Yeremi 22:23 - BII BILA

²³ A connun icali yili o ba nɔmndo coo Liban, má tangul vɛɛnnde nɔmnden o yɔmii sɛɛdrei tullo. Kɛ a ŋɔnganin telen ɲɛ nɛyaa voolunin nɔm-ndo, telen n vanin sangaa maa vanalanɔ co violɔɔ-o.»

Yeremi 22:23 Referans Kwoze

Yeremi 6:24

«Naa n tueyɔɔ nda diom, mí diallon vu naa. Mí n buulan taw-taw, mí n sanga mɛɛ vanalanɔɔ sanga o violɔɔ yɛ.

Yeremi 22:6

Diom Mɛlɛka dimi a cɛi lemasaa Yuda-o co hoo ni aa: ‹A naŋ bɛɛ ya o hɔl maa bundɛlan Kalaad, te kon te maa tul pembon Liban, kɛ i co nɔm mingi lɛŋnde veselɛilen, kobi vannda piow-vo.

Habakuk 2:9

Dangaa co le niaa! La co ɲɛm pilan cɔwviaa a kafalan le kɔlan cɛila niaalan tangullo nɛɛ kɛndɛ-kɛndɛa yɔŋii dɛnɛ palaa komal niaa.

Abdia 1:4

Hel bɛɛ coocoo maa kovɛ, ma kɔ tangul vɛɛnnde nɔmnden o loeon tɛɛn, i co nɔm tuisi ma del lɛŋ.» Sɔɛi fula ya Mɛlɛka o sondo-e co ken ni.

Amɔs 9:2

Taa ɲaanun pɛ mà kɔ luɛi ciee-piɔ́m, ba nuu kɔ solinin nda lon pó! Taa hel pɛ o halataalaa nin di-di, i tuisinin nda cili!

Osee 7:14

A co veelu a kɔlta ndalan kpow le. Nda yɛ, a co somisominndo o kpelela ndala hinialan coo. A co diallon tɛɛndianndo le maalon a le mɔima sɛnɛiyan sɔlaa. Lende nda co ya kɔlan levil ni.

Osee 5:15

«I co lakɔ mì muungun o calta nilan háá mà sina maa a cua hakio, mà nuwviaa ya le muungoo ya o ibuŋ. Taa va pɛ o kuɛi nin, a co cɔnɔn ya nuwviaa.»

Yeremi 49:16

La co vannda kpow vueinɔnndo, a co yiyanndo maa nɔm hiow vannda kpow ni. Kɛ nɔm pila daama co palanndo ni. La co icali o tɛɛngun powta kpovalan nin, mì la va o fondala feke-fekelan. Kɛ hali heelu bɛɛ calta nɔmndan mì la hiow vɛɛnnde kovɔ́ɔ̀ helɔɔ, i tuisinin nɔm mà tiiya lɛŋ dí.» Sɔɛi fula Mɛlɛka o sondo-e co ken ni.

Yeremi 48:28

Niaa Moabua, la mal kobilan mì la kɔ cal o powta kpovalan coo. La tuula piiŋaa tangul vaaŋii ndɛi nɛɛ feke-fekea o buululan coo-a.

Yeremi 21:13

I bii niaa tɛɛ, niaa vanaa co o bóllo nin, a o pow bandílá co o dɛngbɔɔ nin-nda pɛɛn. Kani la co dimio maa vana hinnin mò del naa coo a cɔw le, vana lueilunin naa le.›»

Yeremi 3:21

Diomndo co tueinɔnndo o pembon coo: ‹cuavaa Israɛlla co caŋndo a tɛɛlɔnndo ni, kani a mal nɛi kɛndɔɔ, má pɔɛɛnun ya Mɛlɛka Hala ndaa.

Kundalan 24:21

Mɛɛ o ce Keniia, mó dimi aa: «Niaa Keniia, calta niaalan la co lakala poŋ, vɛɛŋii niɛi co itangulɛi o pow kpovaa coo.

Esekiɛl 17:3

Dimul nda aa nuaa Maalii, o co Mɛlɛka-o dimi ni aa: ‹Kovɛ bɛndoo pum cɛn ni, ndóò nɔ kumbannda bɛndulan a bɔɔla vilɛilan, bɔɔla ndɔlan la va lapooɲɛilan, mó kɔa háá Liban, mó kɔ sungu yɔm sɛɛdre bollen.