Yeremi 22:22 - BII BILA

²² Hoeiye co simlacia nɔmnda kpede kɔndɔɔ. A kɔanin a sámáá nɔmnda o biyɔɔ nin, siɛmbulan la biinin nɔm mà kiolu vai le dɛnnda vɔɔnnda n tosa lan.

Yeremi 22:22 Referans Kwoze

Sakari 11:17

Dɛnɛ palaa co le diɔm sondo vesɛi mandaa n'saa, o mal saa ndɔa-o! Màá mɔɛi cɔwve sɛɛsiaa ndu congoo, mì i pɛl ndu hɔlte ba kɛndɛlen! Màá congú ndɔɔ vu lekɛ́ndɛi! Màá hɔlte ndɔle ba kɛndɛlen le muungu tɔ́liɔ̀!»

Osee 13:15

Cuavaa-imamaa Efraim-nda, ndáà pɛlnun ladio puapilɛa ndaa tɛɛn. Kɛ hoeyii cɛn a ba paalen le can-ndo-e co hunɔɔ, hoeyii Mɛlɛka-e co cɔnɔnndo o lɛŋnde veselɛilen nin, mì va heeloo. I veesiaanin peela lebolta cuavaa Efraim-nda, mì soonnda kólaala ndalan la vela. Bolofaa ndaa a ɲɛm vɔngu ndan báà kalan cuannunnin mì n kɔɛnnun.»

Yeremi 12:10

Vanaa mandaa n'cɔlua sɛ́lɛ́a a tɛɛmbuu nakɔ n'rɛsɛn nuu, a nɛw ciɛi nii kɛndɛ-kɛndɛi, má mingi ndi lɛŋnde veselɛile imɔnɔ len.

Yeremi 10:21

Diɔmnda simlacia yɔŋnun ni, a ɲuna Mɛlɛka le, lelan nda dema dɛnɛ ni, mí cɔlua ndaa lakundaa sɛŋin kpow.

Yeremi 20:11

Kɛ nɔm Mɛlɛka co ya ikɛi, a co cɔlɔbaa le ya a kpaayaa. Lelan vanaa co ya yɛlen tollo-a boŋnin, a nɔlanin tosaa mɛɛ nda yiyan a ya yɛ le. Siɛmbulan la biinin nda le bumba nda bumbanin ya-o. Siɛmbula lan la vanin nda lɔ́ɔ́-lɔ́ɔ̀, vana-vana pɔɛnunnin a lan o kɔɔ le.

Esai 64:6

Hali lepilɛ vana pilɛ bɛɛ co nɔm diolan piɔlɔɔ le, vana-vana co tiondɔɔ mò holnun nɔm te. Kani a vin naa hɔlaa nɔmnda mà mal naa kɔsɔɔ luɛyɔɔ le tɛɛmbuula naalan.

Sakari 11:8

O paangei ndii pilɛ bɛngu, mí toaw vanaa mandaa n'cɔlua yáá-a. O kon kɔɔli, i nɔla biuvɔnndo a saa le. Saa kan bɛɛ, mí dɛnɛ nuu fula nda iyeema.

Osee 4:19

Felen-felenndo co nda kɔndɔɔ mì siɛmbulan la bii nda le sálàla ndalan.»

Yeremi 2:37

Lon bɛɛ, a balan o lebol niaa fulanin ni, kani Mɛlɛka kɛɛ vanaa niaa tiindan-nda, la sɔlanin vɛlɛ mala nda o ba le.»

Yeremi 2:8

Vanaa-solia-lasálàá ɲuna le aa: ‹Kuɛɛ nɛ Mɛlɛka co yɛ?› Vanaa nɔ tɔŋndo o ba-a sina ya le, simlacia luɛi nila kalulan tosaa a ya, mí vanaa-tɛɛngaa-diom Hala-a muungu sɔɛi o diola piɔmndo Baal-tan, mí nda kpow a del ɲɛm fondon kɔɔli.

Esai 65:13

Lelan, nuaa Maalii Hala soo ni aa: La tuei-yɔ, vanaa niaa baalaa vanin ɲɛdiaa dioo, niaa niaa, yiaan ma vanin niaa nɛiyo, vanaa niaa baalaa vanin kolɔɔ. Kɛ niaa, la vanin a bolola vesɛilan, vanaa niaa baalaa nda vanin ɲaaloo dɔwnɔnndo, kɛ niaa niaa, siɛmbulan la vanin niaa coo.

Yeremi 4:30

Éé nɔm kobi nda cii hoo tɛɛmbuu-o, vɛ̀ɛ́ n tosa yɛnin? A co volɔɔla siaŋala vólotótolan vownɔnndo, mà va kelan n'sianion vownɔnndo. Vɛ ma suinun ɲɛ tiŋi ŋɛlɛngi-ŋɛlɛngio o hɔltan coo? Fondo fúú n co kɛɛmian kon ni, sɔɛi nɔmnde nɛinun sámáá nɔmnda, a yeema le yoomu nɔmndo ciiyo.

Yeremi 5:13

Hoeyii fondoei fúú vanaa-tɛɛngaa-diom Hala-a co ni, o co Hala le co sɔɛi o nda lo le. Màá i yɔŋnun nda mɛɛ nda co dimio yɛ!»

Yeremi 7:19

Sɔɛi fula Mɛlɛka o sondo-e co hee ni aa: «Mò va maa ya nda co pala ni? O co siɛmbula nda pila lan te nda co dovi kon te?»

Yeremi 30:14

Vanaa ndáà yeema nɔm-nda kpow a pɔɛɛn nɔm, a buulan ndɛ le nɔm te. Kani i lɔɔ nɔm maa yaamɔɔ. I tosa iɲíí a nɔm le nɔm mingio o nɛi le, kani tɛɛmbuula nɔmndan la va sɛ́lɛ́, tɛɛmbuula nɔmndan láà vɔw bɔɔ.

Osee 12:1

«Cuavaa-imamaa Efraim-nda balu ya a còòlan, cɛi Israɛllo balu ya a sɔɔn lakafan. Polale Yuda len le co vɔ ya Mɛlɛka kɔɔli, kɛ le co vɛlɛ halaa celennda sooloo.

Yeremi 2:36

Le yɛɛ nɛ niaa co yɛ keleŋa bɛndoo ho le kela niaa mangalaa? Siɛmbulan la biinin niaa a Esipte maa mɛɛ la bii niaa a Asiri yɛ.