Yeremi 22:5 - BII BILA

⁵ Kɛ te la yeŋnun sɔɛi ya dimul niaa hee-e le, i mɛnan o diola nilan, sɔɛi fula ya Mɛlɛka o sondo-e co hee ni, cɛi lemasaa ho siŋnunnin bémbélan.›»

Yeremi 22:5 Referans Kwoze

Amɔs 6:8

«Maalii, o co Mɛlɛka-o mɛnan a ndu pila, ɲɛ Mɛlɛka, Hala-Nɔ-Kpaayaa-Kpow-vo dimi-o co hoo ni aa: ‹Yonga cuavaa Yakɔb-a tɛɛmbuu ya kɔllo, i yeema lɛ cɛila ndala lemasalan te. Lelan, i co hunɔɔ kobio Samari a ɲɛm co lenin-ndon malɔɔ yaamɔɔa o ba.

Hebreea 6:13

Lɔ́ɔ́ Hala yiilu Abraham kpemaa-o, mó mɛnalan ndu o diola ndɔla ndu pila lan, kani vana celen co le, o hiow ndu Hala-o, haliko mi ndóò mɛnan o diola vana kon.

Yeremi 17:27

Kɛ te la yeŋ ya nilan te, te la luei paale pɛngiaalen yii mì la manda len le ya le, te la cua pɛ volɔɔlan o paale len coo, mì la kei a lan o diola Yerusalɛm-ndan, i malnin kobi kalaa yin, mì cɛila ndɔla kɛndɛlan la ŋɔɛ, nduyɛ le ɲumnin te.»

O Kandɔɔ 22:16

mó dimul ndu aa: «I mɛnan o diola nilan, ya Mɛlɛka co sɔɛi ni, kani á tuŋ ya po nɔm pilɔɔ le. Le tùú n tosa kon-ndo,

Yeremi 39:8

Mí Babilɔn-nda loam cɛi masaa a cɛila vannda. Má komba kpaki va Yerusalɛm balɔɔ-o.

Esai 1:20

Kɛ te la simul-la pɛ mì la siŋnun vanaa nila kalua, mɔɛi cɔwve co niaa cii diw kpede. Ya Mɛlɛka o sondo sɔɔn mun co fulaa ni.»

Hebreea 6:17

Lende koni o tosan a Abraham ni. Cuavaa ndɔa imamaa ndáà bɛnda mì ndáà sɔla ɲɛm Hala ndóò yiilu ndu kpemaa-on. Ndóò yeema le nda cɔmndo vakpa maa o mangalanin diom ndɔɔ lɔ́ɔ́-lɔ́ɔ̀ le, lelan o mɛnan o kpemaa yiiyo ni.

Hebreea 3:18

Hala cii mɛnan aa: «Le fɛɛn a fɛɛn, a lueinin o lɛŋnde ya toosial nda pɛngio len nin te few.» Le nɛ̀ɛ̀aa o mɛnan yɛ lende? Vɛ̀ɛ̀ o co le vanaa bii sɔɛi ndɔɛi le-a le?

Misee 3:12

Le dɛnnda niaala lan, Siɔn vaanunnin maa iciɛɛ, Yerusalɛm siŋnunnin bémbélan kposon, mì pembii Cɛi-Hala-o i siŋnun yondoo.»

Condii lisai 95:11

O kon mí mɛnan a kɔl tambɛiyo aa: A lueinin o lɛŋnde ya toosial nda le pɛngio len nin te few.›»

2Dɛnnda lemasalan 7:22

O kon vannda mululnin nda aa: ‹Le tùú nda mulul Mɛlɛka, Hala fuɲaa ndaa mamaa kɔɔ-o hee yɔŋnun nda ni, o soli nda o lɛŋnde Esipte len nin-ndo pɛɛn. A mulul ndu kɔɔ, má yiinun a halaa celennda, má baŋ vulan nda o labɛngunin, má sooluu nda. Lelan Mɛlɛka tuisi nda sangalan ndan kpow coo ni.›»

2Dɛnnda lemasalan 7:19

Kɛ te la mulul-la pɛ kɔɔ, mì la bìí tɔŋnda nilan a silala ya yɔngu niaa lan te, te la sooluu pɛ halaa celennda, mì la baŋ vulan nda o labɛngunin,

Matie 23:38

Lelan, cɛi niaa lonin fondo fúú.

Yeremi 26:4

Má dimul nda aa: Nuaa Mɛlɛka dimi ni aa: ‹La tuei ya diom, la kela o sɔɔn ya pɛɛku niaa-on coo,

Yeremi 44:26

Lelan, niaa Yudaa co icali o lɛŋnde Esipte len nin-nda kpow, la yaŋnun diom ya Mɛlɛka co niaa dimullo-o: I cii mɛnan o diola nila bɛndu lan maa o lɛŋnde Esipte len nin kpow, vanaa-vanaa fula Yuda, vana-vana bɛnda lɛ mo pɛl-la diolan o mɛnanndo, mò dimi le aa: «Le Maalii Hala yoomaa.»

2Dɛnnda lemasalan 7:21

Kɔndɔfili bɛndoo biinin vanaa sinà Cɛi bɛndu-bɛndu sɔvɛɔ ho-a, mà ɲunan aa: ‹Ko le yɛɛ nɛ Mɛlɛka tosa yɛ a lɛŋnden nden a á Cɛi-Hala-o ho nuaa?›

Yeremi 12:7

«I mal cɛi nuu, i faŋa balan o kɛ́ nuu. I mal vanaa yáà kaola haa taw-va yaamɔaa ndaa o ba.