Yeremi 22:6 - BII BILA

⁶ Diom Mɛlɛka dimi a cɛi lemasaa Yuda-o co hoo ni aa: ‹A naŋ bɛɛ ya o hɔl maa bundɛlan Kalaad, te kon te maa tul pembon Liban, kɛ i co nɔm mingi lɛŋnde veselɛilen, kobi vannda piow-vo.

Yeremi 22:6 Referans Kwoze

Esai 6:11

O kon mí ɲuna aa: «Háá telen kuɛɛ nɛ, Maalii?» Mó muli aa: «Háá telen kobilan la tambunin, mì vanaciee ve lɛ icali lenin too, háá telen cɛilan la lonnunnin fondo mì lɛŋnden le lo yolɛ, mi le siɔŋ-ndo,

Condii lisai 107:34

mò mingi lɛŋnde tɔlɔɔlan la naŋ nin-nden lɛŋnde ihɛlten, te vanaa co o lɛŋnden coo-a kela pɛ kela vɔɔnndo pɛɛn.

Misee 3:12

Le dɛnnda niaala lan, Siɔn vaanunnin maa iciɛɛ, Yerusalɛm siŋnunnin bémbélan kposon, mì pembii Cɛi-Hala-o i siŋnun yondoo.»

Esai 27:10

Kani kobi mayoomoo lonin fondo fúú, o siŋnunnin fonda vannda piow-vo, o siŋnunnin fonda malnun-ndo maa lɛŋnde veselɛilen. Navaa téndéa vanin billo dioo lon, a vanin hinilan pɛngio lon ma va lɛwvon sɔmndo.

Yeremi 26:18

«O telen Esekia va masalen tosaa Yuda-o, vana-tɛɛngaa-diom Hala-o pum va, diolan Misee, fulaa Moresɛt. Mí ndóò dimul vannda Yuda kpow aa: O Mɛlɛka-Nɔ-Kpaayaa-Kpow-vo dimi-o co hoo ni aa: ‹Siɔn vaanunnin maa iciɛɛ, Yerusalɛm siŋnunnin bémbélan kposon, mì bɔɔla n'yɔɔlan la vil o pembii Cɛi-Hala-o co coo-e coo.›

Yeremi 9:11

Ɔ́ɔ̀ vana nɔ kɔlkaloo le dɛnndan ndan bilaa biyɔɔ-o? Vana sondo Mɛlɛka-o dimul sɔɔn mun-ndo, o yonda mun! Le yɛɛ lɛŋnden le tambu yɛ, mí le ŋɔa maa lɛŋnde veselɛile vana-vana kei nin te len?

Yeremi 7:34

I kuunanin kɔlkɛndɔɔ a ɲaaloo o kobila Yuda lan nin a o nɛilan Yerusalɛm coo, mì kuuna condun cuaa laandua soli le vanaa nda yeema-a-on a n poaa piaandua bɛɛ soli le a nda yeema-a-on, kani lɛŋnden le muungunin bémbélan kposon.»

O Kandɔɔ 37:25

O kon kɔɔli, má cal le ɲɛdiaa dioo. Mɛɛ nda heelu hɔlla, má ca Ismaɛlla hunɔɔ nɔnnde bɛndulen nɛɛ levil, a va fulaa o tàndá Kalaad-o nin. Ɲɛm cun kɛndɔn pum va ɲɔɔmɛaa ndaa o lakɔɔ: kɔm, bom a mir. A va kɔlan a mun o lɛŋnde Esipte len nin.

Yeremi 22:24

Ya Mɛlɛka i co yoomu! Sɔɛi fula ya o sondo-e co hee ni aa: «Hali Konia po Yokim masaa Yuda-o ndóò va bɛɛ kelɛi sui lemasɛi vana vownun o ba kɛndɔɔ-e, i va ndi solin o isu.

Yeremi 21:14

Sɔɛi fula Mɛlɛka o sondo-e co hee ni aa: «I simulnin niaa mɛɛ dɛnnda niaalan la co yɛ, mì mal bundɛla niaalan yin, mì yinnden le lom bundɛla lan balɔɔ sɔ́.»

Yeremi 21:11

Mà dimul yungu masaa Yuda-o aa: «La yaŋnun diom Mɛlɛka-o!

Yeremi 4:20

Sɔɔn dɛnɛ palan tuŋ nda co hiyanndo dimio ni, kani lɛŋnden kpow le cuu itambu, cɛila-kolala-toandaala nilan la tambu o lepilɔɔ, mí kuula nilan la tambu o biɔŋɔɔ lepilɔɔ.

Condii kɛndɛ-kɛndɛi 5:15

Vana ca ko pelun ndɔn aa sungbuma nda cɔw a pow humboo-an ni, ma nda tɔl tumndan o sianin diandan nin-ndan pɛɛn. Vana ca ko hɔlaa ndɔa aa pembon Liban ni. O naŋ bɔɔ maa yɔm sɛɛdre.

Tɔŋ miingua 3:25

Lelan, a yandi, cɛl mì taŋ peo Yurdɛn le lɛŋnde kɛndɛle co leeloo lon-nden cɔu a lehɔl, le tàndá n'pembu kɛndɛ kon a lɛŋnde Liban-nden cɔu.›

Kundalan 32:1

Cuavaa-imamaa Rubɛn-nda a cuavaa-imamaa Kad-a ndáà nɔ cɔlua taw-taw. Má ca maa tàndá Yaesɛr-o a tàndá Kalaad-o láà bɛnda le cɔlua mandaa.

Condii kɛndɛ-kɛndɛi 4:1

«A naŋ bɔɔ, nɔm caan ni laandoo, a naŋ bɔɔ hɔlla! Vana ca ko hɔlta nɔmndan o kola vaan-vaan n kuumbun o lebol-lo bɛngu aa poonpoonda ni. Vana ca ko yiiŋii nɔmnde aa cuinaa kundaa co pembei Kalaad tolɔɔ a kiltan ni.

Yeremi 50:12

Siɛmbula bɛndulan la bii kala niaa, kala velu niaa-o tambu labɛɛ, lɛŋnde niaalen le siŋnun lɛŋnde mɛɛlaa len lɛŋii tɔ̀ɛi tɛɛn, le siŋnun lɛŋnde veselɛilen, lɛŋnde cundu len.»

Sakari 11:1

«Niaa vanaa co Liban-nda, la kumbi diola niaalan, mì yinnden le luɛi, mì le lom yɔmii sɛɛdrei.

Esai 37:24

A yei Maalii a sondo vanaa nɔmaa baalaa, a dimi aa: Ya Sanekerib, i hel o pembon tullo a ɲɛla ɲaanannda nila soa nan-ndan kunda bɛndoo. I hel o pembei Liban mɛɛlulan, mí kialu yɔmii Sɛɛdrei ndɔɛi hiow bandei-ye a yɔmii Siprɛsii ndɔɛi hiow naŋɔɔ-e. I tiiyanin o tul ndɔ hiow bandei-yo bollen a o bundɛ ndɔ kàlà-kálàá mɛɛlulan.

Yeremi 4:7

Yàlàá huulu mó fula o bɛ̀mɛ́lta ndɔlan nin, vana tɛɛmbua vanaa-mangalaa-isɔɔa cɛn hunɔɔ, o mal o ndu lo mó can hunɔɔ le lɛŋnde niaalen yɛɛvɔɔ dɔvɔɔ, kobila niaalan la co piɔl mì vannda pew.

Yeremi 8:22

Vɛ̀ɛ̀ kooma cɛvaa ma co Kalaad le? Vɛ̀ɛ̀ vana dɔavaa ladanda co lɛ lon te? Le yɛɛ nɛ vanaa nia co niko siongɔ̀ɔ̀ sɔla le?