Yeremi 23:10 - BII BILA

¹⁰ «Lɛŋnden le pɛ a vanaa co suundaa-a. Le co o mɔnɛi nin le dangala pɛ len coo lan. Billo vesan o vɔ̀lɛ́la co o lɛŋnden nin-ndan kpede. Le kɔlan dɛnɛ vɔɔndo tosaa nda caa kiltan ni, le dɛnnda niŋ te lan nda fula diallon ni.

Yeremi 23:10 Referans Kwoze

Condii lisai 107:34

mò mingi lɛŋnde tɔlɔɔlan la naŋ nin-nden lɛŋnde ihɛlten, te vanaa co o lɛŋnden coo-a kela pɛ kela vɔɔnndo pɛɛn.

Yeremi 9:10

I minginin Yerusalɛm bémbélan kposon, mì siinguu ndu buulula tunaa yondoa. I tosanin mì kobilan Yuda la lo fondo, vana-vana venin lenin te.»

Yeremi 9:2

«Maa kpaasiaa diɛɛmui ndɛi co ni, o co o dɛnɛ sandaa tosaa nin te nda sul n'masa le, a kafalan kposon nda co masalen tosaa ni. A sina vɛlɛ ya le, hiyanndo tuŋ nda co a dɛnɛ vɔɔndo tosaa ni.» Sɔɛi fula ya Mɛlɛka o sondo-e co ken ni.

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Esai 24:6

Lelan dangaa co lɛŋnde kalalen hulɔnndo coo ni, vanaa co o lɛŋnden coo-a co sangaa sɔlaa le hakila ndalan, lelan nda co cuuo nuaa kpede ni, a pilɛn-pilɛn daama nda co lou ni.

Nsaki 4:4

Éé niaa vanaa laasiannda ha! Vɛ̀ɛ̀ la co sina le maa, yeemɛi ceendo ho i siinguu vana yaamɔɔ Hala-o ni? Lelan, vana yeema pɛ le vaa caaŋoo ceendo, ndu siŋnun yaamɔɔ Hala-o.

Hebreea 13:4

Vannda kpede bɛnda mà ke nɔu bɛɛlen, mì vanaa co o nɔ̀u nin-nda, vana-vana lo o lediom coo a vanndo pilɔɔ vellaa-velle. Kani Hala kialunin yamɛi vanaa laasiannda a vanaa suundaa.

1Timote 1:10

le vanaa tosaa dɛnnda nɔɔlɛiya a vanaa co laasianndo-a, le vanaa co yulale n'cɛlen-nda, le vanaa co còòlan dimio-a, le vanaa co mɛɛniannda lacòòvalan-nda a le vanaa-vanaa co pɛɛku toɲaa simullo.

Yɔɛl 1:10

Ciɛɔn cuu itambu, lɛŋnden le luɛi kɔsɔ, kani maalon tambu, mɔima n'rɛsɛmma sɛnɛiyan ma co lɛ le. Hali cuɛilen tue bɛɛ le co lɛ le.

Yeremi 14:2

«Vannda Yuda co o mɔnɛi nin, kobila ndalan la co yɛɛvɔɔ dɔwnɔnndo, a co a hɔlaa yiyaa icali lɛŋ. Yerusalɛmnda co koŋullo, mì diom ndaa va kɔlan háá o halataala.

Yeremi 7:9

La co vuilen, vannda diwvo, suundaa, la co mɛɛniannda fondolan, la co Baal sálàlan solullo, la co kɔlan halaa celen kɔɔli, a niaa sina le-a!

Tɔŋ lasálàá 5:1

«Te vanndo ce pɛ dɛnɔɔ pum o tosanndo, te kon te mò sina sɔɛi pum, mà veelu vannda le seilen tɛndaa a dɛnɛ kon o kɔɔ, kɛ mò kɛɛ le kɔlan seile len tɛndaa, mɛɛ hakio o tosa ni, sanga haki ndɔɔ vanin ndu pila o lebol.

Esai 5:18

Dɛnɛ palaa co le vanaa co a yiyaa a hakio o còòlan dimio-a! A co yɔŋ vɔɔndo nanɔɔ a yoei maa yoei soa nan ɲɛla ɲaanannda ndalan-nde-a.

Yeremi 9:12

Mí Mɛlɛka dimi aa: «Le tùú nda kɛɛ tɔŋ ni yáà yɔngu nda-o biyɔɔ-o, le tùú nda kɛɛ ya nilan yaŋɔɔ, má kɛɛ le diom nuu biyɔɔ-o.

Yeremi 12:11

A toɲa, a siinguu lɛŋnde len lɛŋnde dɛnɛ palaalen. Le cuu itambu kpede ya o hɔl, le dɔwnun yɛɛvɛ kpede, vana-vana co muli le.»

Osee 7:4

Nda kpow vanaa suundaa nda co ni. Maa cɛi loamaa bulu vana loamaa buloo hiw tuuloo-o nda co ni. Kandɔɔ tuma o lindà kpeyanndo-vo, háá mì kpeyan kalaa cuu helɔɔ, vana loamaa buloo tofa lɛ cɛi loamaa buloo le.

Ɛsdras 10:18

O polama vanaa-solia-lasálàá nin, vanaa ndáà yil laandaa mangalaa isɔɔa o nɔ̀lan-nda va haa ni: o polale Yosue po Yosadak-o len coo a o polama puapilɛa ndɔa coo, má saalun Maseya, Eliesɛr, Yarib a Kedalia,

Yeremi 6:13

Kani kandɔɔ a cuaambɔ hiow dɔɔnanndo nda tɛɛn-ndo, kɔ bii a kaasonɔ hiow nda faw-vo, nda kpow, vana-vana nɔ hɔlten tɔnɔ ndɔ ndu pila-o kɔɔli. Kandɔɔ a vanaa-tɛɛngaa-diom Hala-a, kɔ bii a vana-solia-lasálàá, nda kpow vanaa lakafaa kposon.

Sofoni 3:4

Vanaa kuundiannda a vanaa yiyaa ladúmbúa vanaa tɛɛngaa-diom-Hala-a ndɔa co ni. Vanaa-solia-lasálàà ndɔa co ɲɛ siŋnun teengen le Hala-o lebɛɛ ke le, a co tɔŋndo tɛɛmbuuo.