ba. Kani kandɔɔ a cuaambɔɔ, kɔ bii háá a kaasonɔɔ, nda kpow vana-vana co fafaláà le ɲɛ-sɔlaa. Kandɔɔ a vana-tɛɛngaa-diom Hala-o, kɔ bii a vana-solia-lasálàá, nda kpow a vow balan o kafalan nin.

Yeremi 7:30

Le tùú vannda Yuda tosa ɲɛ bɛnda ya Mɛlɛka o hɔl too, sɔɛi fula Mɛlɛka o sondo-e co hee ni aa: A luei dɛnnda ndala nɔɔlɛilan o cɛi ni diola nilan la co veelɔnndo nin-ndo nin, le ndu nɔɔliaa.

2Dɛnnda lemasalan 36:14

Mí simlacia va vanaa-solia-lasálàá a vannda bollen-nda bɛɛ a luɛinun o pɔwla bɛndu-bɛndulan nin maa mɛɛ vanaa-mangalaa-isɔɔa ndáà tosa dɛnnda nɔɔlɛilan yɛ. Má luɛi dɛnnda lamààlan tosaa o Cɛi-Mɛlɛka-o nin. Cɛi kon yɛ, Mɛlɛka pila ndóò dindi ndu Yerusalɛm le ndu pila ni.

Esekiɛl 8:11

N'van belaŋɔmmɛw o vanaa kɔlkalua Israɛlla tɛɛn a va isisi piɔmaa kan o hɔl, Yaasania po Safan-ndo va isisi nda tɛɛn. Vana-vana óò nɔ bonyii fuusɛi o ba, kumii bɛndu-bɛndui ansan va ŋɔu o bonyun mun nin-nde va helɔɔ coocoo tukpe-tukpe.

Esekiɛl 7:20

Má kuundian le bolofaa sɔvɛ bɛndu ndáà nɔ-o, má cɔaw piɔmaa lamàà a ɲɛm ndan nɔɔlɛin mun. Lelan ya bɛɛ siinguunin ɲɛm mun ɲɛm nɔɔlɛiyon le laasian ndaa ni.

Yeremi 23:15

Lelan o Mɛlɛka-Nɔ-Kpaayaa-Kpow-vo dimi a vanaa-tɛɛngaa-diom Hala-a kan-ndo co hoo ni aa: «I co nda mɔnɛi miɔɔ ma de ndi, mì koesi nda bɔ̀tàá. Kani nda vanaa-tɛɛngaa-diom Hala-a Yerusalɛm tosa ni, mí dɛnɛ vɔɔndo tiw o lɛŋnden nin kpede.»

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

2Dɛnnda lemasalan 33:7

Má sel ndu piɔmndo, mó cua piɔm sialaa kon, mó kɔ luei ndu o Cɛi-Hala-o nin. Nduyɛ mí Mɛlɛka ndóò dimul David nda Salomɔn po ndɔ aa: «O Cɛiyo ho a o kobio Yerusalɛm nin ya vanin le lɔ́ɔ́-lɔ́ɔ̀ ni. Kobio ho ya hɛli o kobila polama Israɛlla tɛɛn ni, lon ya vanin vannda cɔmnɔnndo lɔ́ɔ́-lɔ́ɔ̀ ni.

2Dɛnnda lemasalan 33:5

Mó cɔaw máánndan o bɛ́ɛ̀la tiɔnnda Cɛi-Hala-o nin le ɲɛm pangelen co o halataala-on kpow biiloo.

Yeremi 50:6

Maa kunda saa laasiɛi vanaa niaa va ni. Vanaa va nda mandaa-a ndáà hiŋ nda hɔlla ni, má mal nda laasianndo o pembon a o buubuuon coo ba-ba fee, má pɔɛɛnun hee ndaa.

Cɛɛŋɔnnda Yeremi lan 2:20

Mɛlɛka, tofa vɔ ma ce. Nɛ̀ɛ́-nɛ̀ n tosal-lɛ nin dɛnɛ vaa nuaa? Vɛ̀ɛ̀ ndóò bɛnda pá mì vanlaandua ndáà de cuavaa ndaa nda velu-a? Cuavaa nda kaola haa kaola bɛndoo-a. Vɛ̀ɛ̀ ndóò bɛnda pá mi ndáà diw vanaa-solia-lasálàá a vanaa-tɛɛngaa-diom Hala-a o cɛi-kola-toandaa diandaa Mɛlɛka-o nin?

Ɛsdras 10:18

O polama vanaa-solia-lasálàá nin, vanaa ndáà yil laandaa mangalaa isɔɔa o nɔ̀lan-nda va haa ni: o polale Yosue po Yosadak-o len coo a o polama puapilɛa ndɔa coo, má saalun Maseya, Eliesɛr, Yarib a Kedalia,

Esekiɛl 44:10

Le leviaa faŋan o vali nuu nin, má kɔa ya levil telen Israɛlla va laasianndo, má mulul-la kɔɔ le kɔlan piɔmaa ndaa sooloo-a yɛ, yɔŋ vɔɔn ndaa toalnin nda coo.

Sofoni 3:3

Simlacia co o kobi kalaa nin-nda, maa yàlàá co pɛɛliaa-a nda co ni, vanaa kialaa n'yamaa co lon-nda, maa tunaa yondoa dia icɔl pii-a nda co ni, idii niko a nɔ lɛ ɲɛ nda sɔam te.