Yeremi 22:15 - BII BILA

¹⁵ Vɛ̀ɛ̀ a yeema ma cɔm maa masaa n co ni, mà tosa baalaa a yɔm sɛɛdreo haliko ma va teengen? Fuɲa va dioo a kolɔɔ maa caanda. Kɛ o va dɛnɛ sandaa a sakpoyɛi tosaa, ɛɛ nduyɛ, ɲɛ-ɲɛ va kɔlan o kɛndɛ ndu o ba.

Yeremi 22:15 Referans Kwoze

2Masaa 23:25

O masaa hiow ndu Yosia laci-a tɛɛn, masa yɔŋnun maa ndu le muungoo Mɛlɛka o ibuŋ a kɔl ndɔɔ kpow, a yiyan ndɔɔ kpow a á kpaaya ndɔɔ kpow maa mɛɛ tɔŋ Moise-o kpow co yɛ le. Hali ndu kɔɔli, masa celen yɔŋnun-ndɛ maa ndu le.

Esai 3:10

La yonda mì la dimul vana sandaa maa o sɔlanin dɛnɛ kɛndɔɔ, bau o dianin kɔmnde dɛnnda ndɔlan tɔnɔ.

Vana Kɔlkaloo 10:17

Dɛnɛ kɛndɔɔ co le lɛŋnde len, lɛŋnde masa ndɔɔ velun o polale vanaa kùndàá nin-nden. Lɛŋnde len pɛɛn, le simlacia ndɔa dia ɲɛdiaa a telen bɛnda-o len. Le yoomuan sɔlaa nda dia ni, kɛ o co le mamɔi pum te.

Talelan 25:5

Vana faŋa pɛ vanaa kɔlvesɛiya masaa ikɛi, o tosa masalen o sandei nin, masale ndɔlen le sim yili.

Talelan 29:4

Masaa handu pɛ kɔllo o dɛnɛ sandaa coo, o kui ɲɛm kɛndɔn o lɛŋnde ndɔlen nin, kɛ o hiw pɛ muloo heeloo, o dɔw lɛŋnden yɛɛvɛ.

2Masaa 22:2

Mó tosa ɲɛ bɛnda Mɛlɛka o hɔl-lo. Nɛila kɛ́-kɛ̀ David fuɲa ndɔ mama kela coo, mí ndu bɛɛ kela lecoo kpafii, o feŋan ó o kɛ́-kɛ̀ coo le.

Yeremi 42:6

Naa n vem nɔm sɔɛi o Mɛlɛka Hala naa lo ni. N biinin sɔɛi o co naa dimul-le, i hɛnan naa, i nɛinun naa. O kon n sɔlanin dɛnɛ kɛndɔɔ, n bii pɛ sɔɛi Mɛlɛka Hala naa.»

Yeremi 21:12

Yungu David-o! Diom Mɛlɛka dimi-o co hoo ni aa: ‹La va dɛnɛ sandaa tosaa kandɔɔ idii. La soli vanaa nda co saangiaa-a vanaa co nda saangiaa-a o ba, yɔŋii kɔl ni tuwvo bii maa leyin, vana nɔlanin nden ɲumio le, le dɛnnda vɔɔnnda niaa co tosaa lan.

Talelan 21:3

Kela sandaa a dɛnɛ toɲaa tosaa hiow Mɛlɛka hɛnan a ndu sálàlan solullo.

1Masaa 10:9

Màá Mɛlɛka Hala nɔmndo sɔla biiloo le hɛli o hɛli nɔm, mó suili nɔm masaa Israɛlla coo-o! Kani le tùú Mɛlɛka kaola Israɛlla taw-vo o suili nɔm masaa le dɛnɛ sandaa tosaa a le yamɛi caa kiolɔɔ nda coo le fɛɛn a fɛɛn ni.»

2Samiɛl 8:15

Mí David tosa masalen Israɛlla kpow coo. Mó va yaman kiolɔɔ a sandei, o ve vannda hiyan te.

1Korɛntea 10:31

Lelan, o va dio, o va kolɔɔ, te kon te ɲɛ-ɲɛ niaa va pɛ tosaa, la tosa ndu mì Hala sɔla biiloo.

Dɛnnda kiilaa 2:46

Lepalaa-lepala, a va biuvɔnndo cuungianndo o Cɛi-Hala-o nin. A va ɲɛdiaa dioo cɛilan nin a kɔlkɛndɔɔ a o tuisinndo nin.

Luke 11:41

Lelan, la yɔngu vɔ fɔlɔn ɲɛ co o hɛngɛiyo nin-ndo a ɲííye, o kon mì ɲɛ-ɲɛ dendu le niaa.

Yeremi 23:5

Mɛlɛka dimi aa: «Paale co hunɔɔ, mì tosa mì hɔ́ɔ́ velun o polale David len nin, masa kɛndɛ kɔlkaloo o vanin ni. O tosanin masalen o lɛŋnden nin o sakpoyɛi a o sandei nin.

Yeremi 22:18

Sɔɛi Mɛlɛka dimi a Yehoyakim po Yosia va masaa Yuda-o o kɔɔ-e co hee ni aa: «Lɔ́ɔ́ o vunin-ndo, vana ceŋnin caŋ biisi le. Vana diminin aa: ‹Taanin puapilɛ nuu te kon te, taanin yeman-ndo› le. Vana ceŋnin ndu coo aa: ‹Taanin vana ni bɛndoo te kon te, taanin masa nuu› le.

Yeremi 22:3

Diom Mɛlɛka dimi-o co hoo ni aa: La tosa dɛnɛ sandaa mì la kela o toɲaa coo. La baŋa vana nda co saangiaa-o vana co ndu saangiaa-o o ba. La pala miallo le, la pala vííyo a vanalanɔ pɔnɔ ndɔ vi-o le, la del nda coo mì la tosal nda lakafa le. La pɛngi vanaa tɛɛmbuu isɔɔ le-a diwvo o fondaa ho.

Esai 33:16

Vana súú vaa lendeo ndu calnin o fondala yesalan coo ni, powta kpovala bɛndulan la vanin calta ndɔlan ni, ɲɛdiaa yɔngunin ndu mì mɛnndan ma kennun ndu.

Esai 9:7

«Maalii yɔngu cuavaa Yakɔb-a yoongoo, mí yoongu kon del Israɛlla coo.

Vana Kɔlkaloo 2:24

Ɲɛ co dɛnɛ kɛndɔɔ o ceen vanacieo nin daama-o co dioo, kolɔɔ a ɲaaloo dɔwnɔnndo o baala ndɔɔ nin ni. Kɛ kon vɛlɛ bɛɛ, mí ca maa Mɛlɛka o ba o fula ni.

Talelan 31:9

Soo le nda, tosa nda masalen coo a sandei. Soo le vanaa bala fondoa a le vanaa ikɔɔa.»

Talelan 20:28

Vanakɛndɛyɛi a lou o diomnden coo kanda masaa ni. Lo ndɔɔ o diomnden coo tosa ni mì masale ndɔlen le sim yili.

2Dɛnnda lemasalan 34:2

Mó tosa dɛnɛ sandaa Mɛlɛka o hɔl, mó kela o nɛila David fuɲa mama ndɔlan coo, o sei o ba kɛndɛ coo le, o sei o ba mɛl coo le.

1Dɛnnda lemasalan 3:15

Poaa Yosia-a yɔŋnun haa ni: Yohanan va po ndɔ tasoo ni. Po diinndɔɔ yɔŋnun Yehoyakim ni, o yàándɔɔ Sedekia, o hiɔɔlundɔɔ Salum.

Tɔŋ miingua 4:40

Lelan, la bii silala ndɔlan a tɔŋnda ndɔla ya co niaa tɛɛngullo hau lan, haliko mi sɔla dɛnɛ kɛndɔɔ, niaa pila a cuavaa niaa fɛɛn-fɛɛn. Handɔɔ o kon coo, mì la viow yoomu o lɛŋnde Mɛlɛka Hala niaa yɔngu niaa le fɛɛn a fɛɛn-nden coo.»

Yeremi 7:5

Te la kela pɛ kela kɛndɔɔ, mì la bɛɛndiaa dɛnnda niaalan, te la tosal pɛ vannda a pilɛn-pilɛnnda dɛnɛ sandaa,

2Dɛnnda lemasalan 35:22

Kɛ Yosia feŋan ndu kɔɔli le, mó kaandian, mó vian hɔlla, mó kɔa Neko cɔlɔba. O bii diom Neko dimul ndu fulaa Hala o sondo-o le. Mó kuel ndu o dɛɛlaa Mekido nin le cɔwvo.

2Dɛnnda lemasalan 35:26

Sɔɔn tɔ̀un Yosia-on kpow, ɲɛ-ɲɛ o tosa, kandɔɔ háá a mɛɛloo, n co n'sɛvaa o «Sɛbɛ masaa Israɛl a masaa Yuda» nin, mɛɛ o yɔŋnun vana lo o lediom coo a Mɛlɛka yɛ pɛɛn.