Yeremi 21:7 - BII BILA

⁷ Mɛlɛka dimi maa o kon kɔɔli, o malnin Sedekia masaa Yuda, a simlacia ndɔa masaa Babilɔn o ba. Mò mal ndu vanaa nàà n'kɔnyaa mɛinin-nda o ba, a vanaa cɔwvo a yima fofolan ma mɛinin yoomu o kobio nin-nda o ba. I malnin nda yaamɔaa ndaa o ba, a yeema le nda diwvo-a pɛɛn. Nebukanɛsar diwnin nda. O tosalnin nda ikɛndɛ le, o mɛinin vɛlɛ vana-vana yoomu le, iɲíí bɛɛ biinin ndu le.›»

Yeremi 21:7 Referans Kwoze

Yeremi 37:17

Paale pilɛ, mí masaa Sedekia viam vannda Yeremi veelu, mó kɔ ɲuna ndu o vionnɔnndo nin o cɛi ndɔ lemasaa nin aa: «Vɛ̀ɛ̀ Mɛlɛka dimul-lɔ nɔm isɔɔ le ya tɛɛngul te?» Mí Yeremi muli aa: «O dimul-la isɔɔ le nɔm, aa nɔm delnin masaa Babilɔn o ba.»

Esekiɛl 7:9

I tofanin niaa mì ɲíí bii ya le. I keinin niaa baa coo le few! I siiluunin niaa volɔɔlan mɛɛ dɛnnda niaalan la co yɛ, dɛnnda niaala nɔɔlɛilan kpede la fulanin ceen niaa o hɔl kpendekele. O kon niaa sinanin ni maa ya co Mɛlɛka soaŋ vana-o ni.

Yeremi 13:14

Mì tosa mì nda pila kuindian, kala-ncuawva nda cuavaa ndaa. Sɔɛi fula ya Mɛlɛka o sondo-e co ken ni. I hɛlinin vana-vana le. Ɲíí kɛ́-kɛ̀ biinin ya, mì i kuuna ya nda cii tɛɛmbuu le.›»

Tɔŋ miingua 28:50

Vanaa hɔlta vesɛiya vanaa-mangalaa-isɔaa kan vanin ni. A nɔnin lebɛɛ a kaasonɔ yuuvɛi le, a nɔnin iɲíí a cuaambɔ le.

Esekiɛl 9:10

Lelan ya bɛɛ, i tosanin iɲíí a nda le. I mɛinin vana-vana le, i tuisinin sangala dɛnnda nda tosa lan nda pila coo.»

Esekiɛl 8:18

Lelan ya bɛɛ, i co nda dɛnndan tosal a kɔltuwvo. I tofanin nda mì ɲíí bii ya le, i keinin nda baa coo le. Hali a yondanin bɛɛ coocoo ya o lani, i yeŋnin nda lani le few.

Esai 47:6

Yáà tuulu kɔl a yungu nuu, mí yáà laasiaa kɛ́ nuu, mí yáà mal yungu ni kalaa niaa o ba. La tosa iɲíí a nda le, mí la saangiaa vanaa yuuvɛiya taw a kpaayaa niaa.

Esai 27:11

Lɛɛndun mun vesa pɛ, vannda yimi ɲaandan mun, vanlaandua hin le mun lomɔɔ. Kani vanaa nɔ kɔlkalu le-a nda co ni, lelan, vana toosiaa nda-o nɔnin iɲíí a nda le, vana cɔw nda-o tosal-lɛnin nda ikɛndɛ le.

Yeremi 15:5

Mí Mɛlɛka dimi aa: «Yerusalɛm, nɛ̀ɛ́-nɛ̀ tuinun yɛnin nɔm iɲíí, mò tosal nɔm dɛnɛ kɛndɔɔ? Nɛ̀ɛ́-nɛ̀ mulul-lɛnin nɔm hɔlla le i co nɔm coo-e sinaa?»

Yeremi 15:9

Vanalanɔ nda va bɛɛlen keo le cuavaa ŋɔmmɛw o velu-a-o siŋnun ɲɛ fondoo, mò malnun kɔl. A telen paalen o pol kpen, mó yiyan maa paalen le del. Mí siɛmbulan la bii ndu, mí bɛɛle ndɔlen le hialun ndu. I malnin vanaa lonin-nda yaamɔaa ndaa o ba, mà diw nda.» Sɔɛi fula Mɛlɛka o sondo-e co ken ni.

Yeremi 22:25

I mal nɔm yaamɔaa nɔmnda o ba, vanaa n nɔ siòòŋii ndɛi-ya, Nebukanɛsar masaa Babilɔn a vanaa ndɔa cɔwva pɛɛn.

Yeremi 27:6

I co niko lɛŋii ken kpow malɔɔ vana ni baalaa o ba, Nebukanɛsar masaa Babilɔn pɛɛn. Hali visia yondoa, a tosalnin ndu baalaa.

Yeremi 34:3

Kɛ nɔm a helunnin ndu le. A co nɔm biyɔɔ mà mal nɔm ndu o ba. A canin ndu a lehɔl ciŋ, mì nɔm pila soo o ndu lo. O kon kɔɔli, a kɔanin a nɔm Babilɔn.

Esekiɛl 23:28

Kani nuaa ya Maalii, ya co Mɛlɛka-o dimi ni aa: «Tofa vɔ, i co nɔm malɔɔ vanaa n nɔ nɛyɔn ndaa-a o ba, vanaa dɛnɛ ndaa fula nɔm iyeema-a pɛɛn!

Yeremi 14:12

A biinin bɛɛ sumndo, i yeŋnin nda lani o ya ɲɔɔloo le. Hali a soli sálàla loamaalan a ɲɛm-kéan, i cɛlnin ndan te. Kɛ mɛɛ mì cii nda kpede a cɔwvo, a yima fofolan a á nàà n'kɔnyaa.»

Yeremi 19:7

O fonda kon ya tɛɛmbuunin tuula Yerusalɛm ndan a tuula Yuda lan ni. Mì tosa mì yaamɔaa ndaa diw nda o cɔwvo, mì yɔngu duàá a tivolla dialun ndan, mà de mun.

Yeremi 20:4

Kani o Mɛlɛka dimi-o co hoo ni aa: ‹I tosanin mì la ɲiiya niaa caaŋaa nɔmnda. A delnin o mɔɛi cɔvii yaamɔaa ndaa bɛngu nɔm o hɔl kpedekele-a mà vi. I malnin vannda Yuda kpow masaa Babilɔn o ba, mò kɔɛ a nda o lɛŋnde ndɔlen nin, te kon te mò diw nda a mɔɛi cɔwve.

Yeremi 32:4

Sedekia masaa Yuda helunnin Babilɔnnda le. Kɛ o sɔlanin malɔɔ masaa Babilɔn o ba. O canin Nebukanɛsar hɔllaa-hɔlla, mì ndu pila soo o ndu lo vakpa.

Yeremi 36:29

Diom Mɛlɛka dimi le Yehoyakim masaa Yuda-o co hoo ni, ndu Yeremi sɛva ni aa: Lekɛ́ndɛi, masaa Babilɔn hunnin mò tɛɛmbuu lɛŋnden nden, mò diw vanndacieea a cɔlua. Kɛ má tambu kɔllo a ndu Yeremi, má loam sɛbɛ sɔɔn mun va coo-o.

Yeremi 50:17

Màá saa laasian, mì yàlàá can ndu tovɔɔ-o Israɛlla va ni. O tase de ndu-o yɔŋnun masaa Asiri ni, o ndu kɔɔli, mí Nebukanɛsar masaa Babilɔn hun pesipesi ndu paalan.

Cɛɛŋɔnnda Yeremi lan 2:20

Mɛlɛka, tofa vɔ ma ce. Nɛ̀ɛ́-nɛ̀ n tosal-lɛ nin dɛnɛ vaa nuaa? Vɛ̀ɛ̀ ndóò bɛnda pá mì vanlaandua ndáà de cuavaa ndaa nda velu-a? Cuavaa nda kaola haa kaola bɛndoo-a. Vɛ̀ɛ̀ ndóò bɛnda pá mi ndáà diw vanaa-solia-lasálàá a vanaa-tɛɛngaa-diom Hala-a o cɛi-kola-toandaa diandaa Mɛlɛka-o nin?

Cɛɛŋɔnnda Yeremi lan 2:22

Paale nɔm Mɛlɛka tuulu kɔllo len, má veelu langbaa kalaa vueinannda, ma veelu fulaa o vanaa bula ya-a tɛɛn le ya hinullo maa o paale kafo coo. Cuavaa nia vana-vana helun te, vana-vana lo yoomu le. Cuavaa yáà suili mí kaola taw-va, nda yaamɔɔa cii ya tɛɛmbul ni.»