Yeremi 22:17 - BII BILA

¹⁷ Kɛ nɔm yɛ, tɔnɔ nɔmndo daama n nɔ hɔlten coo ni. A co vanaa tɛɛmbuu isɔɔ le-a diwvo, mà va delɔɔcoo a kafalan tosaa.»

Yeremi 22:17 Referans Kwoze

2Piɛr 2:14

Hɔltan la pɛ nda a suundaa, a sanga a hakilan tosaa le, a co vanaa kɔlta ndalan la sim yili le-a laasiaa a kɔlkalu vɔɔndo, kɔlta ndalan la co lapiaa a yeemɛi ɲɛ-sɔlaa, dangaa co le nda.

Esekiɛl 19:6

Mí le kandu kelaa o kàŋnda yàlàà piaandua coo. Mɛɛ le sul yàlà téndóó, mí le caa ɲɛ le bii-o sɛɛsiaa, mí len bɛɛ le sɔam vanndacieea.

Yeremi 22:3

Diom Mɛlɛka dimi-o co hoo ni aa: La tosa dɛnɛ sandaa mì la kela o toɲaa coo. La baŋa vana nda co saangiaa-o vana co ndu saangiaa-o o ba. La pala miallo le, la pala vííyo a vanalanɔ pɔnɔ ndɔ vi-o le, la del nda coo mì la tosal nda lakafa le. La pɛngi vanaa tɛɛmbuu isɔɔ le-a diwvo o fondaa ho.

2Masaa 24:4

a le kooma vanaa ndóò diw mí ndóò pei Yerusalɛm a man-ndan. Nduyɛ vanaa kan ndáà tɛɛmbuu isɔɔ le. Mɛlɛka cɛl le haki kon malɔɔ le few.

Esekiɛl 33:31

A co hunɔɔ sɛ́lɛ́ bɛndoo fili-fili o nɔm ndo, vanaa niaa kan pɛɛn, a co hunɔɔ calle nɔm o hɔl. A co nilan yaŋɔɔ o sɔɔn nɔmndon, kɛ a co kela lecoo le, kani a sondo yeelaa koni nda co sɔɛi ni, kɛ o kɔlta ndalan nin, tɔnɔ nda pila-o daama nda co nuwviaa ni.

Condii lisai 10:3

Vana kɔlvesɛiyo co heelɔnndo le yeemɛi ndɔɛi vɔɔnde. O va pɛ ɲɛm ndɔn lakafan biyɔɔ, o yeow Mɛlɛka, o mam ndu.

2Piɛr 2:3

A co niaa tɔnɔɔ dioo a sondola yeelɛilan le mɛɛ nda nɔ hɔlte bolofaalen yɛ. Kɛ o co lɛhau le yamɛi ndɛi cuu kiolɔɔ ma sɔla yaalaa le, tambii ndɛi nɔ lɛ bɛɛ lɔ́ɔ́ le.

Kolɔsea 3:5

La diw dɛnnda ceennda kɛ́-kɛ̀ co niaa nin: suundaa, dɛnnda nɔɔlɛilan, yeeman bɛndon, yeeman vɔɔnndon a yeemɛi ɲɛ sɔlɛi, kani piɔmnda sooloo co yeemɛi ɲɛ-sɔlaa ni.

1Korɛntea 6:10

vuiya, vanaa nɔ hɔlte ɲɛ-sɔlaa-a, vanaa kolaa mamɔiya, vanaa co vannda yeowlan-nda a vanaa co caanda delɔɔ coo-a a lueinin o Masale Hala len nin te.

Rɔmnda 1:29

A co a piaa a dɛnnda sendu le lan kpow: laasianndo, yeemɛi bɛnduei, kɔlvesɛiyo, paŋalaa, yeemɛi diuvaa n'vannde, cɔlɔbalan, vannda huiyo a kɔlkalu vɔɔndo. A co vannda diolan tɛɛmbuuo,

Sofoni 3:3

Simlacia co o kobi kalaa nin-nda, maa yàlàá co pɛɛliaa-a nda co ni, vanaa kialaa n'yamaa co lon-nda, maa tunaa yondoa dia icɔl pii-a nda co ni, idii niko a nɔ lɛ ɲɛ nda sɔam te.

SƐBƐ YƆB-O 31:7

Te lepilɛ bɛɛ i pɔw pɛ mí mal nɛiyo, te kɔl nuu del pɛ yeemɛi nii n'dialle kɔɔli, te i vow nin pɛ balan o dɛnɛ nɔɔlɛiyo nin,

2Dɛnnda lemasalan 36:8

Sɔɔn tɔ̀un Yehoyakim-ndon, dɛnnda nɔɔlɛila o tosa lan a dɛnnda kei ndu coo lan, kon kpow co sɛvaa o sɛbɛ masaa Yuda a masaa Israɛl nin. O kon, mí Yehoyakin po ndɔ koma sul masaa o fonda ndɔɔ.

1Masaa 21:19

ma kɔ soo o ndu lo, ma dimul ndu aa: ‹Nuaa Mɛlɛka dimi ni aa: Vɛ̀ɛ̀ a cii pɛ vanndo diyɔɔ a hin vɛlɛ ɲɛm ndɔn cuaa?› Mà soo vɛlɛ o ndu lo, mà dimul ndu aa: ‹Nuaa Mɛlɛka dimi ni aa: O fonda tunnda deembuu kooma Nabɔt-an-ndo, lon koni tunnda deembuunin vɛlɛ komaa nɔmndan ni.›»

Yosue 7:21

Mɛɛ ya ce doma bɛndu kɛndɛ-kɛndɛ fula o lɛŋnde Sinear len nin-ndo, volin latámán kɛmɛ lediin a sianin n'kpungban kalamulan kɛmɛ leŋɔmpum o ɲɛm naa n sɔla o cɔwvo nin-ndon tɛɛn, mí yeemɛi bii ya a mun, o kon mí cua mun. N co n'vianaa lɛŋ o soondo nin o cɛi-kola-toandaa nuu kɔllo, volion co lebɛngu dí.»

Fulaa 18:21

Le sɔɔn tɔ̀un yɛ, ó vannda ha kpow tɛɛn, hɛli vanaa nɔ diola kɛndɛlan-nda, a nɔ siòòŋii Hala-e-a, a nɔ toɲaa-a, vanaa vana nɔla n'sɔɔ pei nin te-a, ma siinguu nda simlacia o kundala vannda co nin vaa-vaa, kɛmɛ-kɛmɛ, beleŋuɛɛnu-beleŋuɛɛnu, a o kundala n'van tɔ́-tɔ́ lan coo.

Talelan 24:2

Kani yiyan tosaa dɛnɛ vɔɔndo kínɛí co nda o lakɔl ni, balta dɛnnda vɔɔnndan kínɛí la fula nda o sondo ni.

Esai 56:11

Tunaa lepulua nda co ni, a pim ɲɛ-ɲɛ le. Vanaa mandaa n'cɔlua bii ɲɛ-ɲɛ bila le-a nda co ni: nda kpede vana-vana co kɔlan o nɛi ndɔɔ coo, vana-vana co kiltan le tɔnɔ ndɔɔ sɔlaa kínɛí.

Yeremi 6:6

Kani o Mɛlɛka-Nɔ-Kpaayaa-Kpow-vo dimi-o co hoo ni aa: «La kioŋ yɔmnde le keiyo lecoo, mì n kei o kpakio coo, mì n kuel Yerusalɛm.» Kani kobi bɛnda le tambei-yo o co ni, delɔɔ coo daama co lon ni.

Yeremi 6:13

Kani kandɔɔ a cuaambɔ hiow dɔɔnanndo nda tɛɛn-ndo, kɔ bii a kaasonɔ hiow nda faw-vo, nda kpow, vana-vana nɔ hɔlten tɔnɔ ndɔ ndu pila-o kɔɔli. Kandɔɔ a vanaa-tɛɛngaa-diom Hala-a, kɔ bii a vana-solia-lasálàá, nda kpow vanaa lakafaa kposon.

Yeremi 8:10

Lelan, i co laandaa ndaa malɔɔ vanaa celen o ba, mì mal ciɛɔn ndan vanaa hialunin mun-nda o ba. Kani kandɔɔ a cuaambɔɔ, kɔ bii háá a kaasonɔɔ, nda kpow vana-vana co fafaláà le ɲɛ-sɔlaa. Kandɔɔ a vana-tɛɛngaa-diom Hala-o, kɔ bii a vana-solia-lasálàá, nda kpow a vow balan o kafalan nin.

Yeremi 17:11

Maa sɔɔ kuumbun o pelta o dow le lan coo-o vana co bolofaa sɔlaa o kafalan nin-ndo co ni. O tiiya pɛ o yoomu ndɔɔ tɛɛn, o mɛi bolofaa kalaa, o mɛɛlulan, o hiŋnun bollen.»

Esekiɛl 18:12

mó saangiaa vanaa ikɔɔa a vanaa bala fondoa le nda tɔnɔɔ solio nda o n'dial, mó tosa vuilen, mó cɛl le ɲɛ nda lendul ndu o ba-o mingio le, mó muli hɔlla o piɔmnda mó tosa dɛnnda nɔɔlɛilan,

Misee 2:2

Yondolan lapum bɛɛ la hɛnan nda ni, a poonda. Cɛilan lapum bɛɛ nda fula hɔlten ni, a hɛlu. Delɔɔ nda del vanacieo coo a cɛi ndɔɔ kpow ni, ma de ndu a kɛ́ ndɔɔ kpede.

Misee 3:10

Niaa co Siɔn tangullo a kooma vanndacieea nin, mí la va Yerusalɛm tangullo a kɔlvesɛiyo-a.

1Samiɛl 8:3

Kɛ poaa ndɔa kan ve tosa mɛɛ fuɲa nda va tosaa yɛ le. Nda nda, volion ndáà luɛi hɔlten ni, má va ɲɛm vannda va nda yɔngoo-on biyɔɔ le yaman lacòòvan kiolɔɔ.

2Masaa 23:37

Mó tosa ɲɛ hɛnan Mɛlɛka loo mɛɛ fuɲaa ndɔa ndáà tosa yɛ.

Yeremi 7:6

te la saangiaa miallo le, mì la saangiaa vííyo a vanalanɔ pɔnɔ ndɔ vi-o le, te la dii vana tɛɛmbuu isɔɔ loo le, te la mulin halaa celen kɔɔli le niaa pila dɛnɛ palaa tuisinndo coo le,

Yeremi 19:4

Kani a kɛɛ ya, má nɔɔliaa fondaa ho o halaa celennda sálàlan solullo, halaa nda pila, fuɲaa ndaa mamaa a masaa Yuda a sina le-a pɛɛn. Má pei fondaa ho a kooma vanaa tɛɛmbuu isɔɔ le-a.

Esekiɛl 19:7

Mí le pesipesi calta ndala sɔvɛlan, mí le mingi kobila ndalan pɔmndan. O cuale len tueyɔɔ pɛɛliaa daama, mí lɛŋnden a ɲɛ-ɲɛ va lenin kpow dɔawnun yɛɛvɛ.

Esekiɛl 19:9

Má baa ndu dolinnde, má vow ndu o saasa n'cilinndo nin, má kɔa a ndu o masaa Babilɔn-ndo, má yàà ndu o fondala mayoomulan nin, haliko vana tuɛi lɛ diom ndɔɔ o pembon Israɛl coo le.

Esekiɛl 22:6

Tofa vɔ simlacia Israɛlla, vana-vana co dɛnndan tosaa o nɔm ndo a kpaaya ndɔɔ le vanndacieea diwvo.