Yeremi 22:19 - BII BILA

¹⁹ A kumbunin ndu maa sofɛlɛ. A nannin kɔɔle ndɔlen mà kɔ viow len o kobio kɔɔli polon.»

Yeremi 22:19 Referans Kwoze

Yeremi 36:30

Lelan diom Mɛlɛka dimi le Yehoyakim masaa Yuda-o co hoo ni aa: Vana-vana fulanin o yungu Yehoyakim-ndo nin mò cal o kpɛŋɛ lemasa David-o coo le. Dialun ndɔn vílɛ́iyon n vanin vɛlɛ n malaa, mì paalen le lɔɔ mun ipala, mì hoeiye lɔɔ mun icɔl.

Yeremi 36:6

Lelan, a bii pɛ a kɔɛ lon o paale sum-nden coo, a kɔ dimi sɔɔn Mɛlɛka-n ya va nɔm dimullo má sɛva-on coocoo kpélén vanaa vanin o Cɛi-Hala-o nin-nda a vanaa-vanaa fulanin o kobila Yuda lan nin o hɔl.

Yeremi 15:3

O nɛila hiɔɔlula lan coo ya co nda simul ni, ya Mɛlɛka dimi lende ni, a vunin o mɔɛi cɔwve bɛngu, mì tunnda sasu nda, mà yɛɛ nda lándán. O mɛɛlulan, mì duàá a tivolla de nda kpede.

2Dɛnnda lemasalan 36:6

Mí Nebukanɛsar va masaa Babilɔn-ndo kuel ndu a cɔwvo, mó kɔ yii ndu yɔlɔn n'daɲan le kɔlan a ndu Babilɔn.

2Masaa 9:35

Mí vannda fula le ndu kɔlan kumbɔɔ, kɛ ɲɛ nda komal nin daama-o va kpokpoo, pelon a bala kɔlta ndɔlan ni.

1Masaa 14:10

Lelan, i co hunɔɔ dɛnɛ palaa tuisi yungu nɔmndo coo, mì diw vanpiaandua co o nɔm Yeroboam-ndo cɛinin-nda, o va cɛ piaandu o va hɔ́ɔ́ piaandu. I co hunɔɔ nda basɔɔ o lɛŋnde Israɛl-ten nin selemenden mɛɛ vana basu billo yɛ.

2Masaa 23:36

Yehoyakim ndóò nɔ vɔsilan bidiin a laŋuɛɛnu mó siŋnun masaa. Mó tosa masalen vɔsilan tɔ́ a ò pilɛ. Yerusalɛm calta ndɔlan la va ni. Sebuda cua Pedaya fula Ruma-o va kala ndɔ ni.

2Masaa 24:6

Mɛɛ Yehoyakim dem fuɲaa ndɔa ciee-piɔ́m, mí Yehoyakin po ndɔ koma sul masaa o fonda ndɔɔ.

Vana Kɔlkaloo 6:3

Mì vana pum velu cuawva kɛmɛ, mò viow yoomu vɔsilan taw-taw, kɛ mɛ̀ɛ́-mɛ̀ɛ́ o palɛi ndɔɛi bandu bɛɛ, te o ve o dɛnɛ kɛndɛ nin te, te sɔla bɛɛ kumbɔɔ kɛndɛ le, tɔnɔ yɛɛ co yɛ o kon nin? I ce maa hɔ́ɔ́ velun o vilɛiyo-o co fisa a vana kon.

Yeremi 8:2

Mà tɛ̀i lan o paalen, o paangei, mì loeon bɛɛ n lɔɔ lan. Kani ɲɛm mun ndáà yeema ni, má del mun kɔɔli, má yiinun a mun, má baŋ mun vulan o labɛngunin. Lelan, vana kondunin paala kalalan te, vana minginin ndan kumbɔɔ le, lon la co lo ni háá mì la siŋnun kɔmbɔɔsio o foofo kon coo.

Esekiɛl 19:8

O kon, mí vanaa-mangalaa-isɔɔa va o lɛŋii va o tàndà kon nin-nde nin-nda mɛngɛla ndu, má toandu yala ndaa ndu coo, mó del o soon ndaa nin.

Esekiɛl 39:5

Nɔm Kɔk, a delnin lɛŋ yondoo nin, kani ya dimi lende ni. Ya Maalii, ya co Mɛlɛka-o soo nuaa ni.