Yeremi 22:2 - BII BILA

² Má dimi aa: ‹Nɔm masaa Yuda co icali o kpɛŋɛ lemasa David-o coo-o yaŋnun sɔɛi Mɛlɛka-e, i co vɛlɛ le simlacia nɔmnda a le vannda kpow, a kɛ́-kɛ̀ kei o diolan ndan le luɛyɔɔ o cɛi lemasaa ho nin.

Yeremi 22:2 Referans Kwoze

Luke 1:32

O vanin vana bɛndoo, a veelunin ndu aa Po Ó-Hiow-Ɲɔɔn-Kpow-vo. Mɛlɛka, o co Hala-o yɔngunin ndu kpɛŋɛ lemasa David fuɲa ndɔ mamaa-o.

Yeremi 22:4

Te la bii pɛ sɔɔn mun, mɛɛ masaa vanin icali lɔ́ɔ́-lɔ́ɔ̀ o kpɛŋɛ lemasa David-o coo, a vanin keiyo o diola cɛi lemasalan ndan a simlacia ndaa a vannda kpow latulu le luɛyɔɔ a le fulaa o ɲɛla ɲaanannda soa nan-ndan coo a o soa coo.

Esai 9:7

«Maalii yɔngu cuavaa Yakɔb-a yoongoo, mí yoongu kon del Israɛlla coo.

Esai 1:10

Niaa vanaa bɛndua Sodɔm, la yaŋ nilan o sɔɛi Mɛlɛka-e! Niaa vanaa co Komɔr-a, la yaŋ nilan o tɔŋ Hala naa!

Amɔs 7:16

Lelan, yaŋ niko nilan o sɔɛi Mɛlɛka dimi-e, nɔm co ya hoo kuunaa aa ya tɛɛnguu sɔɔn Mɛlɛka-on a Israɛlla o kɔɔ loo. Nɔm, a kuuna ya aa ya tombola a cuavaa-imamaa Isaak-a o sondo le.

Esekiɛl 34:7

Le hee, niaa vanaa mandaa n'saa, la yaŋ nilan o sɔɛi Mɛlɛka-e.

Yeremi 36:30

Lelan diom Mɛlɛka dimi le Yehoyakim masaa Yuda-o co hoo ni aa: Vana-vana fulanin o yungu Yehoyakim-ndo nin mò cal o kpɛŋɛ lemasa David-o coo le. Dialun ndɔn vílɛ́iyon n vanin vɛlɛ n malaa, mì paalen le lɔɔ mun ipala, mì hoeiye lɔɔ mun icɔl.

Yeremi 29:20

Kɛ niaa niaa, la tuei sɔɛi Mɛlɛka-e, niaa kɛ́-kɛ̀ ya fula Yerusalɛm mì la va Babilɔn nanu o biyɔɔ nin.

Yeremi 19:3

Mà dimi aa: La yaŋnun diom Mɛlɛka-o, niaa masaa Yuda a niaa Yerusalɛmnda! Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹I co dɛnɛ palaa tuisi o fondaa hoo coo, vana-vana tuei Pɛ sɔɛi ken, kɔndɔfili bɛndoo biinin ndu.

Yeremi 13:18

Dimul masaa nda kalaa masaa aa: «La cal lɛŋ! Kani mɔsil lemasa kɛndɛ va nia o lebol-lo del lɛŋ.

Yeremi 7:2

«Sim o dio cɛi nuu sondoo, mà yonda sɔɛi he, mà dimi aa: «Niaa Yudaa kpow, niaa co keiyo o diolan ndan le luɛyɔɔ, le vulan baŋɔɔ Mɛlɛka o labɛngunin-nda, la yaŋ nilan o diom Mɛlɛka dimi-o.

Esai 28:14

Lelan, niaa vanaa mamaa n'vannda, la yaŋ nilan o sɔɛi Mɛlɛka-e, niaa vanaa co haa Yerusalɛmnda masalen tosaa coo-a!

1Masaa 22:19

Mí Misee dimi vɛlɛ aa: «Tuei-yɔ niko diom Mɛlɛka dimi-o. A toɲa, i ce Mɛlɛka icali o kpɛŋɛ ndɔ lemasaa nin o halataala, vanaa ndɔa baalaa va isisi ndu ikɛi, a va a balaa sɔ́ o ba kɛndɔɔ coo a o ba mɛllo coo.

Yeremi 22:1

Diom Mɛlɛka dimul Yeremi-o co hoo ni aa: «Kɔ o cɛi lemasaa Yuda nin, mà kɔ dimi sɔɔn mun ndon.

Yeremi 34:2

«Ya Mɛlɛka Hala Israɛlla vem nɔm ni, kɔ mà kɔ tɛɛngul Sedekia masaa Yuda sɔɛi he aa: I co kobio ho malɔɔ masaa Babilɔn o ba mò lom ndu.