Yeremi 22:10 - BII BILA

¹⁰ Niaa vannda Yuda, la caŋ vana vi-o le, masaa Yosia pɛɛn, mɔnɛi bii niaa le ndu le. Kɛ la caŋ taw le vana co kɔnndan-ndo, masaa Salum pɛɛn! Kani o muungu lɛnin te, o ci lɛnin lɛŋnde ndɔle o velun nin-nden te.

Yeremi 22:10 Referans Kwoze

Yeremi 22:11

Diom Mɛlɛka dimi a Salum, masa ndóò muungu o kpɛŋɛ lemasa Yosia fuɲa ndɔ-o coo Yuda, mó kɔannun-ndo co hoo ni aa: «O muungu lɛnin nanu le.

Vana Kɔlkaloo 4:2

I ce maa vanaa vinnun nin-nda hiow va o kɔlɲuloo nin a vanaa co vɔ yoomu-a.

Cɛɛŋɔnnda Yeremi lan 4:9

Vanaa co vuo o mɔɛi cɔwve bɛngu-a co fisa a vanaa co vuo a yiaan-nda. Vanaa co ɲawvo le pɛŋnde baloo-a, balo fula ɲɛm vaan nin-ndo pɛɛn.

Esai 57:1

Vanaa sandaa co piɔ́mndo sɔlaa, kɛ vana-vana co saalan le vu nda co kon ndo le, vanaa tosaa dɛnɛ kɛndɛa co cuuo, kɛ vana-vana co bila biyɔɔ maa le dɛnɛ vɔɔndo hiɔlɔnndo le nda co cuu kon te.

2Masaa 22:20

Lelan ya co cɛlɔɔ ni ma dem fuɲaa nɔmaa mamaa a kɔlɲuloo, mà kumbu nɔm o sɛi nɔmndo nin. O kon, hɔlta nɔmndan la ci lɛnin dɛnɛ palaa ya tuisinin kobi kalaa coo-o le.›» Mí kiilaa nda vem-nda kɔ downun masaa kona a sɔɔn mun o kɔɔ.

Luke 23:28

Yeesu mulinndo o nda lo, mó dimi aa: «Vanlaandua Yerusalɛm, la caŋ le ya le! Kɛ la caŋ le niaa pila a le cuavaa niaa.

Yeremi 22:18

Sɔɛi Mɛlɛka dimi a Yehoyakim po Yosia va masaa Yuda-o o kɔɔ-e co hee ni aa: «Lɔ́ɔ́ o vunin-ndo, vana ceŋnin caŋ biisi le. Vana diminin aa: ‹Taanin puapilɛ nuu te kon te, taanin yeman-ndo› le. Vana ceŋnin ndu coo aa: ‹Taanin vana ni bɛndoo te kon te, taanin masa nuu› le.

2Dɛnnda lemasalan 36:4

O kon, mí masaa Esipte suili Eliakim, puapilɛ ndu Yoahas-o masaa Yudaa a Yerusalɛmnda coo. Mó mangala ndu diolan aa Yehoyakim. Mí Neko cua Yoahas, puapilɛ Yehoyakim kon, mó kɔannun a ndu Esipte.

Yeremi 16:7

Vana-vana venin le ɲɛdiaa piɔvanndo nda vanaa biisio del-la le nda ɲɔɔlu le. Vana-vana yɔngunin vɛlɛ vanaa fuɲa nda, te kon te kala nda vi-a taala kólaa le nda ɲɔɔlu le.

Yeremi 25:27

Mí Mɛlɛka dimul-la le nda dimullo aa: «Mɛlɛka-Nɔ-Kpaayaa-Kpow-vo, Hala Israɛl-lo dimi aa: «La kol mì ma bii niaa, mì la kuisi man. La deli lɛŋ a man mì la bumba le cɔnɔnndo telen niaa canin vanvílɛ́iya cɛɛlɔnndo o mɔɛi cɔwve bɛngu-o.»

Yeremi 28:4

I co vɛlɛ Yekonia po Yehoyakim masaa Yuda-o a vanaa-vanaa ndáà bii Yuda, má kɔa a nda Babilɔn mingi nanu, kani i co sanga bɛndu co masaa Babilɔn coo-o faŋa.› »

Yeremi 42:18

Kani diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: «Maa mɛɛ yáà tuulu kɔl taw a vannda Yerusalɛm yɛ, lende koni ya tuulunin vɛlɛ kɔl a niaa ni, te la kɔɛ pɛ Esipte. Vannda vanin tɔɔmaseloo cuaa a niaa le mɛnanndo, te kon te le sɔɛi vɔɔŋii bɛnduei pum dimio. Nduyɛ la ci lɛnin lɛŋnden nden lɔ́ɔ́-lɔ́ɔ̀ le.»

Yeremi 44:14

O vanaa lo yoomu Yuda, má kɔa vionnɔnndo Esipte-a tɛɛn, vana-vana nɔlanin ɲaanɔnndo le. Vana-vana helunnin piɔ́mndo le. Vana-vana fulanin ndon mò muungu Yuda le, nɛɛ nda co yeemaa taw le muungoo calle-a pɛɛn. A muungunin ndon te few, fɔ vanaa cɔwvo bumbanin-nda a pum.›»

Esekiɛl 24:16

«Po vanacieo sei, i co (lanɔ) hɛnan nɔm hoo o tofaa-o yomɔɔ o lepilɔɔ kpɔsu, mò lo nɔm o hɔl telele. Kɛ a bɛnda ma tosa biisi ndɔɔ le, a bɛnda ma caŋ ndu le, a bɛnda ma tuisi mamɛmɛ le.

2Masaa 23:29

Telen Yosia kon va masaa-o, mí Neko Faraɔnnɔ va masaa Esipte-o can peo Efrate demullo le kɔlan masaa Asiri cɔwvo malaa. Mí Yosia kei ndu ciŋilan a cɔwvo. Kɛ mɛɛ Faraɔnnɔɔ ce dɔ́ɔ́ Yosia kon Mekido, mó dii ndu.

Yeremi 22:27

La yeemanin taw-taw le muungoo, kɛ la tiwnin ba le.»