Yeremi 21:2 - BII BILA

² «Ɲuna Mɛlɛka le naa, kani Nebukanɛsar masaa Babilɔn co naa hinullo a cɔwvo, bɔɔle mì Mɛlɛka tosa dɛnɛ kaamaa le naa, mì Nebukanɛsar kalaa kɔɛ naa levil polon.»

Yeremi 21:2 Referans Kwoze

Yeremi 37:3

Mí masaa Sedekia viam Yɛhukal po Selemia-o nda Sofoni po Maaseya vana-solia-lasálàá-o, o Yeremi vana-tɛɛngaa-diom Hala-o lo le ndu dimullo aa: «Piɛi Mɛlɛka, mà tɛɛlun ndu le naa.»

Yeremi 37:7

«Diom Mɛlɛka Hala Israɛlla dimi-o co hoo ni aa: La kɔ dimul masaa Yuda, o vem niaa ya ɲunaa-o aa: Vanaa cɔvaa ndáà fula Esipte le niaa hunɔɔ cɔwvo malaa-a muungun o nda lo Esipte.

1Samiɛl 28:15

Mí Samiɛl ɲuna Saul aa: «Le yɛɛ nɛ n kpeeŋiaa yɛ ya, mà soli ya ceen?» Mí Saul muli aa: «A buulanndo pila ya co nuaa ni, kani Filistia hinul-la a cɔwvo. Nduyɛ Hala mulul-la kɔɔ, o co lɛ ya mulul te, o va a vana-tɛɛngaa-diom Hala-a o kɔɔ, o va o lɔma sɔlaa nin. Lelan ya veelu nɔm ni, mà cɔm ya ɲɛ ya bɛnda le tosaa-o.»

1Samiɛl 28:6

Mó ɲuna Mɛlɛka, kɛ Mɛlɛka mulul ndu le, o mulul ndu o lɔma sɔlaa nin te, o mulul ndu o urim nin te, o suu o vanaa-tɛɛngaa-diom Hala lo le ndu sɔɛi ken dimul te few.

Yeremi 32:24

Sunsun, Babilɔnnda co kpaakio tangullo le nambaa mà bii kobio. Kobio delnin Babilɔŋaa tiila ndu a cɔwvo-a o ba, mà cuu o mɔɛi cɔwve bɛngu, yima fofolan a nàà n'kɔnyaa. Kámáá a ce le! Ɲɛ n dimi-o peelun.

Yeremi 32:17

«Àá Maalii Hala, nɔm siɛndi ba nɔmndo ni, má soli halataalaa a lɛŋnden, a kpaaya nɔm bɛndoo. Ɲɛ-ɲɛ kindu a nɔm te.

2Dɛnnda lemasalan 32:21

Mí Mɛlɛka viam mɛlɛkanɔɔ o dɔ́ɔ́ngɔ́ masaa Asiri nin, mó diw kuubaa cɔwva, simlacia vanaa cɔwva a vanaa a vanaa kùndàá kpow. Mí siɛmbulan la bii masaa Asiri, mó muungu o lɛŋnde ndɔlen nin. Ndóò luɛyɔɔ o cɛi hala ndɔɔ nin, mí poaa ndɔa dii ndu lon a mɔɛi cɔwve.

2Masaa 1:3

Kɛ mí mɛlɛkanɔ Hala-o hun dimul Elii fula Tisbe-o aa: «Cɔn ma kɔ bɔŋa kiilaa masaa Samari vem-nda, ma dimul nda aa: ‹Mò va maa Hala co o lɛŋnde Israɛl-ten nin te, le kɔlan Baal-Sebub, hala kobio Ekrɔn ɲunaa?›

1Samiɛl 10:22

Má ɲuna vɛlɛ Mɛlɛka aa: «Vɛ̀ɛ̀ vana kon co pá nanu?» Mí Mɛlɛka muli aa: «O co o viannan o volɔɔlan ikɛi.»

Masaa kialaa n'yamaa 20:27

Tuma kon yɛ, kesu kpema Hala-o va Betɛl, Pineas po Eleasar-o, po imama Aarɔn-ndo va baalaa tosaa a kesu kpema kon o palɛi ken nin ni. Mí Israɛlla ɲuna vɛlɛ Mɛlɛka le sinaa te ndóò bɛnda mì ndáà kuel vɛlɛ puapilɛa ndaa fula o polale Bɛnyamɛn-nden nin-nda a cɔwvo.

O Kandɔɔ 10:10

Kobila lebolta o tosa masale ndɔlen coo lan la va Babɛl, Erɛk, Akad a Kalnee ni. O lɛŋnde Sinear len nin la va ni.

Fulaa 9:28

La piɛi Mɛlɛka le ya yandi, haliko mi taŋndan a loeon pɛngi delio. I co niaa malɔɔ mì la kɔɛ, i bii lɛnin niaa n'pelu le.»

2Masaa 17:24

Mí masaa Asiri hun a vannda pum fulaa Babilɔn, Kuta, Ava, Hamat a Sefarvaim, mó kɛsi nda o fonda Israɛlla o kobila va o tàndá Samari-o nin-ndan nin. Mí vanaa kan hialu tàndá Samari-o, má cal o kobila va lon-ndan nin.

Esai 48:2

Kani la co diolan puuvo aa: «Vanaa co o kobi diandaa nin-nda.» Mì la co Hala Israɛl-lo tiindanndo coo, Hala nɔ diolan aa Mɛlɛka-Nɔ-Kpaayaa-Kpow-vo pɛɛn.

Yeremi 15:11

Nduyɛ mí Mɛlɛka dimul-la aa: «Dɛnɛ kɛndɔɔ co nɔm laci. I tosanin mì yaamɔaa nɔmnda tɛɛlun nɔm o telen nda vanin o dɛnɛ palaa nin-ndo.

Yeremi 21:3

Mí Yeremi dimul nda aa: «La kɔ dimul Sedekia aa:

Yeremi 37:17

Paale pilɛ, mí masaa Sedekia viam vannda Yeremi veelu, mó kɔ ɲuna ndu o vionnɔnndo nin o cɛi ndɔ lemasaa nin aa: «Vɛ̀ɛ̀ Mɛlɛka dimul-lɔ nɔm isɔɔ le ya tɛɛngul te?» Mí Yeremi muli aa: «O dimul-la isɔɔ le nɔm, aa nɔm delnin masaa Babilɔn o ba.»

Esekiɛl 7:26

Dɛnɛ palaa tuŋ vanin handɔnndo o dɛnɛ palaa coo ni, yoongula vɔɔnndan tuŋ la vanin hiyahiyanndo ni. A ɲunanin vana-tɛɛngaa-diom Hala-o le nda vundulen cɔmndo, kɛ tɔŋndo vanin vana-solia-lasálàá pɛŋnden, silaa hialunnin vanaa kɔlkalua.

Yeremi 34:1

Nebukanɛsar va masaa Babilɔn, mó can nda vanaa ndɔa cɔwva kpow, vanaa cɔvaa masɛi a vanaa-mangalaa-isɔɔa va ndu o ba bɛngu-a kpow, má hun del Yerusalɛm a kobila co o tàndá Yuda-o nin-ndan coo a cɔwvo. O telen kon, mí Mɛlɛka soaa o Yeremi lo, mó dimul ndu aa: