Yeremi 22:18 - BII BILA

¹⁸ Sɔɛi Mɛlɛka dimi a Yehoyakim po Yosia va masaa Yuda-o o kɔɔ-e co hee ni aa: «Lɔ́ɔ́ o vunin-ndo, vana ceŋnin caŋ biisi le. Vana diminin aa: ‹Taanin puapilɛ nuu te kon te, taanin yeman-ndo› le. Vana ceŋnin ndu coo aa: ‹Taanin vana ni bɛndoo te kon te, taanin masa nuu› le.

Yeremi 22:18 Referans Kwoze

Yeremi 16:6

Vanaa bolofaa te kon te vanaa bala fondoa vunin o lɛŋnden nden nin, vana venin le nda kumbɔɔ le, vana venin le nda caŋ te. Vana-vana mɔnɛi biinin mò keŋnun vaasan lekɔɔ, te kon te mò sendin tembello le biisi ndaa le.

1Masaa 13:30

Tuma o va ndu kumbɔɔ o sɛi ndɔ ndu pila-o nin-ndo, mí vannda va caŋndo aa: «Kpòkóó, puapilɛ naa vi fɔ́!»

Yeremi 22:10

Niaa vannda Yuda, la caŋ vana vi-o le, masaa Yosia pɛɛn, mɔnɛi bii niaa le ndu le. Kɛ la caŋ taw le vana co kɔnndan-ndo, masaa Salum pɛɛn! Kani o muungu lɛnin te, o ci lɛnin lɛŋnde ndɔle o velun nin-nden te.

Yeremi 16:4

Nàà piɔ́mndo biinin nda mà vi, vana venin le nda caŋ te, a sɔlanin kumbɔɔ le. Lende nda lonin ni mà siŋnun kɔmbɔɔsio lɛŋ. Cɔwvo a yima fofolan ma diwnin nda ni, mì duàá a tivolla de dialun ndan.»

Yeremi 34:5

A vunin o kɔlɲuloo nin, mì biisi nɔmndo tosan mɛɛ nda tosa la fuɲaa nɔmaa mamaa kei sindɛ o masalen nɔm laci lan-nda yɛ. A loamnin ansan, mà soli nɔm condun biision coo aa: «Kpòkóó dɛnɛ pala naa fɔ́! Masa naa vinnun!» Sɔɛi fula Mɛlɛka o sondo-e co ken ni.

2Dɛnnda lemasalan 35:25

Mí Yeremi soli condii biisiei le Yosia. Háá hau, vanaa solia n'condua, vanpiaandua a vanlaandua kpow a co vɔ condii ken solio o biisilan coo le loonɔnndo a Yosia o kɔɔ. Mí sɔɛi ken siŋnun namoo o lɛŋnde Israɛl-ten nin. Condun mun n co n'sɛvaa o sɛbɛla condun labiision nin.

2Samiɛl 1:26

Mɔnɛi luɛi ya o kɔl di, le nɔm Yonatan caan ni. Yáà kaola nɔm bɔɔ! Kaola nɔmndo yáà hiow yeela tueyɔɔ a kaola vanlaandua.

2Masaa 23:6

Mó soli yɔm soolaa va o Cɛi-Mɛlɛka-o nin-ndo, mó kɔa a ndu o kobio Yerusalɛm kɔɔli, o bóllo Sedrɔn nin, mó loam ndu, mó saŋ pulta lan o sɛila nda kumbu vanaa va ndu sooloo-a nin-ndan coo.

2Masaa 23:36

Yehoyakim ndóò nɔ vɔsilan bidiin a laŋuɛɛnu mó siŋnun masaa. Mó tosa masalen vɔsilan tɔ́ a ò pilɛ. Yerusalɛm calta ndɔlan la va ni. Sebuda cua Pedaya fula Ruma-o va kala ndɔ ni.

2Masaa 24:6

Mɛɛ Yehoyakim dem fuɲaa ndɔa ciee-piɔ́m, mí Yehoyakin po ndɔ koma sul masaa o fonda ndɔɔ.

2Dɛnnda lemasalan 36:5

Yehoyakim ndóò nɔ vɔsilan bidiin a laŋuɛɛnu, mó siŋnun masaa. Mó tosa masalen vɔsilan tɔ́ a ò pilɛ Yerusalɛm. Mó tosa ɲɛ bɛnda Mɛlɛka Hala ndɔɔ o hɔl too.

Yeremi 22:12

O sɔlanin piɔ́mndo o lɛŋnde nda kɔɛ a ndu o biyɔɔ nin-nden nin, o ci lɛnin lɛŋnden nden te.»

1Dɛnnda lemasalan 3:15

Poaa Yosia-a yɔŋnun haa ni: Yohanan va po ndɔ tasoo ni. Po diinndɔɔ yɔŋnun Yehoyakim ni, o yàándɔɔ Sedekia, o hiɔɔlundɔɔ Salum.

Yeremi 21:11

Mà dimul yungu masaa Yuda-o aa: «La yaŋnun diom Mɛlɛka-o!

Yeremi 36:30

Lelan diom Mɛlɛka dimi le Yehoyakim masaa Yuda-o co hoo ni aa: Vana-vana fulanin o yungu Yehoyakim-ndo nin mò cal o kpɛŋɛ lemasa David-o coo le. Dialun ndɔn vílɛ́iyon n vanin vɛlɛ n malaa, mì paalen le lɔɔ mun ipala, mì hoeiye lɔɔ mun icɔl.