Yeremi 22:9 - BII BILA

⁹ O kon má mulul nda aa: ‹Le baŋɔɔ vanaa va lenin-nda a baŋ vulan halaa celennda o labɛngunin, má sooluu nda, má tɛɛmbuu kpema va nda tɛɛn nda Mɛlɛka Hala ndaa-o ni.›»

Yeremi 22:9 Referans Kwoze

2Dɛnnda lemasalan 34:25

Kani a mulul ndu kɔɔ ma va sálàla cuɛima cun kɛndɛlan lomɔɔ le halaa celennda. A tɛɛmbuu ya kɔllo a dɛnnda nda co tosaa lan kpow. Lelan kɔl ni tuwvo toalnin o fondaa ho coo ni. Nduyɛ, o ɲum ndɛnin le lɔ́ɔ́-lɔ́ɔ̀ le.›

2Masaa 22:17

Le tùú vannda ha mulul-la kɔɔ, má va halaa celen sálàla cuɛima cun kɛndɛlan solullo-o, le tùú nda co ya kɔllo tɛɛmbuuo a ɲɛm nda cɔw a laba-on-ndo ya tuulu kɔl a kobio ho ni. Nduyɛ kɔltuw nuu ɲululnin te.

Yeremi 50:7

Vanaa kɛ́-kɛ̀ komal pɛ nda, a del nda coo a diw nda kpow, a dimi aa: «N tosa sɔɛi vɔɔn te, kani hakio vannda ha tosa a Mɛlɛka ni, nɛɛ cindaa co-a pɛɛn, o fuɲaa ndaa mamaa ndaa tiindan-ndo.

1Masaa 9:8

Kɔndɔfili bɛndoo biinin vanaa vanin keiyo o Cɛi bɛndu sɔvɛɔ ho ikɛi-ya kpow, mà dimi aa: ‹Ko le yɛɛ kpeekpei Mɛlɛka soli yɛ mɔnɛ vaa nuaa a vannda ha a á Cɛiyo ho?›

Yeremi 9:13

Le tùú nda del yiyannda ndala nda pila lan kɔɔli, má kɔa halaa Baal-la kɔɔli, maa mɛɛ fuɲaa ndaa mamaa pɛɛku nda yɛ-o,

Yeremi 11:3

‹Diom Mɛlɛka, Hala Israɛlla dimi-o co hoo ni aa: Dɛnɛ palaa co le vana kon, o kɛɛnin le sɔɔn kpemaa ho yaŋnɔnndo-o,

Yeremi 16:11

O kon a mululnin nda aa: Sɔɛi fula Mɛlɛka o sondo-e co hee ni aa: ‹Kani fuɲaa niaa mamaa kɛɛ ya, má yiinun a halaa celen, má baŋ nda vulan o labɛngunin, má sooluu nda. Ya niko, má mal-la, a bii pɛɛkuula nilan te.

Esekiɛl 5:15

A vanin fonda tambu labɛɛ-o, a fonda vannda co mamɔɔ-o. A siŋnunnin tɔɔmaseloo a ɲɛ luei vana siòònde-o le vanaa-mangalaa-isɔaa balu nɔm-nda. Kani i peelunin sangala ya tuu lan kpede nɔm coo a kɔltuwvo, mí peelu lan vɛlɛ a kɔltuwvo. I soaŋnin nɔm a kɔl tambɛiyo.

Esekiɛl 12:16

Kɛ o nda tɛɛn, i mɛinin vannda a pum yoomu, a hialunnin mɔɛi cɔwve, mà cinda a yima fofolan a á nàà n'kɔnyaa-a, haliko mà kɔ downun vanaa-mangalaa-isɔɔa nda kɔanin tɛɛn-nda kona, mà cɔm nda dɛnnda nɔɔlɛila ndalan kpow. O kon, vanaa kan bɛɛ a sinanin maa ya co Mɛlɛka ni.»

Esekiɛl 14:23

A ɲululnin niaa kɔltan lɔ́ɔ́ niaa canin káà ndaa a dɛnnda ndalan-ndo. O kon, la biinin bila maa o co fondo fúú le ya tuisi Yerusalɛm sangala lan kpow coo le. Sɔɛi fula Maalii o sondo-e co ken ni, Mɛlɛka pɛɛn!»

Esekiɛl 39:23

O kon, vanaa-mangalaa-isɔɔa sinanin maa hakilan cuavaa Isaɛlla tosa ni, lelan nda kɔɛ a nda o biyɔɔ nin ni. Le kɛɛ nda kɛɛ le lou o diomnden coo a ya-o ya bɛɛ faŋal nda hɔlaa nia ni. Mí mal nda yaamɔaa ndaa o ba, haliko ma cuu vu kpede o mɔɛi cɔwve bɛngu.

Tɔŋ miingua 29:24

O kon, a mululnin nda aa: ‹Kani kpema Mɛlɛka, Hala fuɲa ndaa mamaa yii a nda, mó mɛnalan nda telen o soli nda Esipte-o-o nda mal ni.

Yeremi 11:10

A muungun o dɛnnda vɔɔnnda fuɲaa ndaa mamaa kɛɛ le sɔɔn nun biyɔɔ-a coo, má mulin halaa celen kɔɔli le nda sooloo. Israɛlla a Yudaa tɛɛmbuu kpema yáà yii a fuɲaa ndaa mamaa-o.