Yeremi 21:9 - BII BILA

⁹ Vana-vana lo pɛ o kobio ho nin nanu, ndu vunin o cɔwvo nin, te kon te a yima fofolan, te kon te vɛlɛ a nàà n'kɔnyaa. Kɛ vana-vana fula pɛ mò kɔ yɔngun Babilɔŋaa co niaa haa hinullo a cɔwvo-a, ndu lonin yoomu.

Yeremi 21:9 Referans Kwoze

Yeremi 38:2

«Diom Mɛlɛka dimi-o co hoo ni aa: vana-vana lo pɛ o kobio ho nin, ndu vunin o mɔɛi cɔwve bɛngu, a yima fofolan, te kon te a nàà n'kɔnyaa. Kɛ vana-vana fula pɛ, mò kɔ yɔngun Babilɔn-nda, ndu lonin yoomu, hali mò sɔla lɛ ɲɛ celen o kon kɔɔli le.

Yeremi 45:5

O co vɔ bɛɛ dɛnɛ kɛndɛ n co yeemaa le nɔm pila-o le. Kɔl kɔa nɔm lon te. Kani dɛnɛ palaa ya cuunin-ndo vanin le ɲaa yoomaa kpede. Kɛ nɔm, ba-ba n kɔɛ pɛ, i mɛinin nɔm yoomu.›» Mɛlɛka dimi lende ni.

Yeremi 39:18

A toɲa, i ciindiaanin nɔm, a delnin o mɔɛi cɔw bɛngu le. A lonin yoomu, o n sɔlanin-ndo vanin kon ni, le tùú n tiindan ya-o.›» Sɔɛi fula Mɛlɛka o sondo-e co ken ni.

Yeremi 14:12

A biinin bɛɛ sumndo, i yeŋnin nda lani o ya ɲɔɔloo le. Hali a soli sálàla loamaalan a ɲɛm-kéan, i cɛlnin ndan te. Kɛ mɛɛ mì cii nda kpede a cɔwvo, a yima fofolan a á nàà n'kɔnyaa.»

Yeremi 27:13

Le yɛɛ niaa cɛl-lɛnin mì la cuu o mɔɛi cɔwve bɛngu, a yima fofolan a á nàà n'kɔnyaa, maa mɛɛ Mɛlɛka dimi le tosaa a vanaa kɛɛnin le masaa Babilɔn baalaa tosallo-a yɛ?

Yeremi 21:7

Mɛlɛka dimi maa o kon kɔɔli, o malnin Sedekia masaa Yuda, a simlacia ndɔa masaa Babilɔn o ba. Mò mal ndu vanaa nàà n'kɔnyaa mɛinin-nda o ba, a vanaa cɔwvo a yima fofolan ma mɛinin yoomu o kobio nin-nda o ba. I malnin nda yaamɔaa ndaa o ba, a yeema le nda diwvo-a pɛɛn. Nebukanɛsar diwnin nda. O tosalnin nda ikɛndɛ le, o mɛinin vɛlɛ vana-vana yoomu le, iɲíí bɛɛ biinin ndu le.›»

Yeremi 24:10

I tuisinin nda cɔwvo coo, yima fofolan a nàà n'kɔnyaa háá mà cuu o lɛŋnde ya yɔngu nda len nin, le ya yɔngu fuɲaa ndaa mamaa a nda pila len pɛɛn.»

Yeremi 27:11

Kɛ vanaa cɛlnin mà tosal masaa Babilɔn baala o baŋnin nda tosaa-o-a, i kenin nda pɛngio o lɛŋnde ndalen nin, haliko ma va vàá, mà cal lon. Sɔɛi fula Mɛlɛka o sondo-e co ken ni.»

Esekiɛl 5:12

O niaa tɛɛn, vanndacieea kundaa o pilɛ o kundalan tan yáá coo a vunin a nàà n'kɔnyaa. A ɲawnin mà vesa kokolo a yima fofolan. O niaa tɛɛn, kunda diinndɔɔ o layàálan coo vunin o mɔɛi cɔwve bɛngu o kobio balɔɔ pindo. I saŋnin kunda yàándɔɔ o hoeyun vanin hɔŋndo nɛɛ-nɛɛ ka-on nin, o kon mì tisa nda kɔɔli a mɔɛi cɔwve.

Yeremi 27:12

Sɔɛi pilɛi ken koni ya dimul Sedekia masaa Yuda ni aa: «La cɛl sanga masaa Babilɔn co niaa tuisi coo-o, la tosal ndu baalaa a vanaa ndɔa, mì la baŋa yoomu niaa.

Yeremi 38:3

Diom Mɛlɛka dimi-o co hoo ni aa: «I malnin kobio ho vanaa cɔvaa masaa Babilɔn o ba, má bii ndu.»