Yeremi 22:21 - BII BILA

²¹ Telen n ve a buulan kɛ́-kɛ̀ loo, mí soaa o nɔm ndo, kɛ má mulul-la aa o co kpeku nɔm te. Lende n co tosaa kabi o cuaambɔyɛi nɔmnde nin ni, a yeŋ ya lani le few.

Yeremi 22:21 Referans Kwoze

Yeremi 32:30

Kani kabi o cuaambɔyɛi ndɛi nin, dɛnnda hɛnan ya le lan kposon Israɛlla a Yudaa co tosaa ni. A toɲa, ɲɛ-ɲɛ celen Israɛlla co coo le, fɔ ya kɔllo tɛɛmbuuo.» Sɔɛi fula Mɛlɛka o sondo-e co ken ni.

Yeremi 3:25

N hinin a siɛmbula co naa lan, mi bɛɛ tambɛiyo va naa coo maa kola kuumbuan. Kani n cua hakio a Mɛlɛka Hala naa, naa a vanaa velu naa-a, kandɔɔ o felengiyɛi nɛi nin háá hau, n yeŋ Mɛlɛka Hala naa lani le.

Esai 48:8

Niáà tui-yɔ ɲɛ-ɲɛ a mun o kɔɔ le, niáà sina vɔ ɲɛ-ɲɛ a mun o kɔɔ le, sɔɔn mún, mún del-lɔ niaa o lani paandu le few. Kani yáà sina maa niáà lonin o lediom coo le, maa kabi o violɔn niaa, a va niaa veeloo aa vanaa nila kalua.

Talelan 30:9

Kani te i hiw pɛ sɔlaa, i kɔɛ le nɔm pɔɛɛnɔnndo, i ɲuna dɔ́ɔ́ aa: ‹Nɛ̀ɛ́ co yɛ Mɛlɛka?› Te i hiw vɛlɛ pɛ vaa bala fondo, mì yɔŋ vuilen, i ke nɔm Hala nuu diola vɔɔnndan.

Esekiɛl 20:8

Kɛ má luɛi seesiɛi a ya, a cɛl le nilan yaŋɔɔ o diom nuu le. Vana-vana viw ɲɛ nɔɔlɛi ndóò mulul hɔlla-o le, a faŋan piɔmaa Esiptea kɔɔli le. Le hee, mí dimi le kɔl ni tuwvo cuiŋio nda coo, le kɔltuw nuu kpow tuisio nda coo o lɛŋnde Esipte len nin.

Yeremi 35:15

O co lɛhau le ya co niaa vanaa nia baalaa, vanaa-tɛɛngaa-diom Hala-a vim-ndo, le niaa kɔlan dimullo aa: ‹Vana-vana mangala kela ndɔ vɔɔndo, mò tosa dɛnɛ kɛndɔɔ. La del halaa celennda kɔɔli le nda sooloo le. O kon la tiwba mi la cal o lɛŋnde ya yɔngu niaa a fuɲaa niaa mamaa len nin.› Kɛ la tui ya diom te.

Yeremi 6:16

O Mɛlɛka dimi-o co hoo ni aa: «La sim-ndɔ o nɛilan coo mì la mɛɛndian, la ɲuuniaa vɔ le nɛila masindɛlan, ɔ́ɔ̀ o va nɛi kɛndɔɔ-o, la kɔ lecoo, mì la sɔla pɛngio le kɔlta niaalan! Kɛ má muli aa: ‹N kuenin o nɛi kon coo le.›

Esekiɛl 20:28

Kani mí luei nda o lɛŋnde yáà heelu baa coocoo mí yáà mɛnan le nda yɔngoo len nin. Kɛ nɛɛ-nɛɛ nda ce pembii vilɛiye a yɔm puiyaa lenin, má kɔ soli sálàlan ndon, má cucu kpeyannda lan ndon, má soli sálàlan a lasikɔlɔ cun kɛndɔɔ lon, má taaliaa sálàla mamɔilan ndon le ya kɔllo tuuloo.

Esekiɛl 20:21

Kɛ mí poaa ndaa kan bɛɛ a luɛi seesiɛi a ya. A bii silala nilan te, a bii tɔŋnda nila vanacieo bɛnda mò kela coo, mì la tosa mò tuei yoomoo yeela lan te, a kela lecoo le few. Má del kasi a palɛi nii pɛngiɛi. Mí dimi le kɔl ni tuwvo cuiŋio nda coo, le nda ciiyo a kɔl ni fulaa o lɛŋnde veselɛilen nin ndon.

Esekiɛl 20:13

Kɛ mí cuavaa Israɛlla luɛi seesiɛi a ya o lɛŋnde veselɛilen nin. A bii silala nilan te, má kɛɛ tɔŋnda nila vanacieo bɛnda mò kela coo, haliko mi la tosa mo tuei yoomoo yeela lan, má va kasio delɔɔ tuŋ-tuŋ a palɛi pɛngiɛi nii. Mí dimi le kɔl ni tuwvo cuiŋio nda coo o lɛŋnde veselɛilen nin, le nda ciiyo diwvo o lepilɔɔ.

Yeremi 2:31

Niaa vannda sisa, la luɛi sɔɛi Mɛlɛka-e yii! Vɛ̀ɛ̀ lɛŋnde veselɛilen ya yɔŋnun le Israɛl ni, te kon te lɛŋnde ɲumma bɛndulen? Le yɛɛ nɛ vanaa nia co yɛ niko dimio aa: ‹N co o ba naa coo, n muungu lɛnin nɔm o ibuŋ te?›

2Dɛnnda lemasalan 33:10

Mí Mɛlɛka soaa o Manase lo a o vanaa ndu Mɛlɛka-a lo, kɛ a tui ndu diom te.

Tɔŋ miingua 31:27

Kani i sina nila kalula niaalan a sɔɛi biyaa lepɛŋii niɛi. Bau la co vɔ Mɛlɛka simullo telen ya co vɔ hoo hau yoomu niaa tɛɛn-ndo, vɛ̀ɛ̀ la koma simulnin ndu lɔ́ɔ́ ya vunin-ndo hiovɔɔ o hoo coo le?

Tɔŋ miingua 9:24

Kabi ya sina niaa, vanaa nila kalua niaa yɔŋnun a Mɛlɛka ni.

Tɔŋ miingua 9:7

«La loonun a sɔɛi he, la pɔɛɛnun ndi le, la loonun maa la tɛɛmbuu Mɛlɛka Hala niaa kɔl taw o lɛŋnde veselɛilen nin. Kabi paale niaa faŋan Esipte len, háá tiiya niaa nanu, la pɛngi diom ndɔɔ sɛɛngiaa le few.

Condii lisai 129:1

Condii vannda keì solio nɛi-tɛɛn o kɔlan-nde. Kabi o felengiyɛi nii nin, vannda co ya dɛnnda vɔɔnndan tosallo taw. Israɛlla la mingi sondo aa:

Yeremi 3:24

Kandɔɔ o felengiyɛi nɛi nin, piɔmaa ndaa cii ɲɛm fuɲaa naa nuwviaa-on dio few: cɔlua pɔmbɔa a cɔlua bɛndua, poaa ndaa a cuavaa ndaa laandua.

Yeremi 13:10

Nduyɛ vanaa vɔɔŋaa co kɛɔ nilan yaŋɔɔ o sɔɛi nii, mà va yiyannda nda pila lan tosaa le yiinɔnndo a halaa celennda nda co ni, a co nda vɛlɛ vulan baŋɔɔ o labɛngunin le nda sooloo. Màá vanaa kalaa muungu maa yáwlen nden, le nɛŋi lɛ len ɲɛ-ɲɛ le len!

Yeremi 19:15

«Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹I co dɛnɛ palaa yáà dimi le tuisio kobio ho coo-o tuisi, mò tol ndu a o ceen balu ndu-on coo, kani vanaa co lenin-nda kendu bɔɔ bollen, a kɛɛ le sɔɔn ya co nda dimullo-on biyɔɔ.›»

Yeremi 48:11

«Kabi o cuaambɔyɛi ndɛi nin, Moabua ndáà nɔ buulan te, kabi a kue a nda o biyɔɔ nin te. A vannun nila ɲulu fɛɛ mɛɛ mɔiyan ma cal o kììyo coo yɛ. Lepilɛ bɛɛ a soli ndu o ɲɛ nin má vow ndu o ɲɛ celen nin te. Lelan o vannun o yeela ndɔɔ a o naŋɔɔ ndɔɔ coo ni.»

Sakari 7:7

Sɔɔn mun Mɛlɛka ndóò dimul sindɛ vanaa-tɛɛngaa-diom Hala-a le vannda tɛɛngullo ni. Tuma kon, vannda va icali Yerusalɛm taw, a vannun nila ɲulu a kobila balu Yerusalɛm-ndan, a o tàndá co a ba too-o nin, haa vannun vɛlɛ icali nila ɲulu o tàndá ladɛɛlaa nin.

Yeremi 2:25

Caa dɛ Israɛl! Yɔŋii n yɔŋulun o pelon mì bololen le vesa nɔm. Kɛ a co dimio aa: ‹Nɔm mein ka! Halaa celen ya yeema nin ni, nda ya co vɔ nin tolɔɔ kɔɔli ni.›

Yeremi 25:3

«Kabi o vɔsi tɔ́ a o yàándɔɔ o masale Yosia po Amon masaa Yuda len háá hau, vɔsilan bidiin a layàá co kon ni, i co niaa sɔɛi Mɛlɛka dimul-la-e tɛɛngullo, i co sondo mei le, kɛ la co tueyɔɔ le.

Yeremi 25:4

Mɛlɛka pɛngi a niaa vanaa ndɔa baalaa, vanaa-tɛɛngaa-diom Hala-a vimndo le, kɛ la cɛl le nilan yaŋɔɔ mì la tuei le.

Yeremi 25:7

Kɛ la yeŋ ya lani le, Mɛlɛka dimi lende ni. Mí la tíŋ ya a sɔngɔɔ kangalan le tùú niaa sɛl piɔmnda le dɛnɛ niaa palaa-o.»

Yeremi 25:8

Lelan o Mɛlɛka-Nɔ-Kpaayaa-Kpow-vo dimi-o co hoo ni aa: «Le mɛɛ niaa tui ya diom te yɛ,

Sofoni 3:2

O tui Mɛlɛka diom te, o cɛl kanalannda ndɔlan te. O laalan Mɛlɛka ndɔɔ le, o sɔɔnguu Hala ndɔɔ ikɛi le.