Yeremi 23:1 - BII BILA

¹ Mí Mɛlɛka dimi aa: «Dɛnɛ palaa vanin o bɔɔ. Simlacia vanaa nia co cɔlua malɔɔ ɲawvo, ma va laasianndo ba-ba fee.»

Yeremi 23:1 Referans Kwoze

Yeremi 10:21

Diɔmnda simlacia yɔŋnun ni, a ɲuna Mɛlɛka le, lelan nda dema dɛnɛ ni, mí cɔlua ndaa lakundaa sɛŋin kpow.

Esekiɛl 13:3

Ɲɛ Maalii Hala dimi-o co hoo ni aa: Dɛnɛ palaa co le vanaa-tɛɛngaa-diom Hala-a pe lebol te-a, a co delɔɔ yiyannda ndalan kɔɔli hali mà ci ɲɛ-ɲɛ le-a.

Matie 9:36

Ndóò cɔu sɛ́lɔ́ɔ́, mí ɲííye bii ndu a nda, kani a va a sangaa taw, má vu diallon maa saa nɔ vana mandaa le-a.

Yeremi 22:22

Hoeiye co simlacia nɔmnda kpede kɔndɔɔ. A kɔanin a sámáá nɔmnda o biyɔɔ nin, siɛmbulan la biinin nɔm mà kiolu vai le dɛnnda vɔɔnnda n tosa lan.

Yeremi 12:10

Vanaa mandaa n'cɔlua sɛ́lɛ́a a tɛɛmbuu nakɔ n'rɛsɛn nuu, a nɛw ciɛi nii kɛndɛ-kɛndɛi, má mingi ndi lɛŋnde veselɛile imɔnɔ len.

Yeremi 50:6

Maa kunda saa laasiɛi vanaa niaa va ni. Vanaa va nda mandaa-a ndáà hiŋ nda hɔlla ni, má mal nda laasianndo o pembon a o buubuuon coo ba-ba fee, má pɔɛɛnun hee ndaa.

Yeremi 2:8

Vanaa-solia-lasálàá ɲuna le aa: ‹Kuɛɛ nɛ Mɛlɛka co yɛ?› Vanaa nɔ tɔŋndo o ba-a sina ya le, simlacia luɛi nila kalulan tosaa a ya, mí vanaa-tɛɛngaa-diom Hala-a muungu sɔɛi o diola piɔmndo Baal-tan, mí nda kpow a del ɲɛm fondon kɔɔli.

Nsaŋ 10:12

Kɛ vana co saa mandaa le ɲɛ-sɔlaa-o, ndu co vana mandaa n'saa kpeekpei le, o co ndu le nɔ saa le. O ce pɛ tun yondoo hunɔɔ, o ɲaanun, o mɛi saa. Tun yondoo kɔ tol nda coo, o puusiaa nda.

Nsaŋ 10:10

Le ciimbuuo, diwvo a tɛɛmbuuo daama vuiyo ndu hun ni. Ya ya, i hin haliko mi saa sɔla yoomoo, mà sɔla ndu taw-taw.

Yeremi 23:2

Lelan sɔɛi fula Mɛlɛka Hala Israɛlla o sondo le simlacia kan-nde co hee ni aa: «La mal cɔlua nia ma laasian ba-ba fee, la hendu nda hɔlten coo le. Ya bɛɛ, i co niaa mululɔn le dɛnnda niaala vɔɔnndan.

Matie 15:14

Lelan la mɛi nda lon, vanaa sumɛyaa co kɔlan a vanaa sumɛyaa celen-nda nda co ni. Te vana sumɛiyo see yɛ pɛ vana sumɛiyo tindaa, nda ŋiɔn kpow a kɔ del o soondo nin.»

Esekiɛl 34:31

Niaa saa nia, niaa saa co o hòóla nilan nin-nda, vanndacieea niaa co ni, ya co Hala niaa ni. Ya Maalii, ya co Mɛlɛka-o soo nuaa ni.»

Esekiɛl 34:21

Kani la ɲindu saa mɛsɛlɛiya kpow a lungbun niaan a congúla niaalan, mí la kundu nda a leela niaalan háá mì la sɛŋi nda o bɛ́ɛ̀.

Yeremi 2:26

Maa mɛɛ siɛmbulan la bii vuiyo telen nda bii ndu-o yɛ, lende koni la biinin Israɛlla ni: nda pila, masaa ndaa, simlacia ndaa, vanaa-solia-lasálàà ndaa a vanaa-tɛɛngaa-diom halaa ndaa.

Nsaŋ 10:8

Vanaa hin ya tase-a kpow, vuiya a vanaa del vannda coo-a nda co ni, kɛ saa yeŋnun nda le.

Yeremi 13:17

Te la yeŋ nilan o kanalanndo ho le, i caŋnin o vionnɔnndo nin le yonga niaa bɛndoo. Hɔlta nilan la tuisinin mɛmɛan taw-taw, kani a co kɔlan a kunda cɔlua Mɛlɛka-a o biyɔɔ nin.

Esekiɛl 36:38

Kobila co lapiɔlɛilan-ndan la pianin a sɛ́lɛ́ bɛndu vanndacieea. A vanin sɛ́lɛ́ maa cɔlua sálàá, maa cɔlua vannda kɔa Yerusalɛm ciee o kafolan coo-a. O kon vannda sinanin maa ya co Mɛlɛka ni.

Esekiɛl 34:1

Mí Mɛlɛka soaa o ya lo, mó dimul-la aa:

Sakari 10:3

Lelan, i tuulu kɔl taw a vanaa mandaa n'saa, i co simlacia sangaa tuisi coo. Kani ya Mɛlɛka-Nɔ-Kpaayaa-Kpow-vo, i nɔ yiyanndo saa nia kundaa coo, polale Yuda len pɛɛn. I co nda siinguu maa so ni latɔ́ɔ́-tɔ́ɔ́ le kɔlan cɔwvo tosaa.