Yeremi 21:5 - BII BILA

⁵ O kon, mì ya pila tol niaa coo a cɔwvo a hiilɛi kɔl ni fulaa bɛndoo. Mì cɔm niaa yoomuma nian a kpaaya ni bɛndoo.

Yeremi 21:5 Referans Kwoze

Esai 63:10

Kɛ má yɔŋnun vanaa nila kalua, má del kasi a kɔl diandaa ndɔɔ, mí ndu bɛɛ siŋnun yaamɔɔ ndaa, mí ndu pila cɔlɔba nda.

Esai 5:25

«Le kɔlɔ kon Mɛlɛka tuulu kɔl a vanaa ndɔa ni, mó heelu ba ndɔɔ, mó lɔaa nda, mí pembon ɲiiya, mí vannda cɛɛlun, má vu, mɛɛ bil basaa va o nɛila bɛndulan demullo nuaa yɛ. Kɛ hali a kon kpow, kɔltuw Mɛlɛka-o ɲulul-lɔ le, ba ndɔɔ co vɔ o siɛndiaa le lɔɔ.

Fulaa 6:6

Lelan, dimul nda aa: ‹Ya co Mɛlɛka ni. I co niaa soli o baala lepɔtɔllo nin Esipte. I co niaa soli o cɛle ndalen nin. I co niaa baŋa a kpaaya ni bɛndoo, mì tuisi nda sangaa coo.

Yeremi 32:17

«Àá Maalii Hala, nɔm siɛndi ba nɔmndo ni, má soli halataalaa a lɛŋnden, a kpaaya nɔm bɛndoo. Ɲɛ-ɲɛ kindu a nɔm te.

Yeremi 6:12

Tuma ya mululunnin vanaa co o lɛŋnden nin-nda-o, cɛila ndalan la kɔanin vanaa celen o ba, mì ciɛɔn ndan a laandaa ndaa bɛɛ lo le caanda. Sɔɛi fula Mɛlɛka o sondo-e co ken ni.

Esai 9:17

Kani kɔlvesɛiyo, lomɔɔ o loam ni maa leyin, lomɔɔ o loam ni maa yinnde loam siɛmbulle a hɛɛnndon-nden, maa yinnde loam bundɛla bɛndulan, mí kumii tiŋitiŋiei hel coocoo maa masungbu len.

Fulaa 9:15

Te ndóò siɛndi pɛ baa mì ndóò tuisi nɔm nàà halimaa coo, la va cuu niaa lɛŋnde nɔmnden mí niáà faŋan o ceendo coo.

Yeremi 32:37

I co nda mɔɔsiaa fulaa o lɛŋii yáà puusiaa nda mí toaw nda a kɔltuwvo, a yolɛi a o kɔl ni fulaa nin-nde nin, mì mingi nda o fondaa ho, mì hun kɛsi nda lon nila ɲulu.

Esai 10:4

A pum a tundunnin vanaa co o biyɔɔ nin-nda tɛɛn, a pum a cɛɛlunnin vanvílɛ́iya tɛɛn. Kɛ a kon kpede, kɔltuw Mɛlɛka-o ɲulul-lɔnin te, ba ndɔɔ va vɔnin o heelaa.»

Esai 9:12

Kɛ vannda ha muungu Mɛlɛka va nda sanga kon tuisio coo-o o ibuŋ te, a muli hɔlla o Mɛlɛka-Nɔ-Kpaayaa-Kpow-vo lo le.

Tɔŋ miingua 4:34

Vɛ̀ɛ̀ hala pum co o kɔ soli vanaa-mangalaa-isɔɔa pum le ndu pila o vanaa-mangalaa-isɔaa celen tɛɛn a dɛnnda bɛndulan, a kaamaalan, a kɔndifiltan, a cɔwlan a á kpaaya bɛndoo a vannda siòònde lueiyo-o? Nduyɛ lende Mɛlɛka Hala niaa soli niaa o lɛŋnde Esipte len nin ni, niaa pila co seiya le ken.

Tɔŋ miingua 4:23

La caa, yɔŋii niaa pɔɛɛnun kpema Mɛlɛka Hala niaa yiilu niaa-o, mì la cɔw piɔmnda a tuuliaala súú oo súù. Nduyɛ o kuuna niaa dɛnnda lan.

Yeremi 36:7

Bɔɔle a cannin mà tɛɛlun Mɛlɛka a kpaaya ndaa kpow, o kon mì vana-vana mangala kela ndɔ vɔɔndo, kani taw-taw Mɛlɛka tambu kɔllo a vannda ha ni.»

Yeremi 37:10

Hali o va bɛɛ maa la nɔla vanaa cɔvaa Babilɔŋaa co niaa haa kɔɔli a cɔwvo-a kpede, mò lo vanaa niaa yɔŋul-la daama, a pilɛn-pilɛŋaa kan cannin o cɛila-kolala-toandaala ndalan nin, mà hin kpow, mà mal kobio Yerusalɛm yin.»

Cɛɛŋɔnnda Yeremi lan 2:3

O kɔltuw ndɔ bɛndu kon nin, mó tɛɛmbuu tiindan Israɛlla kpow. Lɔ́ɔ́ yaamɔɔa hinul nda-o, o cɛl le nda malaa le. Mó mɛndul yinnden o lɛŋnde Yakɔb len nin, mí le loam ɲɔɔ nda balɔɔ sɔ́.

Esekiɛl 5:8

le kɔlɔ kon ya Maalii, ya co Mɛlɛka-o dimi ni maa ya bɛɛ, i co niaa mululɔn. I kialunin yamɛi mì tuisi niaa sangalan coo vanaa-mangalaa-isɔɔa o hɔl.

Esekiɛl 39:3

I yamnin kpaasiaa n nɔ o ba mɛllo-o, mì tosa mì kɔɔn co nɔm o ba kɛndɔɔ nin-ndon cɛɛlun.