Yeremi 21:14 - BII BILA

¹⁴ Sɔɛi fula Mɛlɛka o sondo-e co hee ni aa: «I simulnin niaa mɛɛ dɛnnda niaalan la co yɛ, mì mal bundɛla niaalan yin, mì yinnden le lom bundɛla lan balɔɔ sɔ́.»

Yeremi 21:14 Referans Kwoze

Yeremi 32:19

A nɔ bɔɔ tuula bɛndulan, la n peelu a kpaaya bɛndoo lan pɛɛn! A nɔ hɔlten o kelala vanndacieea coo. Mɛɛ kela vana-vana co yɛ n bii vanndacieea ni, mɛɛ kɔmnde dɛnnda ndalan le co yɛ.

Talelan 1:31

Lelan, la dianin kɔmnde fula o kela niaa nin-nden. La pumnin silala niaala niaa pila lan.

Yeremi 52:13

Mó loam Cɛi-Hala-o, cɛi masaa, a cɛila va o kobio nin-ndan, taama-taama la simlacia.

Yeremi 17:10

Mí ya Mɛlɛka dimi aa: Ya co vana ca o kɔllo nin di-o ni, i sina yiyannda viannannda co o kɔltan nin-ndan. Le hee, i tiwba mi bii vana-vana mɛɛ kela ndɔɔ co yɛ, mɛɛ dɛnnda vana-vana la co yɛ.

2Dɛnnda lemasalan 36:19

Mí Babilɔnnda loam Cɛi-Hala-o, má komba kpakio Yerusalɛm, má loam cɛila kɛndɛ-kɛndɛlan, má tɛɛmbuu ɲɛm báà kalan va o kobi kalaa nin-ndon kpow.

Yeremi 9:25

Esiptea, Yudaa, Edɔmnda, Amɔnnda, Moabua a vanpiaandua sendin kangbalan-nda kpow, á co icali o lɛŋnde veselɛilen nin-nda pɛɛn. Kani vanaa kan kpow a dii tooma le, Israɛlla bɛɛ kɔ̀ndéa nda co o kɔlta ndalan nin ni.»

Sakari 11:1

«Niaa vanaa co Liban-nda, la kumbi diola niaalan, mì yinnden le luɛi, mì le lom yɔmii sɛɛdrei.

Yeremi 22:7

I co vanaa tɛɛmbua nɔ ɲɛm tɛɛmbuan o ba-a dimul, mà hun koombiaa sungbuma nɔmma yɔmii sɛɛdran, mà mal man o yin.

Yeremi 11:22

Ɲɛ Mɛlɛka-Nɔ-Kpaayaa-Kpow-vo dimi le nda-o co hoo ni aa: «I co nda simul, langbaa felengia ndaa vunin o mɔɛi-cɛwve bɛngu, mì poaa ndaa a cuavaa ndaa laandua vi a yima fofolan.

Yeremi 6:29

Kùùlan la co fuulaa tuŋ, liie tenga mí i lo pɛ o yin. Fondo fúú nda co volion malɔɔ o yin ni, nɔɔ bii mun-ndo faŋannin te.

Esai 37:24

A yei Maalii a sondo vanaa nɔmaa baalaa, a dimi aa: Ya Sanekerib, i hel o pembon tullo a ɲɛla ɲaanannda nila soa nan-ndan kunda bɛndoo. I hel o pembei Liban mɛɛlulan, mí kialu yɔmii Sɛɛdrei ndɔɛi hiow bandei-ye a yɔmii Siprɛsii ndɔɛi hiow naŋɔɔ-e. I tiiyanin o tul ndɔ hiow bandei-yo bollen a o bundɛ ndɔ kàlà-kálàá mɛɛlulan.

Esai 24:21

O palɛi ken nin, Mɛlɛka soaŋnin ɲɛm cɔvun co o halataala-on, mò kposoŋa masaa co o lɛŋnden coo-a.

Esai 10:12

Kɛ Maalii dimi aa: ‹Lɔ́ɔ́ ya ciinin baala nuu kpow tosa o pembei Siɔn coo a o kobio Yerusalɛm nin-ndo, i soaŋnin masaa Asiri le yiyan ndɔ kuundianndo a le tofa ndɔ yongaa.

Esai 10:16

Lelan, Maalii, Mɛlɛka-Nɔ-Kpaayaa-Kpow-vo co ɲawvo tuisi kuubaa celulaa coo, ɲɔɔ vanin volio o naŋɔɔ ndɔɔ bɛngu maa yinnde biyaa.

Yeremi 11:16

Diola ya Mɛlɛka yáà ke ndu lan la va lan ni aa: ‹Oliviee puiyaa kulun kɛndɛ bɛndoo.› Kɛ mí mal yinnden o bɔɔ ndɔ yukɔn-ndo nin, o diom bɛndu-bɛndoo nin, mí le loam lɛɛndun ndɔn kpede.»

Yeremi 17:27

Kɛ te la yeŋ ya nilan te, te la luei paale pɛngiaalen yii mì la manda len le ya le, te la cua pɛ volɔɔlan o paale len coo, mì la kei a lan o diola Yerusalɛm-ndan, i malnin kobi kalaa yin, mì cɛila ndɔla kɛndɛlan la ŋɔɛ, nduyɛ le ɲumnin te.»

Yeremi 22:1

Diom Mɛlɛka dimul Yeremi-o co hoo ni aa: «Kɔ o cɛi lemasaa Yuda nin, mà kɔ dimi sɔɔn mun ndon.

Yeremi 46:23

Sɔɛi fula Mɛlɛka o sondo-e co hee ni aa: ‹A co bundɛ ndɔɔ kioŋndo, bundɛ vanaa nɔla hoo paandu luɛyɔɔ nin too. Kani a hiow sóónɔa vaa sɛ́lɛ́, vana nɔla nda cii cɔm te.

Yeremi 50:32

Vana yongaa boŋ mò del. Vana co le ndu cua le. I mal kobila ndɔlan yin, yinnden le loamnin ndu balɔɔ sɔ́.

Cɛɛŋɔnnda Yeremi lan 2:3

O kɔltuw ndɔ bɛndu kon nin, mó tɛɛmbuu tiindan Israɛlla kpow. Lɔ́ɔ́ yaamɔɔa hinul nda-o, o cɛl le nda malaa le. Mó mɛndul yinnden o lɛŋnde Yakɔb len nin, mí le loam ɲɔɔ nda balɔɔ sɔ́.

Talelan 12:14

Sɔɔn sondon lueilul vana tɔnɔɔ taw, mɛɛ baalaa ke vana salaa nuaa yɛ.

Yeremi 6:19

Lɛŋnden, yaŋnun. I co dɛnɛ palaa tuisi vannda ha coo, tɔnɔ yiyannda ndalan co kon ni. Kani a yeŋ nilan o tɔŋ nuu le, má kɛɛ sɔɔn nun.

Esekiɛl 21:3

Dimul bundɛ co kon a ba too-o aa: ‹Yaŋ nilan o sɔɛi Mɛlɛka-e!› Nuaa Maalii Hala dimi ni aa: ‹Ya, i co yinnden malɔɔ nɔm nin, mì yinnde len le lom yɔmii keyɛiye a yɔmii vesɛii co nɔm nin-nde kpow, yinnde len le ɲumnin te, nduyɛ, le lonin biyɔɔ lende háá mì vannda kpow a cuu ŋɔ, kandɔɔ a ba too haa a ba luaŋ-ndo.

Misee 7:13

Lɛŋnden le dɔawnunnin yɛɛvɛ le kela vɔɔn vanndacieea co lecoo-a.