Yeremi 22:8 - BII BILA

⁸ Vanaa-mangalaa-isɔaa bɔɔ-bɔɔ a keinin kobio ho ikɛi, mà ɲuunian nda pila tɛɛn aa: ‹Le kɔlɔ yɛɛ kpeekpei Mɛlɛka tosa yɛ dɛnɛ vaa nuaa a kobi bɛndoo ho?›

Yeremi 22:8 Referans Kwoze

Daniɛl 9:7

Nɔm Maalii, a sandu. Naa vanaa fula Yuda, Yerusalɛm a Israɛl kpow-va, siɛmbulan la bii naa maa o paalen-nden nin. Siɛmbulan la co le naa vanaa co a sɛŋiannda o lɛŋnde nin macɛlu a levil-la. Kani le sandii naa lepɛŋnde, má toaw naa, mí n sɛŋin o lɛŋii ken nin.

Cɛɛŋɔnnda Yeremi lan 4:12

Masaa co o lɛŋnden coo-a a vanaa co o ceendo coo-a kpow a laalan te maa yaamɔɔa ndáà keinin o diola kpakio, mì ndáà luɛi Yerusalɛm.

Yeremi 16:10

«Lɔ́ɔ́ n dimulnin vannda ha sɔɔn mun kpow-vo, bɔɔle a ɲunanin nɔm aa: ‹Le yɛɛ nɛ Mɛlɛka co yɛ naa dɛnnda palaala bɛndula vaa lende kpow tuisi coo? Dɛnɛ vɔɔn yɛɛ naa n tosa yɛ? Haki yɛɛ nɛ naa n tosa yɛ a Mɛlɛka Hala naa?›

Yeremi 40:2

Lɔ́ɔ́ pá mí Yeremi kɔa, mí bolle kpalilla veelu ndu, mó dimul ndu aa: «Mɛlɛka Hala nɔmndo ndóò cii nin sɔɛi dɛnɛ palaa ho dimi.

Esekiɛl 5:15

A vanin fonda tambu labɛɛ-o, a fonda vannda co mamɔɔ-o. A siŋnunnin tɔɔmaseloo a ɲɛ luei vana siòònde-o le vanaa-mangalaa-isɔaa balu nɔm-nda. Kani i peelunin sangala ya tuu lan kpede nɔm coo a kɔltuwvo, mí peelu lan vɛlɛ a kɔltuwvo. I soaŋnin nɔm a kɔl tambɛiyo.

Esekiɛl 12:16

Kɛ o nda tɛɛn, i mɛinin vannda a pum yoomu, a hialunnin mɔɛi cɔwve, mà cinda a yima fofolan a á nàà n'kɔnyaa-a, haliko mà kɔ downun vanaa-mangalaa-isɔɔa nda kɔanin tɛɛn-nda kona, mà cɔm nda dɛnnda nɔɔlɛila ndalan kpow. O kon, vanaa kan bɛɛ a sinanin maa ya co Mɛlɛka ni.»

Esekiɛl 14:23

A ɲululnin niaa kɔltan lɔ́ɔ́ niaa canin káà ndaa a dɛnnda ndalan-ndo. O kon, la biinin bila maa o co fondo fúú le ya tuisi Yerusalɛm sangala lan kpow coo le. Sɔɛi fula Maalii o sondo-e co ken ni, Mɛlɛka pɛɛn!»

Esekiɛl 39:23

O kon, vanaa-mangalaa-isɔɔa sinanin maa hakilan cuavaa Isaɛlla tosa ni, lelan nda kɔɛ a nda o biyɔɔ nin ni. Le kɛɛ nda kɛɛ le lou o diomnden coo a ya-o ya bɛɛ faŋal nda hɔlaa nia ni. Mí mal nda yaamɔaa ndaa o ba, haliko ma cuu vu kpede o mɔɛi cɔwve bɛngu.

Yeremi 40:3

Mí Mɛlɛka peelu ɲɛ ndóò dimi-o, kani la cua hakio a Mɛlɛka, mí la kɛɛ ndu diom. Lelan hee co niaa coo ni.