Yeremi 21:4 - BII BILA

⁴ Diom Mɛlɛka, Hala Israɛlla dimi-o co hoo ni aa: ‹La co masaa Babilɔn a vanaa ndɔa cɔvaa hun simul niaa-a cɔlɔbaa. Kɛ i tosanin mì vanaa co cɔwvo tosaa o kpakio laci-a ɲaanun, mà muungu o kobio nin.

Yeremi 21:4 Referans Kwoze

Yeremi 33:5

Fondo fúú niaa cɔlɔbanin Babilɔnnda le kpaakio tangullo le kobi niaa biyɔɔ ni. Kani telen niaa kuelnin nda-o, i kuinin vanvílɛ́iya cɛilan nin a kɔl ni fulaa bɛndoo. I mululnin kobi kalaa kɔɔ le dɛnnda kɔlvesɛila nda tosa lan.

Yeremi 32:5

A kɔanin a Sedekia Babilɔn, lon o lonin ni háá mi cɛn le ndu vali tosa. Te la tɔɔndan pɛ le Babilɔnnda simullo, la tiwnin nda ba le. Sɔɛi fula Mɛlɛka o sondo-e co ken ni.

Esai 13:4

Bɔɔluu bɛndoo co tueinɔnndo o pembon coo maa vɔnga sɛ́lɛ́ bɛndu, masɛi yɛ́-yɛ́i co vɔngaa vɔkɔ-vɔkɔ, vanaa-mangalaa-sɔɔa cuungian-nda co tombolaa isɔkɔsɔkɔɛi a labɛɛla! Mɛlɛka-Nɔ-Kpaayaa-Kpow-vo co vanaa cɔvaa tosanin cɔwvo-a cɔmndo a pilɛn-pilɛn.

Esai 5:5

I co niaa niko dimul mɛɛ ya co hunɔɔ tosa a nakɔ ni n'rɛsɛn kalaa yɛ. I co kpalion suingi mì visia luɛi, mà de ndu. I co kunga ndɔɔ puusiaa, mò nɛwnun a labɛngu!

Sakari 14:2

I cuungiaanin vanaa-mangalaa-isɔɔa kpow mà hinul Yerusalɛm a cɔwvo. A biinin kobio mà cɔwviaa ɲɔɔn cɛilan nin, mà kpuwviaa vanlaandua, mà bii vannda a tiŋ, mà kɔɛ a nda o cɛlen nin. Kɛ vanaa tɔ̀a lonin-nda, nda cúúnìn faŋan o kobi kalaa nin te.

Cɛɛŋɔnnda Yeremi lan 2:7

Mí Mɛlɛka kɛɛ fonda-loamaa-lasálàá ndɔɔ, mí cɛi-kola-toandaa ndɔ diandaa nɛinun ndu. Mó mal kpakila cɛila lemasalan Siɔn yaamɔɔa o ba. Mí yoondiaalan la va sɔɛi o Cɛi-Mɛlɛka-o nin, maa o paale kafo coo.

Cɛɛŋɔnnda Yeremi lan 2:5

Mí Maalii siŋnun maa yaamɔɔ naa. Mó tɛɛmbuu Israɛlla a cɛila lemasala ndalan kpow, mó tɛɛmbuu kpakila ndalan. Mó kui ŋɔɔcanndan a cɛɛŋɔnndan o Yuda lo cɛinin.

Yeremi 39:3

Mí simlacia masaa Babilɔn kpow: Nɛrkal-Sarɛsɛr, Samkar-Nebu, Sarsekim bolle vanaa nda tɛnda bosio-a, Nɛrkal-Sarɛsɛr simlacinɔ kaasoŋaa kɔlkalua, a simlacia tɔ̀a masaa Babilɔn-nda kpow a luɛi, má kɔ cal o dio va tɛɛn-ndo.

Matie 22:7

Mí masaa tuulu kɔl, mó viam vanaa ndɔa cɔwva, má kɔ diw vanaa diuvaa kan, má loam kobi ndaa.

Osee 9:12

Taa manda pɛ cuawva, telen cuavaa kan kandunin fulaa lenin-ndo, i poonda nda nda o ba. Dɛnɛ palaa vanin le nda lɔ́ɔ́ ya malnin nda mì faŋan nda ikɛi-yo.

Yeremi 52:18

Má cɔwviaa vɛlɛ ɲɛm ndáà toosiaa a daɲan le baala lekaando-on: bombola kɔandaa lapultan, peelelan, mɔɔn, bonyun fuusan a taalala kólaalan a ɲɛm-laandun celen toosian a daɲan le baala lekaandon-ndon.

Esai 10:4

A pum a tundunnin vanaa co o biyɔɔ nin-nda tɛɛn, a pum a cɛɛlunnin vanvílɛ́iya tɛɛn. Kɛ a kon kpede, kɔltuw Mɛlɛka-o ɲulul-lɔnin te, ba ndɔɔ va vɔnin o heelaa.»

Yeremi 20:4

Kani o Mɛlɛka dimi-o co hoo ni aa: ‹I tosanin mì la ɲiiya niaa caaŋaa nɔmnda. A delnin o mɔɛi cɔvii yaamɔaa ndaa bɛngu nɔm o hɔl kpedekele-a mà vi. I malnin vannda Yuda kpow masaa Babilɔn o ba, mò kɔɛ a nda o lɛŋnde ndɔlen nin, te kon te mò diw nda a mɔɛi cɔwve.

Yeremi 21:3

Mí Yeremi dimul nda aa: «La kɔ dimul Sedekia aa:

Yeremi 32:3

Sedekia masaa Yuda ndóò mal ndu o kaasoo ni, kani mó cɛɛŋun a vana-tɛɛngaa-diom Hala-o o kɔɔ aa o dimi o diola Mɛlɛka lan maa o co kobio ho malɔɔ masaa Babilɔn o ba, mò bii ndu.

Yeremi 32:24

Sunsun, Babilɔnnda co kpaakio tangullo le nambaa mà bii kobio. Kobio delnin Babilɔŋaa tiila ndu a cɔwvo-a o ba, mà cuu o mɔɛi cɔwve bɛngu, yima fofolan a nàà n'kɔnyaa. Kámáá a ce le! Ɲɛ n dimi-o peelun.

Yeremi 35:17

Lelan, diom Mɛlɛka, Hala-Nɔ-Kpaayaa-Kpow-vo, Hala Israɛlla dimi-o co hoo ni aa: «Niaa vannda Yuda a niaa Yerusalɛmnda, i co niaa dɛnnda palaala ya dimul niaa lan kpow tuisi coo. Kani i soo o niaa lo, kɛ la yeŋnun te, mí veelu niaa, kɛ la cɛl te.»

Cɛɛŋɔnnda Yeremi lan 2:3

O kɔltuw ndɔ bɛndu kon nin, mó tɛɛmbuu tiindan Israɛlla kpow. Lɔ́ɔ́ yaamɔɔa hinul nda-o, o cɛl le nda malaa le. Mó mɛndul yinnden o lɛŋnde Yakɔb len nin, mí le loam ɲɔɔ nda balɔɔ sɔ́.

Esekiɛl 39:3

I yamnin kpaasiaa n nɔ o ba mɛllo-o, mì tosa mì kɔɔn co nɔm o ba kɛndɔɔ nin-ndon cɛɛlun.