Yeremi 22:30 - BII BILA

³⁰ O Mɛlɛka dimi-o co hoo ni aa: «La sɛva po kon maa o nɔ hɔ́ɔ́ le, vana sangan fúú o ceen ndɔɔ nin-ndo. Vana pilɛ bɛɛ fulanin o yungu ndɔɔ nin, mò koma cal o kpɛŋɛ lemasa David-o nin te, o kɛ́-kɛ̀ tosanin masalen o tàndá Yuda-o coo le.»

Yeremi 22:30 Referans Kwoze

Yeremi 36:30

Lelan diom Mɛlɛka dimi le Yehoyakim masaa Yuda-o co hoo ni aa: Vana-vana fulanin o yungu Yehoyakim-ndo nin mò cal o kpɛŋɛ lemasa David-o coo le. Dialun ndɔn vílɛ́iyon n vanin vɛlɛ n malaa, mì paalen le lɔɔ mun ipala, mì hoeiye lɔɔ mun icɔl.

Condii lisai 94:20

Yɛɛ co yɛ nɔm tɛɛn niaa vanaa kialaa n'yamaa kɔlta vesɛiya ha, a co haa tɔŋnda nɔmndan malɔɔ ma va caanda kuɛi tuisio coo-a?

Yeremi 10:21

Diɔmnda simlacia yɔŋnun ni, a ɲuna Mɛlɛka le, lelan nda dema dɛnɛ ni, mí cɔlua ndaa lakundaa sɛŋin kpow.

Yeremi 2:37

Lon bɛɛ, a balan o lebol niaa fulanin ni, kani Mɛlɛka kɛɛ vanaa niaa tiindan-nda, la sɔlanin vɛlɛ mala nda o ba le.»

Yeremi 22:2

Má dimi aa: ‹Nɔm masaa Yuda co icali o kpɛŋɛ lemasa David-o coo-o yaŋnun sɔɛi Mɛlɛka-e, i co vɛlɛ le simlacia nɔmnda a le vannda kpow, a kɛ́-kɛ̀ kei o diolan ndan le luɛyɔɔ o cɛi lemasaa ho nin.

Yeremi 29:32

ɲɛ Mɛlɛka dimi-o co hoo ni aa: ‹I co Semaya fula Nehelam-ndo a cuavaa ndɔa imamaa kuel, vanndo pilɛ bɛɛ lonin icali o yungu ndɔɔ nin, mò ce dɛnɛ kɛndɛ ya tosalnin vanaa nia-o le›. Sɔɛi fula Mɛlɛka o sondo-e co ken ni. Kani ndu tosa ni mì vanaa niaa simul-la, Mɛlɛka dimi lende ni.›»

Yeremi 52:10

Ribla lon koni o dii poaa Sedekia-a fuɲa nda o hɔl ni, a simlacia Yudaa kpow.

SƐBƐ YƆB-O 18:19

Hɔ́ɔ́ ndɔ pilɛ bɛɛ lonin le polale ndɔlen hivio laci le, vana-vana lonin o yungu ndɔɔ nin te.